1 Ịsamụwẹrị 22:19 - IWE ỌNỊNỊ

¹⁹ Dị ọ rẹ za avaba anẹkụra Inobi, dị ọ sị ụ̀hwọ̀ wụ̀ wa nị. Anẹẹ, anọrụ, ezweyi ọnịrị ezinụvọ vị ọnị ọ wụ. Avọọ ọ mẹ̀ rẹ wụ imaaru, ịkẹrịkẹtẹ ọnịrị atẹmẹ ẹnịnị nị.

1 Ịsamụwẹrị 22:19 ပူးပေါင်းရင်းမြစ်များ

Inehemaya 11:32

Aza ẹnyị vị ana ra hi ẹkụra ana aā hị́ Anatọtị, Inobi, ọnịrị Ananịya nị,

Ayịsaya 10:32

Ọnịvị nịnị ẹ va sị ngụ ẹkụra Inobi ajịnị, eyee che ọpẹẹ hi ataba ana yà Ijerusarẹmị.

Ihoseya 10:14

Avọọ, ịrẹkụ vaa chị tụ́ wa, di e wú avaba aha ọyị tẹ̀ ẹnịnị. Dị ọnịvị ẹnịnị pa ịva yị wa anka Isarimani ana vị ohinọyị Imowabi mẹ mẹ̀ anẹkụra Ịbẹtị Abẹrị avọọ, dị ahịka ezi ẹnịrị ọnyị ẹnịnị vi ene tụ́ chọ̀kọ-chọ̀kọ a mẹ wụ́ wa.

Imatiwu 21:16

Dị ẹ kà a yị Ijeesu ka, “Wáá wụ́ ịsị ẹyaa kà?” Dị Ijeesu kà a yị wa ka, “Maa wụ́. Aanịka wẹẹ̀ yị kà a ini Iwe Ohomorihi nịnị ka, ‘Wa raà sị zụ̀ ezi eweyi ọnịrị ezi ene ee hú ịrẹva ka ẹ̀ẹ sị irenu ẹnịnịị sị ụgaa yị wụ ẹtẹẹtẹrẹ.’ ”

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Ijosuwa 6:17

Ijeriko ọnịrị avaba ịsa ene hi ịnị anị saka-saka vị ene ve du ha yị Ẹnẹyịmavara. Ịrahabị ana vị ọsẹrẹka ọnịrị avaba aza anị kẹnẹ a vaa navọ nị, agụvị ka ọ vịdị sị ọnụtụ ẹnịnị tẹ.

Ijosuwa 6:21

Avaba ịsa vị ene du ha saka-saka, anọrụ, anẹẹ, imaaru, atẹmẹ ọnịrị ịkẹrịkẹtẹ nịnị. Avaba anị bemi vị ene vú ẹtẹ.

1 Ịsamụwẹrị 15:3

Kwẹẹtẹ booro aanị dị wa kụ́ ịrẹkụ ne tù Anamarẹkị di u we du avaba ịsị ẹ̀ẹ nyị va ha. Za avaba ẹnịnị saka-saka dị wa wụ̀ wa, asị a nyị ọnị ụ navọ. Ọnọrụ ọnịrị anẹẹ vị ọnị ụ vaa wụ̀. Dị ụ rẹ wụ ezweyi ọnịrị ezinụvọ ne beri imaaru, atẹmẹ, ọnịrị ịnyaakụmị ne beri ịkẹrịkẹtẹ.”

1 Ịsamụwẹrị 15:8

Ịsọọrụ ộ za ohinọyị Anamarẹkị ana aā hị́ Agagị, ọ yị wụ ọ. Ama avaba aza ohinọyị ana vọ vị ọnị ọ sị ụ̀hwọ̀ wụ̀ va ha bemi-bemi.

1 Ịsamụwẹrị 15:9

Ịsọọrụ ọnịrị isoja anị ẹ rẹ vaa wụ̀ Agagị ọnịrị atẹmẹ ne beri imaaru ẹnịnị ene zoza dị ọ banyị. Avaba ịsa ene zoza vị ẹnị ẹ navọ, ẹ yị zẹẹ ka ẹnị ẹ̀ wụ̀ wa va ha saka-saka. Ama avaba ịsa ẹnẹ ẹ̀ yi zee ọza eyi ana ahịka ọkụmị ẹ vị nị vị ẹ wụ̀ va ha saka-saka.

1 Ịsamụwẹrị 21:1

Idevidi ọ na sị ngụ ịzị aā hị́ Inobi, dị ọ nọ ịda ohirẹsụ irehi Ohomorihi ana yà ịzọọ ana aā hị́ Ahimẹrẹkị nị. Ahimẹrẹkị mẹ̀ na gẹrị Idevidi, dị ẹngụ anị aa da ẹgahị nị. Dị ọ họ̀ Idevidi dị ọ ka, “Sị ẹ vẹ dị ahịka ẹwụ ịnyara aa vẹ nị? Sị ẹ vẹ dị ẹ̀ yị nyị ọza ana saasa awụ?”

1 Ịsamụwẹrị 22:11

Di ohinọyị tụ́ ka à na hị́ Ahimẹrẹkị ohirẹsụ irehi Ohomorihi ana vi ozi Ahitubi va yị ọnị nị. Ọ kà à rẹ kụ́ avaba aneehi ada Ahimẹrẹkị ana vi ohirẹsụ irehi Ohomorihi hi Inobi vẹ. Ịzẹyịza dị ẹ vavọọ wara vẹ ịda ohinọyị nị.

1 Ịsamụwẹrị 22:9

Idowegi Anedomi ọnịrị ezi ahụ Ịsọọrụ e dudu jẹẹ ịzọọ nị. Dị ọ ka oni ô re ozi Ijeese màa nọ Inobi ịda Ahimẹrẹkị ana vi ozi Ahitubi.