1 Ịsamụwẹrị 20:1 - IWE ỌNỊNỊ

¹ Ịhị ọnọọ di Idevidi oni sị zwe hụrẹ Inayoti ana yà ịnị ẹtẹ Iraama, di o ne tù Ijonatani nị. O mè tù ịzọọ, dị ọ tụ́ Ijonatani dị ọ ka, “Sị mị mẹ̀ ada awụ di ee sì ka ọnị ọ̀ wụ̀ mị? Sị ẹ vị ebira odivi ọnị mị mẹ̀ ẹ?”

1 Ịsamụwẹrị 20:1 ပူးပေါင်းရင်းမြစ်များ

Ahẹ Ụgama 54:3

Aza edivi ene ee wo otoo zi ẹ sị kwẹẹtẹ tù mi e yee sì ka ẹnị ẹ̀ wụ̀ mị Ohomorihi, wâ yẹ ka aza ẹnẹẹ ẹ yị hyakụ hị́ ịrẹyị awụ ịrẹyị.

2 Anịkọrịntị 1:12

Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

1 Ịjọọnụ 3:21

Ẹwụ nịnị anda ayị, ayị ayị ọ̀ọ yị jị ịvị yị, ịjọnọọ ị vaa nyị ọtụtụrụma ọ́vịdị Ohomorihi.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 19:1

Ịsọọrụ ộ hị́ ozi anị Ijonatani ọnịrị avaba ezi ahụ anị dị ọ ka ẹnịnị ẹ̀ wụ Idevidi nị. Ama Ijonatani oni ô sì ịrẹyị Idevidi ẹtẹẹtẹrẹ.

1 Ịsamụwẹrị 19:18

Idevidi o si zwe, dị ọ na ngụ ịda Ịsamụwẹrị Iraama nị. O mè tù ịzọọ, dị ọ kà a yị Ịsamụwẹrị avaba ịsa ọnị Ịsọọrụ mẹ̀ ẹ nị. Dị ọnịrị Ịsamụwẹrị si hu, dị ẹ na yà Inayoti nị.

1 Ịsamụwẹrị 20:2

Di Ijonatani ka, “Ọchọnọyịrẹsụ ada amị, ọ yị kà a ka ọnị aa wụ̀ wụ. Mâ yẹ ka ẹ yị nyị ịsị ada amị vaa mẹ, ọ̀ọ banyị òo weyi ka ọ yị kà a zụ̀ mị. Sị ẹ vaa vẹ ka ada amị ọ̀ sị ịrẹyị ọnọnị re mị te? Ọsọnị vi ireche, ọ yị kà a ka ọnị aa wụ̀ wụ!”

1 Ịsamụwẹrị 20:32

Di Ijonatani rẹ tụ́ Ịsọọrụ ada anị ohi dị ọ ka, “Sị ẹ vẹ dị ụ ka waa wụ ọ? Sị ọ mẹ wụ?”

1 Ịsamụwẹrị 24:11

Nda, wéē re ịta ọnị mị sị rị ụvọ aanị. Ụtọ awuru awụ mị dà a hụrẹ nị, ama mẹ yị wụ̀ wụ. Dị we re o, ka ẹ yị nyị ịsa odivi ọnị mị mẹ wụ, mẹ yị rẹ kụ́ hịrẹ wụ. Ẹ yị nyị m mẹ̀ mẹ wụ, di wee bè mị ka wa wụ̀ mị kẹnẹ nị.

1 Ịsamụwẹrị 24:12

Ẹnẹyịmavara ọ vaa mẹ̀ ọkarẹyị ẹmịrị ẹwụ, di ò si wu atọ ịsa ọnị waa mẹ mị aanị nị. Ama ẹmị ẹ yị vaa sị ụvọ amịị kanyị ẹwụ.

1 Ịsamụwẹrị 24:17

Dị ọ ka, “Idevidi, ẹwa mẹ̀ ebira ana vọrọ, dị ẹmị sị ụsẹ evita nị. Wâ mẹ̀ ebira ozoza hi mi, dị ahịka ọhịmị mị sị si wu atọ nị

1 Ịsamụwẹrị 24:9

Dị ọ kà a yị Ịsọọrụ dị ọ ka, “Sị ẹ vẹ dị waa wụ́ ịrẹyị aza ana aa kà a ka vi i mee sì ka ma wụ nị?

1 Ịsamụwẹrị 26:18

Di Idevidi rẹ ka, “Taarụ, sị ẹ vẹ dị waa dụ mị aanị? Sị mị mẹ̀? Sị ẹ vị ịvị awụ ọnị mị rị?