1 Ịsamụwẹrị 20:2 - IWE ỌNỊNỊ

² Di Ijonatani ka, “Ọchọnọyịrẹsụ ada amị, ọ yị kà a ka ọnị aa wụ̀ wụ. Mâ yẹ ka ẹ yị nyị ịsị ada amị vaa mẹ, ọ̀ọ banyị òo weyi ka ọ yị kà a zụ̀ mị. Sị ẹ vaa vẹ ka ada amị ọ̀ sị ịrẹyị ọnọnị re mị te? Ọsọnị vi ireche, ọ yị kà a ka ọnị aa wụ̀ wụ!”

1 Ịsamụwẹrị 20:2 ပူးပေါင်းရင်းမြစ်များ

Oyinyima 44:7

Dị aza ẹnẹẹ tụ́ ohi dị ẹ ka, “Nda, ẹngụ ebira ịsị waa kà aanị kẹ? Ẹ ka ẹnị ẹ yị vavọọ zụ mẹ ẹngụ ebira ẹnẹẹ. Ẹ ka ọchị ọnọọ ịrẹsụ ẹnịnị.

Ahẹ Ụgama 40:6

Wâ mẹ ka ma yẹ ka we yi ka ọza ọ̀ sị ịsa ịsọvọ va wụ Ẹ yị nyị ịsị ụ ka ọza ọ̀ sị va wụ Wẹ yị rẹ kà ka ọza ọ̀ wụ̀ uye dị ọ va rị ọ ịra wụ ịrẹsụ ụta.

Ụhịrẹyị 29:24

Ọza enee pe oyi rị aa kụ ayị ẹngụ anị huu nị. Ọ yị nyayịnẹ ka ịzẹyịza agụvị ka eku va za a.

Ayịsaya 50:5

Ộ mẹ̀ ka ọnị yẹ, dị asị ọnị mẹ akamawụ, dị asị ọnị va ịrẹma ka ọnị.

Iruuku 20:16

Vị aa vẹ, dị ọ va wụ̀ aza ẹnẹẹ nị, dị ọ sị ụbazị ọnọọ yị aza ẹnẹsa.” Ịjị ẹ maanị wụ́, dị ẹ ka, “Asị Ohomorihi zẹẹ!”

Ịjọọnụ 15:15

Hụrẹ ọyaanị na, mẹ yị kụkụ hị́ wụ ozi ahụ amị nịnị. Wâ yẹ ka ozi ahụ ọ mā yẹ ịsị ọga anị aa mẹ. Maa hị́ wụ nịnị ọta amị, agụvị ka avaba ịrẹyị ana Ada amị kà mị, mị sị zụ̀ wụ nịnị nị.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ijosuwa 22:29

Ohomorihi ọ̀ sị ọ noze rịrị ẹyị, ka ya kụ̀ hịrẹ Ẹnẹyịmavara, dị ya kà a ka yẹ yị kụkụ saasa a. Dị ya vaa hụvị avọọ hi ụta ọyịmẹ̀ ịsọvọ ana aā rị ịra, àa vị ịsọvọ ọsa, àa vị ịsọvọ ana a sịị mẹ uze, ịrẹma ụta ịsọvọ Ẹnẹyịmavara, Ohomorihi ayị ana jẹẹ ịnị ajẹngụ anị.

Ijosuwa 24:16

Dị aza tụ ọ ohi ka ọchoboche! Ẹnị ẹ yị vaa para Ẹnẹyịmavara hu naa hẹkẹ ori.

1 Ịsamụwẹrị 14:45

Dị aza ẹnẹẹ va kà a yị Ịsọọrụ dị ẹ ka, “Ụ wáá vị ana aa vaa kà a ka à wụ Ijonatani nị? Wáá yẹ ka ọnị ọ maanị dọ Anisirẹrị tụ́ aanị nị? Ireche yọ nị, oo! Ẹnẹyịmavara ọ̀ọ vị ọnya, ẹ yị nyị ịsị a nyayịnẹ sị mẹ Ijonatani. Yâ yẹ ka Ohomorihi ọ gụ ọ ụvọ ka ọ maanị mẹ ajịnị aanị nị.” Avọọ aza ẹnẹẹ mẹ̀ mẹ dị ẹ dọ Ijonatani tụ́ dị ọza ọ̀ yị rẹ vaa wụ̀ ọ nị.

1 Ịsamụwẹrị 20:1

Ịhị ọnọọ di Idevidi oni sị zwe hụrẹ Inayoti ana yà ịnị ẹtẹ Iraama, di o ne tù Ijonatani nị. O mè tù ịzọọ, dị ọ tụ́ Ijonatani dị ọ ka, “Sị mị mẹ̀ ada awụ di ee sì ka ọnị ọ̀ wụ̀ mị? Sị ẹ vị ebira odivi ọnị mị mẹ̀ ẹ?”

1 Ịsamụwẹrị 20:12

E mè tù ịzọọ di Ijonatani kà a yi Idevidi dị ọ ka ọnị ộ sị Ẹnẹyịmavara ana vị Ohomorihi Anisirẹrị tẹ ivenu, ka â nyị ọnị mẹmẹ vaa họ̀ ada anị irenu wụ, ịnị ụmẹ aanị uhurenyi. Ọ kà ada anị ọ̀ọ ka ọyịza Idevidi, dị ọnị tụ́ na kà a yọ.

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”

1 Ịsamụwẹrị 9:15

Ịjị ọ sị vọ ụhwọọ ọnị Ịsọọrụ nịnị aa vaa ngụ ịnị ẹkụra, Ẹnẹyịmavara ộ vịdị raà sị ịrẹyị ọnọọ zụ̀ Ịsamụwẹrị.