1 Ịsamụwẹrị 22:16 - IWE ỌNỊNỊ

¹⁶ Di ohinọyị tụ́ ohi dị ọ ka, “Ahimẹrẹkị, ẹ yị nyị a mẹ̀ẹ kụ́ ọ ka ẹ yị vị maa wụ̀ wụ. Ẹwụ ne beri aneehi ada awụ vị ọnị maa wụ.”

1 Ịsamụwẹrị 22:16 ပူးပေါင်းရင်းမြစ်များ

1 Ohinọyị 18:4

Ịnị ụmẹ oni Ijezebẹrị hyakụ aa sị wụ ọnịsẹ Ẹnẹyịmavara, Ọbadaya ộ kụ́ ọnịsẹ ẹchẹhị, dị ọ gà wa ẹvarẹwụ-ẹvarẹwụ dị ọ vavọọ kụ́ wa hi ịzọọ, dị aa sị ịsọyịrị naa yị wa nị.

1 Ohinọyị 19:2

Di Ijezebẹrị va tù ozi ịda anị ka ọ̀ na kà a yi Erija kà, “Ụmẹ aanị ụhwọọ, àa vị ka mẹ yị sị wụ̀ wụ anka ẹwụ mẹ̀ rẹ wụ ọnịsẹ Ịbaarị ẹnẹẹ, mẹ̀ yị vavọọ wụ, asị ori nịnị zẹẹ ka ò zoza mị.”

Ẹsịta 3:6

Ọ mẹ̀ va yẹ ka Aniju Imodekaya vị nị. Di o ro o ka Imodekaya ọnịnya ọ yị hụ́ ọnị wụ̀ nị. Dị ọ kụkụ ee si oze ọnị ọ zụ zị di ọ̀ wụ̀ avaba Aniju nịnị ẹnẹ hi ịnị ẹtẹ Ahasẹrọsị nị.

Ụhịrẹyị 28:15

Ọdọvịdị odivi vị eneē chire onosiye nịnị angwa anka idu à vị ọdụmị anaa tụra ka uye naa avọọ.

Ịdanịyẹrị 2:12

Ọsọnị ọ va mẹ ayị kụ ohinọyị hu, dị ayị anị aa dọva nị. Dị ọ ka à na wụ̀ avaba ẹnị ọyẹrẹyị Anibabironi va ha nị.

Ịdanịyẹrị 2:5

Dị ohinọyị tu wa ohi dị ọ ka, ịzẹyịza ọnị aa kà nị, ẹnịnị ẹ̀ẹ yị kà a yị ọnị ụra ọnị ọnị ra aanị ọnịrị iruvo anị, vị a vaa na wa saka-saka dị áa jị irehi ẹnịnị eburu nị.

Imatiwu 2:16

Ịjị Ịhẹrọdị sị yẹ ka ọyẹrẹyị ẹnẹnị ẹ sị ọnị vene, dị ayị anị aa dà ọva nị. Dị ọ mẹ ọda ka à na wụ̀ avaba ezinụvọ ana vị ịrayị ẹẹva vachi ene hi Ịbẹtịrẹhẹmị ọnịrị okokooro anị nị, anka ụmẹ ọnị ọ́ tangwa họ̀ use hụụnị ụvọ ọyẹrẹyị ẹnẹẹ nị.

Odeyi 12:19

Dị Ịhẹrọdị mẹ ọda ka èe sì ọọ nị, ama ẹnịnị e yi re e. Dị ọ họ̀ oserẹtẹ ẹnẹẹ use ịrẹyị nị. Dị ọ ka à wụ̀ wa nị. Dị Ịhẹrọdị hụrẹ Ijudiya chí nọ Isesariya, dị ọ na yà ịzọọ nị.

Iwe Ọhụhị Imosiisi ana aa hị́ Ọyịvatụrọda 24:16

Ọza ẹ yị vaa wụ̀ aza ana ma ezi agụvị ebira odivi ẹnịnị, ọza ẹ yị rẹ vaa wụ̀ ezi agụvị ebira odivi aza ana ma wa. Ọzọza vi ene vee su usu ebira odivi anị.

1 Ịsamụwẹrị 14:44

Dị Ịsọọrụ ka, “Ijonatani, mẹ̀ yị wụ̀ wụ, asị Ohomorihi zẹẹ ka ò zoza mị.”

1 Ịsamụwẹrị 20:31

Wáá yẹ ka ozi Ijeese ọ̀ọ yị yà ẹhẹ, wẹ yị va zụụ nyị ahụụ hi ẹtẹ, wẹ yị rẹ va zụụ rị ohinọyị. Tụ́ ne sị ọ va mị booro aanị dị ma wụ̀ ọ.”

1 Ịsamụwẹrị 22:15

Taarụ, wâ yẹ ka ẹ yị vị ịpaapa ọnị maa vaa họ̀ Ohomorihi use ịrẹyị agụvị Idevidi yị. Taarụ, aarịhịnị asị wụ kà a ka vị mị kwẹẹtẹ tù wu nị, à vị ka vị aneehi ada amị kwẹẹtẹ tù wu nị. Ẹ yị nyị ịsị ị yẹ vụrụ-vụrụ ịnị ịrẹyị ẹnẹnị.”

1 Ịsamụwẹrị 22:17

Di ohinọyị hị́ isoja ene ee sere ẹtẹ ana jẹẹ pè e, dị ọ ka ẹ̀ vara eyi dị ẹ̀ wụ̀ ohirẹsụ irehi Ẹnẹyịmavara nị. Ọ kà ẹnịrị Idevidi ẹ sị yà tù ọnị. Ọ kà ệ yẹ Ídevidi mèe zwe, ama ẹnịnị ẹ yị va kà a yị ọnị. Ama ezi ahụ ohinọyị ee hí angwa, ẹ yị nyayịnẹ wụ̀ ohirẹsụ irehi Ẹnẹyịmavara.