1 Ịsamụwẹrị 22:2 - IWE ỌNỊNỊ

² Â nyị aza ẹnyị ana ayị vịdị aa kụ́ ọnịrị aza ana ayị ẹnịnị si du. Dị ẹngụ aza ẹnẹẹ kụ́ ẹngụ gụ di ẹ kụ́ ẹngụ ẹnịnị na yị Idevidi nị. Ẹnịnị vị akana, dị ahịka Idevidi ẹ kụkụ sị mẹ ọga nị.

1 Ịsamụwẹrị 22:2 ပူးပေါင်းရင်းမြစ်များ

2 Ịsamụwẹrị 17:8

Dị ọ rẹ ka Ẹwụ ụvọta ộ yẹ ada awụ ọnịrị aza ana yà pè e. Wâ yẹ ka isoja obooro ẹ vị nị. Ê divi anka ọdụmị ana a wụ̀ ezi. Wa rẹ yẹ ka o si kù ana ada awụ hụrẹ aa kụ̀ ịrẹkụ. Ọnịrị isoja anị ẹ yị vaa sụ aha ọnya ịrahụ.

2 Ịsamụwẹrị 5:2

Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

2 Ohinọyị 20:5

Ọ kà ọ na ka yị Ihezekaya ana vị ọdọvịdị aza anị ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị.

2 Ohinọyị 4:1

Ẹkụhị ọnya, osoku ịnya ịnị ọnịsẹ nịnị ô ve tu Erisa, dị aa jị òrèrè nị. Ọ kà, ọva anị ô wusu, dị Erisa yẹ ka ộ hí angwa Ẹnẹyịmavara ẹtẹẹtẹrẹ. Ama â nyị ọnọrụ ọnya ọnị ọva rị ụta ẹkẹhị. Ọza ọnọọ ộ vẹ ka ọnị aa vaa kụ ezi ọnọrụ anị ẹyịvaa sị́ ụta, dị ẹ̀ kụkụ na vị ọrịhị anị.

Ụhịrẹyị 31:6

Sị eche yị ọza ene vee su ọnịrị ọza ọnị ayị anị du.

Imatiwu 11:12

Hụrẹ ụmẹ Ịjọọnụ ọhwọzenyi va ngụ ajịnị, ịjọva Ada ayị ẹbẹẹba sị hụrẹ ngụ ịrẹyị ụkata nị, dị aza sị ụkata-ụkata kwẹẹtẹ tù ọọ nị.

Imatiwu 11:28

Ká mị vẹ nịnị, ẹwụ nịnị ana ayị anị sị vazi, di e reè kune ẹnya ọrata tụra wụ nịnị, ka mị vaa sị ụhwọtụụ yị wụ nịnị!

Anihiburu 2:10

Ohomorihi ọ mẹ avaba ịsa nị, dị ẹ rẹ vị Óhomorihi nị. Agụvị avọọ áa vọrọ ka ọ̀ mẹ ka Ijeesu ọ̀ gụ ini oze ụya ọnị ọ rị, dị aza ọrụrụ-ọrụrụ ẹ̀ zụ nyị tụ́ ini igirima anị. Ijeesu ọ sị oze zụ̀ wa ka ẹ̀ vẹ, dị à va dọ wa há nị.

Ọdọvịdị 11:3

Ịzẹyịza dị Ijẹhụta zwe hụụ ịnị eehi yị adẹnyara anị ẹnẹnị, dị ọ na ra ẹtẹ anaa hị́ Ịtọbị nị. Ẹtẹ Ịtọbị ịzọọ ọ ya ịjị o ne ku chee dị ọ hara ezi edivi ẹnyị ku ẹngụ ana kụkụ a dụ ọ zị nị.

Ọdọvịdị 18:25

Anịdanị nịnị ee tu ọ ohi ka a sị o pe ẹnị nyị ahankata, ẹyị vavọọ ọnị ọyịkụ ene hi ịnị ẹnịnị vaa gu chire wa dị ẹ dọ Imika ọnịrị ovwoovu anị ụhwẹ.

1 Ịsamụwẹrị 1:10

Ayị Ịhaana vị ana nyayịnẹ du, di ee sụ ùnè ọ maa mẹ̀ aduwa hi Ẹnẹyịmavara.

1 Ịsamụwẹrị 22:3

Di Idevidi rẹ hụụ ịzọọ, dị ọ nọ Imizipe ịnị ẹtẹ Imowabi nị. O mè tù ịzọọ dị ọ kà a yị ohinọyị Imowabi dị ọ ka ọ̀ navọ ọnyị anị beri ada anị ẹ̀ na yà ịdị ohinọyị ọnọọ pooro dị ọnị yẹ Ohomorihi ọ̀ọ mẹ vaa mẹ ụsẹ anị nị.

1 Ịsamụwẹrị 23:13

Di Idevidi ọnịrị aza anị sị hụrẹ Ikeyira, dị ẹ yaa ngụ ọ zị nị. Aza Idevidi vị ẹnị akata. Dị a rẹ na sị ọ kà yị Ịsọọrụ ka Idevidi o si zwe hụrẹ Ikeyira nị. Dị Ịsọọrụ ọ̀ yị kụkụ nọ ịzọọ nị.

1 Ịsamụwẹrị 25:13

Di Idevidi hí aza anị dị ọ ka ọzọza ọ̀ kụ́ ụhwọ anị nị. Ịzẹyịza dị ọzọza kụ́ ụhwọ anị, di Idevidi ọnị rẹ sị aanị nị. Ẹhụ aza ẹnị akava avọọ ộ saasa Idevidi aa na, dị ẹnị ịrẹka jẹẹ pè ẹnya nị.

1 Ịsamụwẹrị 30:6

Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.

1 Ịsamụwẹrị 9:16

Ẹnẹyịmavara ộ vịdị sị ọ kà yị Ịsamụwẹrị ka ụmẹ aanị ụhwọ, ọnị vaa tụ́ ọmụha ọnya aanị hị́ ọ. Ọ kà Ịbẹnjamịnị ọ vaa hụrẹẹ vẹ nị. Ọ kà ọza ọnọọ ọ̀ọ vẹ, dị Ịsamụwẹrị ọ̀ nyị ọ dị ọ kụkụ vị ọdọvịdị Anisirẹrị ana vị aza Ohomorihi. Ẹnẹyịmavara kà ọza ọnọọ ọ vaa dọ Anisirẹrị aza anịị hụụnị ụvọ Anihwirisiti nịnị nị. Ohomorihi ka oni ô re aza anị maà rị ụya, ọnị ọ rẹ wụ́ e mèe nowu ka ọnị ọ̀ ba ẹnị owu.