1 Ịsamụwẹrị 2:36 - IWE ỌNỊNỊ

³⁶ Àa na nyị anovwoovu awụ ana vọ tụ́ ẹhẹ, ẹnịnị vị ana vaa nọ ịda ohirẹsụ irehi Ohomorihi ọnị maa kà aanị, dị ẹ naa pà ẹkẹhị ọnịrị ịsọyịrị. Ẹ va naa dá ịpẹ ka à navọ ẹnị ẹ̀ẹ mẹ ọgụvọọ yị ohirẹsụ irehi Ohomorihi ịsavọọ ẹnị è zụ re ịsa rị.

1 Ịsamụwẹrị 2:36 ပူးပေါင်းရင်းမြစ်များ

1 Ohinọyị 2:27

Di Isoromọnị dụ Abiyata hụụ ịzọọ ka asị ọ kụkụ vị ohirẹsụ irehi Ohomorihi yi Ẹnẹyịmavara nị. Ịrẹyị ọnọnị ộ mẹ̀ ka ịrẹyị ẹnị Ẹnẹyịmavara kà tụ́ ịrẹsụ irehi Eri ịnị ẹkụra Isiro ọ̀ sẹ.

2 Ohinọyị 23:9

Ọza ẹ yị navọ ka ẹnị ohirẹsụ irehi Ohomorihi ẹnẹẹ ẹ nyị tụ́ ịnị ụkọrọ ịnị irehi Ẹnẹyịmavara ana ya Ijerusarẹmị ama ẹnịnị ẹ zụ rị ịsa ohirẹsụ irehi Ohomorihi ẹnẹ ẹ yị nyị owu.

Ụhịrẹyị 14:19

Aza ọhịmị vị ene vee hi ụvọ zi aza ọyịza. Ẹ vaa ya enoze aza ọyịza pa ịsa nị.

Ịmarakayị 1:13

Dị Ẹnẹyịmavara ana vị Ochẹtẹẹngụ kà, aza ẹnẹẹ ka ịsọvọ anị o ku du eni eyi, dị ẹyaa jị ọ agụ nị, dị ẹyaa sị ịsụpa ẹnẹ sị ụkata-ụkata dọ ọza ọnịrị ịsụpa ene che ahụ beri ịsụpa ọnị ẹngụ aa zị va mẹ̀ ịsọvọ yị ọnị nị. Éé ro ka ọnị va dọ ẹngụ ịsọvọ ẹnịnị ọnọọ nị?

Ọdọvịdị 17:10

Ịjọnọọ dị Imika kà a yị ọ ka ọ ra pe ọnị dị ọ vị ada ọnịrị ọnụtụ ori yị ọnị, Imika o wo oto ka ọnị vaa sị ẹkẹhị ụrata ịsẹkẹrị ẹẹwụ yị ọ ịnị ịrayị ọnya, ọka ọnị va kụ achịị yọ, dị ọnị nyị ịsa ọyị rị anị.

1 Ịsamụwẹrị 2:35

Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.

1 Ịsamụwẹrị 3:1

Ịjị ọ dà kù, Ịsamụwẹrị ọ sị vịra. Eri ọ yà ahụ anị dị aa mẹ̀ ụkọrọọ yị Ẹnẹyịmavara nị. Ịnị ụmẹ ọnọọ Ẹnẹyịmavara ọ mā vavọọ hụra pè ọza kà ịrẹyị. Ọ yị rẹ zẹẹ sị ẹtẹ yị ọza re.