1 Ịsamụwẹrị 22:17 - IWE ỌNỊNỊ

¹⁷ Di ohinọyị hị́ isoja ene ee sere ẹtẹ ana jẹẹ pè e, dị ọ ka ẹ̀ vara eyi dị ẹ̀ wụ̀ ohirẹsụ irehi Ẹnẹyịmavara nị. Ọ kà ẹnịrị Idevidi ẹ sị yà tù ọnị. Ọ kà ệ yẹ Ídevidi mèe zwe, ama ẹnịnị ẹ yị va kà a yị ọnị. Ama ezi ahụ ohinọyị ee hí angwa, ẹ yị nyayịnẹ wụ̀ ohirẹsụ irehi Ẹnẹyịmavara.

1 Ịsamụwẹrị 22:17 ပူးပေါင်းရင်းမြစ်များ

2 Ịsamụwẹrị 15:1

Ịjị ọ dà kù ana Abịsarọmị vavọọ vavẹ Ijerusarẹmị, ẹkụhị ọnya dị ọ na kụ́ ịkẹkẹ ana a sịị kụ̀ ịrẹkụ, dị ọ rẹ kụ́ umaata tụ́ ọ nị. Dị ọ nyị aza ẹnị ẹtarẹwụ ka ẹ̀ vị ọdọvịdị anị nị.

1 Ohinọyị 1:5

A va nyị ọza ịnya aanị ana aā hị́ Adonija ana vi ozi Ihagiti. Dị ọ kwẹẹtẹ di ee wo otoo zi dị ọ ka ọnị ọ vaa rị ohinọyị nị. Di o tenyi ịkẹkẹ umaata, ọnịrị umaata nịnị, dị aza ẹnị ẹvarẹwụ tụra wa, ene ee zwe dọ ọvịdị anị nị.

1 Ohinọyị 14:27

Di Irehobowami ohinọyị si enyusẹ ana aā hị́ ịkọpa dị ọ sị mẹ ogonto ọsa dọ wa ịrẹsụ nị. Dị ọ kụ́ wa yị ọga oserẹtẹ ka è sí eyi pè wa nị. Oserẹtẹ ẹnẹẹ ẹ si eyi pè oze irehi ohinọyị nị.

1 Ohinọyị 18:4

Ịnị ụmẹ oni Ijezebẹrị hyakụ aa sị wụ ọnịsẹ Ẹnẹyịmavara, Ọbadaya ộ kụ́ ọnịsẹ ẹchẹhị, dị ọ gà wa ẹvarẹwụ-ẹvarẹwụ dị ọ vavọọ kụ́ wa hi ịzọọ, dị aa sị ịsọyịrị naa yị wa nị.

2 Ohinọyị 10:25

Ijehu mẹ̀ maanị ị mẹ̀ ịsọvọ ẹnẹnị kẹnẹ, dị ọ kà a yị oserẹtẹ ọnịrị isoja nịnị ka, “Ngụ ini eehi, dị ụ wa wụ̀ avaba aza ẹnẹnị nịnị; à sị ụ zẹẹ ka ọza ịnyara ẹnịnị ò zwe.” Ẹnịnị ệ ngụ ini eehi, dị ẹ tụ̀ ụhwọ, dị ẹ wụ̀ avaba ẹnịnị, dị e tura oku ẹnịnị và hi ẹhẹ nị. Ẹnịnị ệ rẹ ngụ ịnịnẹ aku ini irehi ori Ịbaarị ọnọọ,

Ọyịkụra 1:17

Ama anẹẹ ana aā mẹ ọgụvọọ yị anẹẹ Anihiburu aanị ẹnị ệ nyị angwahi Ohomorihi. Ẹnịnị ẹ yị sị ịrẹyị ohinọyị Anijipiti mẹ̀ ụkọrọ. Èe re ka ozi ana aa ma vị ọnọrụ, ẹnịnị ẹ yị wụ̀ ọ.

Odeyi 4:19

Dị Ipita ọnịrị Ịjọọnụ tụ́ ohi dị ẹ ka, “Ẹwụ nịnị ọ̀ kà a dị a re, ọ́ọ́ vọrọ ini eyi Ohomorihi ka ya wụ́ ịrẹyị awụ nịnị huna ịrẹyị Ohomorihi?

1 Ịsamụwẹrị 14:45

Dị aza ẹnẹẹ va kà a yị Ịsọọrụ dị ẹ ka, “Ụ wáá vị ana aa vaa kà a ka à wụ Ijonatani nị? Wáá yẹ ka ọnị ọ maanị dọ Anisirẹrị tụ́ aanị nị? Ireche yọ nị, oo! Ẹnẹyịmavara ọ̀ọ vị ọnya, ẹ yị nyị ịsị a nyayịnẹ sị mẹ Ijonatani. Yâ yẹ ka Ohomorihi ọ gụ ọ ụvọ ka ọ maanị mẹ ajịnị aanị nị.” Avọọ aza ẹnẹẹ mẹ̀ mẹ dị ẹ dọ Ijonatani tụ́ dị ọza ọ̀ yị rẹ vaa wụ̀ ọ nị.

1 Ịsamụwẹrị 2:31

Ohomorihi ka â nyị ụmẹ ọnị ọnị va sị wụ̀ avaba ozwọọmụha ene hi ini ovwoovu awụ, dị ẹ yị kụkụ nyị ọza ana vaa vị ọzọkụ tụ́ ini ovwoovu awụ.

1 Ịsamụwẹrị 20:33

Dị Ịsọọrụ ne ọha ana yarị ọ ka ọnị ọ̀ gu ọ chire Ijonatani nị. Di Ijonatani sị yẹ ka ịzẹyịza ada anị ọ sị ẹngụ tenyi ka ọnị ọ wụ Idevidi nị.

1 Ịsamụwẹrị 22:13

Dị Ịsọọrụ ka, “Sị ẹ vẹ dị ẹwụrị ozi Ijeese sị kwẹẹtẹ tù mị, dị ụ hyakụ sị ịsọyịrị yọ bẹẹ ne beri ụhwọ. Wa rẹ na họ̀ Ohomorihi use ịrẹyị agụvị Idevidi dị wụ va kà a yọ nị. Wâ mẹ ka Idevidi ọ̀ kwẹẹtẹ tù mị, di o kukuu bè mi anka ọ màa mẹ aanị.”

1 Ịsamụwẹrị 22:16

Di ohinọyị tụ́ ohi dị ọ ka, “Ahimẹrẹkị, ẹ yị nyị a mẹ̀ẹ kụ́ ọ ka ẹ yị vị maa wụ̀ wụ. Ẹwụ ne beri aneehi ada awụ vị ọnị maa wụ.”

1 Ịsamụwẹrị 25:17

Ro o ịsị wàa zụ mẹ tụ́ ịnị ịrẹyị ọnọnị agụvị ka ịrẹyị odivi, tụra ọga ayị ọnịrị aneehi anị ịrẹsụ. Wâ yẹ ka ọga ayị vị ọza odivi, ọza ọ mā zụ kà ịrẹyịị yọ.”

1 Ịsamụwẹrị 8:11

Dị Ịsamụwẹrị ka, “wàa sị ohinọyị nyị nịnị, ịsị ọ vaa mẹ yị, o! Ọ vaa za ezi ewu nịnị dị ọ kụ́ wa hi ini isoja. Aza ẹnyị vị ọnị ọ vaa kụ́ hi ịnị isoja ana aā sị ịkẹkẹ oni umaata ee turaa kù ịrẹkụ, dị ọ kụ́ aza ẹnyị hi ini isoja anaā sịị umaata kụ́ ịrẹkụ. Aza ẹnyị vị ọnị ọ rẹ vaa kụ́ ka è hi ọvịdị umaata anị di ee zwe echi.”