1 Ịsamụwẹrị 21:2 - IWE ỌNỊNỊ

² Di Idevidi tụ́ Ahimẹrẹkị ana vị ohirẹsụ irehi Ohomorihi ohi, dị ọ ka â nyị ụtụ oni ohinọyị tụ́ ọnị. Ọ kà ohinọyị ka asị a nyị ọza ọnị ọnị kà ụtụ ọnọọ zụ̀. Di Idevidi ẹ vara gẹrị ọnị aha ọnya aanị nị.

1 Ịsamụwẹrị 21:2 ပူးပေါင်းရင်းမြစ်များ

Oyinyima 27:20

Di Ayiziiki ka, “Ozi emi wéē juntu re ịsa wụ o!” Di Ijekọvụ ka, “Ẹnẹyịmavara Ohomorihi anị ọ maanị sị ụsẹ zị yị ọnị nọ.”

Oyinyima 27:24

Di ọ ka, “Ịzẹyịza ẹwụ wáá vị Iisọ ozi emi nị?” Di Ijekọvụ ka ọnịị yọ nị.

1 Ohinọyị 13:18

Dị ọnịsẹ ọzọkụ ọnọọ cheeche yọ dị ọ ka, “Ẹmị rẹ vị ọnịsẹ ộ anka ẹwụ. Ẹnẹyịmavara ộ tụ́ anggẹẹrị ka ọ̀ va kà a mị ka ẹmịrị wụ ọ̀ zị và nọ ini eehi amị, dị wa rị ịsa, di we re hú enyi.”

Inehemaya 11:32

Aza ẹnyị vị ana ra hi ẹkụra ana aā hị́ Anatọtị, Inobi, ọnịrị Ananịya nị,

Ahẹ Ụgama 119:29

Navọ asị ụ zẹẹ ka me nyee eyi, navọ wa hụ agụvị ayamva awụ dị wa sị ọda awụ kọ mị.

Ahẹ Ụgama 141:3

Ẹnẹyịmavara, aarịhịnị sere irenu amịị mị, navọ wa sị ụvọ za mi irenu kú oku.

Ayịsaya 10:32

Ọnịvị nịnị ẹ va sị ngụ ẹkụra Inobi ajịnị, eyee che ọpẹẹ hi ataba ana yà Ijerusarẹmị.

Anigaratiya 2:12

Ipita vidiī beri aza ẹnẹ ẹ̀ yị vị Aniju nịnị rị ịsa. Ama ịjị aza ẹnyị aanị oni Ijemiisi tụ́ vẹ, va ngụ ịzọọ, Ipita ọ sị và, ọ raa sị ẹngụ anị hụụ ịda ẹnịnị. Ee hí angwa aza ẹnẹẹ ana ka avaba anịragụ Ohomorihi ẹ̀ jị ụvẹvẹnẹ.

Anikorasi 3:9

Asị ụ rè cheeche yị ẹngụ nịnị, agụvị ka wáa yẹ ka wa sị ebira awụ nịnị ịyẹẹyẹ hụrẹ ụvọ,

1 Ịsamụwẹrị 19:17

Dị Ịsọọrụ va hị́ Imikari dị ọ ka sị ẹ vẹ dị ọ maanị vene ọnị, dị ọ zẹẹ ka ọnịvị ò zwe. Dị Imikari ka vi Idevidi kà a ka ọnị ọ yị zẹẹ ka ọnị ò zwe, vị ọnị aa wụ ọnị nị.

1 Ịsamụwẹrị 21:3

Di Idevidi rẹ kà a yị Ahimẹrẹkị dị ọ ka, “Sị wụ nyị rị ụvọ booro aanị, navọ wa sị Ịbụrẹẹdị ẹẹhị mị. À yị vị avọọ, ịsị wàa nyị kẹnẹ ụ sị mị.”

1 Ịsamụwẹrị 22:22

Di Idevidi ka, “M ne re Idowegi Anedomi ọnọọ ịhị ọnọọ, mâ yẹ ka vị aa naa kà a yị Ịsọọrụ nị. Ẹma mẹ ka avaba aneehi ada awụ è sú aanị nị.

1 Ịsamụwẹrị 22:9

Idowegi Anedomi ọnịrị ezi ahụ Ịsọọrụ e dudu jẹẹ ịzọọ nị. Dị ọ ka oni ô re ozi Ijeese màa nọ Inobi ịda Ahimẹrẹkị ana vi ozi Ahitubi.