1 Ịsamụwẹrị 2:7 - IWE ỌNỊNỊ

⁷ Ẹnẹyịmavara ọ zụ mẹ ka aza ẹnyị ẹ̀ vị onosiye, dị ọsa ẹ̀ vị ọzọbanyị nị. Ọnị ọ kà aza ẹnyịị chi, dị ọ kà ọsa hịrẹ nị.

1 Ịsamụwẹrị 2:7 ပူးပေါင်းရင်းမြစ်များ

2 Ohinọyị 9:6

Ịzẹyịza Ijehu ộ kwẹẹtẹ, dị ẹ ngụ ịnị aku nị. Ọnịsẹ ọnọnị ộ va angwẹ ọnọọ hi ọ ịrẹsụ, dị ọ kà a yọ ka, “Ẹnẹyịmavara, Ohomorihi Anisirẹrị nịnị ka, ọnị ộ nyị wụ ka wa vị ohinọyị aza anị, Anisirẹrị nịnị o.

1 Ịtọpa 29:12

Ẹwaā si ogu ọnịrị ụbanyịị yị ọza nị. Ẹwaa mẹ ohinọyịị yị avaba aza nị. Ẹwa nyị avaba ụkata nị, dị ụụ̄ mẹ ka ọza ọ̀ nyị ụkata dị ọ̀ ngụrẹyị nị.

2 Ịtọpa 32:27

Ộ vana zee yị Ihezekaya ẹtẹẹtẹrẹ, dị aza sị ụbanyị yọ nị. Dị ọ da aku rụrụ-rụrụ ọnị ọ kụ́ igooru, isiriva, ịrẹta ozozoza, eturare ohuru-ohuru, ogonto ọnịrị ogu anị avọ hị́.

2 Ịtọpa 32:29

Ịrẹma ịsa ẹnẹnị, Ohomorihi ộ sị atẹmẹ ọnịrị imaaru ne beri ogu ẹnẹmẹhị, dị ọ dà ẹkụra ọrụrụ-ọrụrụ nị.

Ijoovu 1:21

Dị Ijoovu ka, ahwaahụ a ma ọnị nị. Ahwaahụ ọnị rẹ sị su nị. Ẹnẹyịmavara ana sị ịsa ẹnẹnị yị ọnị, ọ rẹ sị ịsa anị nị. Ọnị ọ kụ ọ avọ

Ijoovu 40:12

O re wa dị ọ ka wa chi. O vu aza ọhịmị ẹtẹ aha tụra aha ene ee hi kẹ.

Ijoovu 5:11

Ọnị ọọ̄ sị ọkụmị tụ ẹba dị ọ vara ayodu ọza ayohine nị.

Ahẹ Ụgama 75:7

Ohomorihi ọnị ịnya kẹnẹ ọọ̄ mẹ̀ ọkarẹyị nị. Ọọ̄ kà aza enyi chi, dị ọ kà ọsa hịrẹ.

Ahẹ Ụgama 75:8

Ayị ana aa kụ́ Ohomorihi vị ana sị mẹẹ anka eche ana a kụ́ ịsa ana nyị ịrẹyị hi dị ọ sị tụ́ ini ako rị ụvọ. Avaba anị ọ vaa vàa yị aza edivi ene hi ịnị ẹhẹ ka è hú ọnị.

Ụhịrẹyị 22:2

Ọnyẹkẹhị ọnịrị onosiye vị ọnyọọnya. Ẹnẹyịmavara ọ tụ wa vẹ ẹhẹ nị.

Ayịsaya 2:12

Ẹnẹyịmavara ọ nyị avaba ụkata nị. Ọ raà jị ẹkụhị ọnya tịtẹ. Ịhị ọnọọ ọ vaa za avaba aza ene ee wu ịka zị dị ọ kà wa chi, dị ọ mẹ̀ ụhị nyị wa.

Ijeremaya 49:15

Ẹnẹyịmavara vaa tụ́ wụ nịnị ọkụmị, di aza ẹ́ yị kụkụ sị ụbanyị yị wụ nịnị.

Ezikẹẹrị 17:24

Avaba ọchị ene hi ẹtẹ Isirẹrị vaa yẹ ka ọnị ọ vị Ẹnẹyịmavara nị. Ọnị ọọ̄ dị ọchị ana gọdọ nyẹtẹ, dị ọnị mẹ ka ọchị ene weyi ọọ gọdọ nị. Ọnị ọọ̄ mẹ̀ ka ọchị ohwoohu nịnị ẹ wụ, dị ọnị mẹ ka ọchị ana sị wụ ọ̀ vara ohwoohu nị. Ọ kà ọnị Ẹnẹyịmavara ọ sị ọ ka. Ịsị ọnị ka ọnị vaa mẹ, vị ọnị ọnị vaa yịị mẹ.

Ijemiisi 4:10

Kà ẹngụ awụ nịnị chi ọvịdị Ohomorihi Ananyị yị, ka ọ vaa sị wụ nịnịị tụ́ ẹba!