1 Ịsamụwẹrị 23:17 - IWE ỌNỊNỊ

¹⁷ Di Ijonatani ka, “Asị ụ hí angwa, Ịsọọrụ ada amị ọ yị yàa sị ụvọọ kanyị wụ. Ẹwa va vị ohinọyị Anisirẹrị, dị ahịka ẹma vị ọgwọhụva awụ nị.” Di Ijonatani rẹ ka, “Ada amị ộ hyakụ yẹ ka avọọ yọ nị.”

1 Ịsamụwẹrị 23:17 ပူးပေါင်းရင်းမြစ်များ

Ahẹ Ụgama 118:6

Ẹnẹyịmavara vị ana jẹẹ mị ịrẹma, agụvị avọọ me yi vee hí angwa. Mâ yẹ ka ẹ yị nyị ịsị ọza zụ sị mẹ mị.

Ụhịrẹyị 14:26

Ọza eneē hí angwa Ẹnẹyịmavara vị ọnị oō sere ọnịrị ovwoovu anị.

Ụhịrẹyị 19:21

Aza ẹ zụ mẹ aro ọrụrụ-ọrụrụ tụ ịnị ayị ama ịsị Ẹnẹyịmavara oo si ọọ̄ vaa mẹ nị.

Ayịsaya 35:3

Tụ́ aza ọnị ọ sị ngụ ẹngụ ọtụtụrụma. Sị ụkata yị aza ana vaa hyẹdụ ka ẹ̀ jẹẹ.

Ayịsaya 35:4

Kà ẹ yị aza ana ayị aa hụrẹ ịnẹ ka asị angwa rè hí wa; ẹ̀ nyị ọtụtụrụma, ka Ohomorihi ẹnịnị aa vaa dọ wa há. Dị ọ ụya rị ọnịvị ẹnịnị.

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.

Odeyi 28:16

I mè tù Iroomi, â zẹẹ ka Ịpọọrụ ọ̀ yà aha anị. Dị a ka isoja ọnya ọ̀ sị eyi pe e nị.

Odeyi 5:39

Ama àa vị Ohomorihii yọ nị, we yi zụ vú ọ ẹtẹ nịnị. Ẹ̀ yị vị avọọ, u vee re ka we si nyima ee pe Ohomorihi zyaazị nịnị.”

Aniroomi 15:24

Ụmẹ tụra ụmẹ ọnị màa kụkụ aa nọ Isipeni, mị vaa há ịda awụ nịnị. Mee ro ka ụ vaa gụ mị ụvọ ka ma zụ na nịnị, màa zị oze ịda awụ nịnị, dị mị raà yà ịda awụ nịnị chee nị.

Anihiburu 13:6

Agụvị avọọ ayị ayị ọ zụ vị́, dị yaa kà a ka, “Ananyị yị ọ vị ọnọgụvọ amị nị, me yi vee hí angwa. Sị ọza nyẹngụ mẹ mị?”

1 Ịsamụwẹrị 20:31

Wáá yẹ ka ozi Ijeese ọ̀ọ yị yà ẹhẹ, wẹ yị va zụụ nyị ahụụ hi ẹtẹ, wẹ yị rẹ va zụụ rị ohinọyị. Tụ́ ne sị ọ va mị booro aanị dị ma wụ̀ ọ.”

1 Ịsamụwẹrị 22:23

Yaayịtẹ pè mị, asị wu hí angwa. Ọza ana àa ka ọnị aa wụ̀ wụ ẹmị o ree sì ka ọnị ọ̀ wụ avọọ nị. Wàa yaayịtẹ pè mi ịzẹnị, ẹ yị nyị ịsị ẹ vaa mẹ wụ.”

1 Ịsamụwẹrị 24:19

Áá nyị ọza ene re ọnịvị anị dị ọ̀ zẹẹ ka ọ̀ọ na ẹngwọọrọ? Ẹnẹyịmavara ọ̀ navọ ò si wu atọ ozoza agụvị ịsị wụ mẹ mị ajịnị aanị.

1 Ịsamụwẹrị 24:20

Mâ yẹ ka ịzẹyịza ẹwa vaa vị ohinọyị nị. A raà sị ẹtẹ Isirẹrị chire wụ ụvọ.

1 Ịsamụwẹrị 24:21

Ama aarịhịnị sị Ẹnẹyịmavara hị́ eku ka wẹ yị vaa mẹ ka è hí ayị ịrẹha ẹmịrị ezi emi ini ovwoovu ada amị.”

1 Ịsamụwẹrị 24:4

Dị aza Idevidi hị́ ọ dị ẹ ka, “Ẹkụhị ajịnị gẹdẹ-gẹdẹ Ẹnẹyịmavara aa kà nọ, ka ọnị aa sị ọnịvị awụụ chire wụ ụvọ, dị wa mẹ̀ ẹ óòó mè ze wu eyi.” Di Idevidi were tere pè Ịsọọrụ, dị ọ yẹrẹ ụtọ awuru anị nị.

1 Ịsamụwẹrị 25:30

Di Abigẹrị aa kịị kà ịrẹyị dị ọ ka, “Nda, Ẹnẹyịmavara vaa mẹ avaba ịsa ozoza ọnị ọ ka ọnị vaa mẹẹ wụ. Ọ vaa sị wụ vị ohirẹsụ Anisirẹrị.