1 Ịsamụwẹrị 20:16 - IWE ỌNỊNỊ

¹⁶ Di Ijonatani hị́ eku yị aneehi Idevidi dị ọ ka, “Ẹnẹyịmavara ọ vaa sị họ̀ ọnịvị Idevidi nị.”

1 Ịsamụwẹrị 20:16 ပူးပေါင်းရင်းမြစ်များ

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

2 Ịsamụwẹrị 21:8

Ama di ohinọyị kụ́ Amoni ọnịrị Imehwibọsẹtị ana vị ezi Irizipa ẹyịva ne beri ezi Imikari ẹnị ẹyịhị, dị ọ kụ́ wa yị wa Anigibiyọnị nị. Irizipa ọnọọ vị ozi Aya ana a ma yị Ịsọọrụ. Ezi anị ẹnẹẹ ẹ vị Arinọnị ọnịrị Imehwibọsẹtị nị. Imikari ọnị rẹ vị ozi Ịsọọrụ ana a ma yị Adiriyeri ana vi ozi Ibarizirayi ana vị Animehora.

Ijeremaya 40:9

Igidarịya ộ kà a yị wa ka, asị ẹnịnị hí angwa ọ̀ yị hụrẹ ẹngụ ẹnịnị ụvọ yị Anibabironi nịnị. Ọ kà ẹnịnị ẹ̀ yaatụ ịnị ẹkụra ẹnịnị dị ẹ̀ sị ịrẹsụ yị ohinọyị Ịbabịrọnị ka ọ vaa rọ̀ wa ẹngụ.

Iwe Ọhụhị Imosiisi ana aa hị́ Ọyịvatụrọda 23:21

Wèe wo oto ka ụ vaa mẹ̀ ịsaa yị Ẹnẹyịmavara Ohomorihi awụ, re ka ụmẹ anị òo sì tu, waa mẹ̀ ẹ. Ẹnẹyịmavara vaa họ̀ wụ use ịsa oni u wo oto anịị yọ. Wẹ̀ yị mẹ̀ ẹ, ịvị ọ vị yị wụ nị.

Ijosuwa 22:23

Yàa mẹ akamawụ hi Ẹnẹyịmavara, dị ị́ hì ụta ịsọvọ ọnọnị yị ẹngụ ayị ka yaa rị ịsọvọ ịra ịnị anị nị, à vị ka ya sịị mẹ̀ ịsọvọ ịsọyịrị, àa vị ịsọvọ ọyịmẹ̀ uze nị, Ẹnẹyịmavara ọnị ụvọta ọ̀ sị ụya rị yị.

1 Ịsamụwẹrị 18:3

Ijonatani ô sì ịrẹyị Idevidi pooro dị ẹ kụkụ hị́ eku yị ẹngụ ka vị ẹnị vaa sị ayịị yị ẹngụ pooro nị.

1 Ịsamụwẹrị 20:42

Di Ijonatani ka Idevidi ọ̀ọ na ka ẹ yị vaa nyị ịrẹyị. Ọ kà ẹnị ẹ raà sị Ẹnẹyịmavara hị́ eku yị ẹngụ ka ọta ẹnị vị nị. Ọ kà Ẹnẹyịmavara ọ̀ vị onivenu tụ́ ịnị akakana ẹnịnị ọnịrị ozi ẹnịnị ịrẹma-ịrẹma pooro zịna-zịna. Di Idevidi sị hu, di Ijonatani ọnị re si hu aa nọ ịnị ẹkụra nị.

1 Ịsamụwẹrị 22:8

A vị agụvị avọọ avaba awụ nịnị kụkụ kwẹẹtẹ tù mii? Ẹ yị hyakụ va nyị ọza ana jị ọ ahị hi mi ụtọ ka ozi emi ọnịrị ozi Ijeese ẹ raà hị́ eku yị ẹngụ. Ẹ yị nyị ọza awụ ọnị ịrẹyị amị jị areyi ana a vọrọ ka ọ̀ va kà a mị ka ozi emi ọ raà tụ́ ozi ahụ amị ịrẹyị ka ò kukuu bè mi anka ịsị aa mẹ booro aanị.”

1 Ịsamụwẹrị 23:18

Dị ẹnị ẹyịva rẹ yà ọvịdị Ẹnẹyịmavara, dị ẹ hị́ eku yị ẹngụ ịzọọ nị. Di Ijonatani si hu aa nọ eehi, di Idevidi ọnị yị yà Ihoresi nị.

1 Ịsamụwẹrị 25:22

Di Idevidi ka asị Ohomorihi zẹẹ ka ò zoza yị ọnịvị anị àa vị ka ọnị ọ yị wụ̀ avaba anọrụ ene hi ịdị Ịnabarị ẹnẹnẹ ụhwọọ.

1 Ịsamụwẹrị 25:26

Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”

1 Ịsamụwẹrị 31:2

Ụvọ Anihwirisiti nịnị ee huna Ịsọọrụ ọnịrị ezi anị. Dị ẹ za Ijonatani ọnịrị Abinadabi ne beri Imarikisuwa ezi Ịsọọrụ dị ẹ wụ̀ wa nị.