1 Ịsamụwẹrị 20:15 - IWE ỌNỊNỊ

¹⁵ Àa vị mi ne wusu nị, dị ụ navọ wa tamayị eku ọnị ẹmịrị ẹwụ hị́ yị ẹngụ, dị asị u hi ayị aneehi amị pooro. Ẹnẹyịmavara ọ̀ọ daka raà wụ̀ avaba ọnịvị awụ hụrẹ ẹhẹ.”

1 Ịsamụwẹrị 20:15 ပူးပေါင်းရင်းမြစ်များ

Oyinyima 40:14

Di Ijosẹẹhụ ka aarịhịnị ịjị ọ̀ọ maanị ne si zoza yọ, ọ̀ navọ ọ tamayị anị. Ọ kà ọ navọ kwogwo ọ kà ịrẹyị anị yị ohinọyị dị ọ̀ sị ọnị hụụnị ẹngwa ịzẹnị.

2 Ịsamụwẹrị 21:7

Ohinọyị ọ yị zẹẹ ka à nyị ịsị ẹ kanyị Imehwibọsẹtị ozi Ijonatani ana vị ozi Ịsọọrụ, agụvị ka â nyị eku ẹnị ẹnịrị Idevidi ne beri Ijonatani ozi Ịsọọrụ a vịdị sị hí yị ẹngụ. Ẹnịnị ệ sị Ẹnẹyịmavara tẹ ivenu ini eku ọnọọ.

1 Ịsamụwẹrị 20:14

Di Ijonatani rẹ ka, “Màa yị yà ẹhẹ, navọ wa tamayị eku ọnị ị hị́ yị ẹngụ dị wa vayị amị, dị asị ụ wụ̀ mị.

1 Ịsamụwẹrị 20:23

Ịnị ịrẹyị ẹnị ẹmịrị ẹwụ kà aanị yẹ ka Ẹnẹyịmavara vị onivenu ẹmịrị ẹwụ.

1 Ịsamụwẹrị 20:42

Di Ijonatani ka Idevidi ọ̀ọ na ka ẹ yị vaa nyị ịrẹyị. Ọ kà ẹnị ẹ raà sị Ẹnẹyịmavara hị́ eku yị ẹngụ ka ọta ẹnị vị nị. Ọ kà Ẹnẹyịmavara ọ̀ vị onivenu tụ́ ịnị akakana ẹnịnị ọnịrị ozi ẹnịnị ịrẹma-ịrẹma pooro zịna-zịna. Di Idevidi sị hu, di Ijonatani ọnị re si hu aa nọ ịnị ẹkụra nị.

1 Ịsamụwẹrị 24:21

Ama aarịhịnị sị Ẹnẹyịmavara hị́ eku ka wẹ yị vaa mẹ ka è hí ayị ịrẹha ẹmịrị ezi emi ini ovwoovu ada amị.”