1 Ịsamụwẹrị 22:14 - IWE ỌNỊNỊ

¹⁴ Di Ahimẹrẹkị tụ́ ohi dị ọ ka, “Taarụ, wâ yẹ ka ịnị avaba ezi ahụ awụ ẹ yị nyị ọza ana nyị ebira tù Idevidi. Idevidi vị ọyẹ ẹwụ, dị ahịka ọnị ọ vị ọga isoja ene ee sere wu nị. Avaba aneehi awụ vị ana nyayịnẹ sị ụbanyị yọ.

1 Ịsamụwẹrị 22:14 ပူးပေါင်းရင်းမြစ်များ

1 Ịsamụwẹrị 17:25

Anisirẹrị nịnị vị ana aa kà a ka, “Wéē re ọnọrụ ọnọnị mẹ̀ jịnẹ vẹ ka ọnị va sị isoja Anisirẹrị mẹ ịyẹyẹ. Àa nyị ọza ene zụ pe e kụ̀ ịrẹkụ dị ọ wụ̀ ọ nị, ohinọyị vaa vara ọza ọnọọ ọza ọbanyị, Dị ọ sị ozi anị ọnẹẹ ga a ka ọ̀ nyị ọ. Ovwoovu ọza ọnọọ ọ yị mā vana tụ́ ẹkẹhịrehi ịnị ẹtẹ Isirẹrị.”

1 Ịsamụwẹrị 18:13

Ịsọọrụ ọ raà dụ Idevidi hụụ ịda anị, dị ọ sị ọ ka ọ̀ na sị eyi pè isoja ẹnị akahị nị. Dị ahịka Idevidi aa kụ́ isoja ẹnẹẹ nọ ịrẹkụ nị.

1 Ịsamụwẹrị 18:27

Idevidi ọnịrị isoja anị ệ jịnẹ dị ẹ na wụ̀ Anihwirisiti ịrẹka nị. Dị ọ yẹrẹ ụpa ene kú wa aha enyisi, dị ọ kụ́ avaba anị na yị ohinọyị ka oni ò re oze vị ọyẹ ohinọyị nị. Ịzẹyịza dị Ịsọọrụ sị Imikari ozi anị ana vị ọnẹẹ, dị ọ sị gà Idevidi nị.

1 Ịsamụwẹrị 20:32

Di Ijonatani rẹ tụ́ Ịsọọrụ ada anị ohi dị ọ ka, “Sị ẹ vẹ dị ụ ka waa wụ ọ? Sị ọ mẹ wụ?”

1 Ịsamụwẹrị 21:2

Di Idevidi tụ́ Ahimẹrẹkị ana vị ohirẹsụ irehi Ohomorihi ohi, dị ọ ka â nyị ụtụ oni ohinọyị tụ́ ọnị. Ọ kà ohinọyị ka asị a nyị ọza ọnị ọnị kà ụtụ ọnọọ zụ̀. Di Idevidi ẹ vara gẹrị ọnị aha ọnya aanị nị.

1 Ịsamụwẹrị 22:13

Dị Ịsọọrụ ka, “Sị ẹ vẹ dị ẹwụrị ozi Ijeese sị kwẹẹtẹ tù mị, dị ụ hyakụ sị ịsọyịrị yọ bẹẹ ne beri ụhwọ. Wa rẹ na họ̀ Ohomorihi use ịrẹyị agụvị Idevidi dị wụ va kà a yọ nị. Wâ mẹ ka Idevidi ọ̀ kwẹẹtẹ tù mị, di o kukuu bè mi anka ọ màa mẹ aanị.”

1 Ịsamụwẹrị 24:11

Nda, wéē re ịta ọnị mị sị rị ụvọ aanị. Ụtọ awuru awụ mị dà a hụrẹ nị, ama mẹ yị wụ̀ wụ. Dị we re o, ka ẹ yị nyị ịsa odivi ọnị mị mẹ wụ, mẹ yị rẹ kụ́ hịrẹ wụ. Ẹ yị nyị m mẹ̀ mẹ wụ, di wee bè mị ka wa wụ̀ mị kẹnẹ nị.

1 Ịsamụwẹrị 25:28

Di Abigẹrị rẹ ka ọnị ộ yẹ ka Idevidi vị ana aa kụ̀ ịrẹkụụ yị Ẹnẹyịmavara. Ọ kà Ẹnẹyịmavara vaa mẹ ka ovwoovu Idevidi ọ vaa vị ohinọyị pooro nị. Ọ kà aarịhịnị ọ̀ navọ ọ̀ vagu Ịnabarị. Ọ kà Ohomorihi ọ yị vaa zẹẹ ka Idevidi ọ mẹ ịrẹyị odivi pooro dị ọ̀ sị ẹhẹ tịtẹ.

1 Ịsamụwẹrị 26:23

Ọpa ebira ana vọrọ ọnịrị ịzẹyịza ọnị ọzọza ọ̀ọ mẹ, Ẹnẹyịmavara ọ̀ vavọọ si wa ụta. Wê re ka Ẹnẹyịmavara ô si wụ́ chire mị ụvọ ajịnị, ama mẹ yị dọ ka ma sị ụvọ kanyị wụ, agụvị ka Ẹnẹyịmavara ọ sị wụ nyị.