1 Ịsamụwẹrị 2:35 - IWE ỌNỊNỊ

³⁵ Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.

1 Ịsamụwẹrị 2:35 ပူးပေါင်းရင်းမြစ်များ

2 Ịsamụwẹrị 7:11

Pipooro ve tụ́ ụmẹ ọnị mị nyị ọdọvịdị yị Anisirẹrị aza amị. Kà a ka mẹ yị kụkụ vaa zẹẹ ka ọnịvị amị ẹ̀ kụ́ ọ kata a ẹngụ. Kà a ka ma vịdị sị ọ kà a yọ ka ẹmị Ẹnẹyịmavara ụvọta ọ vaa sị irehi amịị jẹẹ nị.

2 Ịsamụwẹrị 7:27

“Ẹnẹyịmavara Ochẹtẹẹngụ ana vị Ohomorihi Anisirẹrị wa raà sị zụ̀ ẹmị ozi ahụ awụ ka ụ vaa si irehi amịị jẹẹ. Ọnị ọ mẹ ka ma nyị ayị dị ma maanị mẹ̀ aduwa nị.

1 Ohinọyị 1:45

Di Ịzadọkị ohirẹsụ irehi Ohomorihi ọnịrị Inatanị ọnịsẹ sị angwẹ nyị Isoromọnị dị ẹ sị ọ rị ohinọyị Igihoni nị. Dị ẹ hịrẹ saasa a hụụ ịzọọ dị ẹ yaa jẹ, dị ẹkụra ee zizi nị. Ọnị ọ vị ẹtẹ ana aa sụ́ ịrẹyị ọnị waa wụ nịnị aanị nị.

1 Ohinọyị 1:8

Ama Adonija ọ yị sị ịrẹyị ọnọọ pè aza ẹnẹnị gẹ eyi: Ịzadọkị ana vị ohirẹsụ irehi Ohomorihi, Ịbẹnaya ozi Ijehoyada, Inatanị ana vi ọnịsẹ ne beri Isimeyi ọnịrị Ireyi. Ẹnị ẹnẹnị vi isoja ana yà pè Idevidi.

1 Ohinọyị 11:38

Ọ kà ama ẹwàa wụ́ avaba ịrẹyị ọnị ọnị mẹ ọda anị wụ, di ewu ee hu ahụ ọnị ọnị sì nị, dị waa mẹ̀ ebira ana vọrọ ini eyi anị nị, dị ụ raa mẹ avaba ịrẹyị ọnị ọnị kà anka Idevidi ozi ahụ anị mẹ̀ mẹ nị, ọ ka ọnị vaa yàa pè wu. Ọ kà ọnị vaa mẹ ka ịpa awụ ọ̀ rị ohinọyị gọdọ anka ọnị mẹ mẹ̀ ẹ yị Idevidi. Ọ rẹ ka ẹwụ ọnị vaa sị Anisirẹrị yị nị.

1 Ohinọyị 2:35

Di ohinọyị si Ịbẹnaya ozi Ijehoyada mẹ ọga isoja dọ Ijowabi ịrẹsụ nị. Di ohinọyị rẹ sị Ịzadọkị mẹ ohirẹsụ irehi Ohomorihi tụ́ udi Abiyata nị.

1 Ịtọpa 29:22

Ịhị ọnọọ dị ẹnịnị yà ọvịdị Ẹnẹyịmavara, dị ẹyaa rị ịsa, di eyee hú, dị ayị ẹnịnị ee hine nị. Ịhị ọnọọ ọ tụ́ ọ ụpọhụva ẹnẹ ẹnịnị nọ̀ ọ ka Isoromọnị ọ vị ohinọyị ẹnịnị nị. Ẹnịnị ệ nyị ọ ịnị ịrẹha Ẹnẹyịmavara, dị ẹ ka angwẹ hi ọ ịrẹsụ ẹnẹ ẹ sị sị ọ rị ohinọyị nị, dị ẹ rẹ nyị Ịzadọkị ka ọ̀ vị ohirẹsụ irehi Ohomorihi nị.

Ahẹ Ụgama 18:50

Ohomorihi ọ raà mẹ ka ọza ọnị ọ sị rị ohinọyị ọ̀ nyị ehuna ọnịvị anị Avọọ o mè sì ịrẹyị ọza ọnị ọ nyị mẹ ohinọyị pooro nị Mị ka Idevidi ọnịrị ezi anị ịrẹma-ịrẹma vi oni o sì pooro.

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ọyịkụra 1:21

Agụvị ka ê hí angwa anị, dị Ohomorihi mẹ ka è re ozi ma ẹtẹẹtẹrẹ nị.

Ezikẹẹrị 34:23

Ọnị vaa nyị oseratẹmẹ ọnya, ene vee sere wa anka ozi ahụ anị Idevidi, dị aa tẹsị ẹnịnị.

Ịrịka 25:13

Dị ọ kà agụvị ka Ịhwịnẹhasị ọ̀ sị ịrẹsụ yị ọnị, ọnịrị evere anị ẹ vaa vị ohirẹsụ irehi anị pooro nị.

Anihiburu 2:17

Ọnọọ ọ vị ka áa nyị ka ọ̀ yà anka ẹyịnyara anị ini oze tụra oze, dị ọ̀ zụ yà anka ohirẹsụ ọbanyị irehi Ohomorihi ana vaa mẹ ụkọrọọ yị Ohomorihi. A zụ sị ayị tụraa, dị ọ rẹẹ̄ vayị ọza nị, agụvị dị ò zụ sí ụta ịvị aza.

1 Ịsamụwẹrị 10:10

Ịsọọrụ ọnịrị ozida ọnị ọnịrịị zị mẹ̀ na sị ngụ Igibiya, dị a nyị ọnịsẹ ẹnyị aanị ana wara aa vẹ, dị ẹ va gẹrị wa nị. Ịzẹyịza dị Ụhwẹ Ohomorihi dọ avaba ayị Ịsọọrụ, dị ọ sị ụkata yọ nị. Dị Ịsọọrụ ọnị rẹ na vaka ọnịsẹ ẹnẹẹ di e dudu aa kà ịsẹ nị.

1 Ịsamụwẹrị 10:9

Ịsọọrụ mẹ̀ yị hụụ ịda Ịsamụwẹrị ka ọnị ọ̀ọ na kẹnẹ, di Ohomorihi vara ayị Ịsọọrụ nị. Dị avaba ịrẹyị ọnị Ịsamụwẹrị kà sẹ tụ́ ịrẹsụ Ịsọọrụ ịhị ọnọọ nị.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 16:13

Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.

1 Ịsamụwẹrị 2:36

Àa na nyị anovwoovu awụ ana vọ tụ́ ẹhẹ, ẹnịnị vị ana vaa nọ ịda ohirẹsụ irehi Ohomorihi ọnị maa kà aanị, dị ẹ naa pà ẹkẹhị ọnịrị ịsọyịrị. Ẹ va naa dá ịpẹ ka à navọ ẹnị ẹ̀ẹ mẹ ọgụvọọ yị ohirẹsụ irehi Ohomorihi ịsavọọ ẹnị è zụ re ịsa rị.

1 Ịsamụwẹrị 25:28

Di Abigẹrị rẹ ka ọnị ộ yẹ ka Idevidi vị ana aa kụ̀ ịrẹkụụ yị Ẹnẹyịmavara. Ọ kà Ẹnẹyịmavara vaa mẹ ka ovwoovu Idevidi ọ vaa vị ohinọyị pooro nị. Ọ kà aarịhịnị ọ̀ navọ ọ̀ vagu Ịnabarị. Ọ kà Ohomorihi ọ yị vaa zẹẹ ka Idevidi ọ mẹ ịrẹyị odivi pooro dị ọ̀ sị ẹhẹ tịtẹ.

1 Ịsamụwẹrị 3:1

Ịjị ọ dà kù, Ịsamụwẹrị ọ sị vịra. Eri ọ yà ahụ anị dị aa mẹ̀ ụkọrọọ yị Ẹnẹyịmavara nị. Ịnị ụmẹ ọnọọ Ẹnẹyịmavara ọ mā vavọọ hụra pè ọza kà ịrẹyị. Ọ yị rẹ zẹẹ sị ẹtẹ yị ọza re.

1 Ịsamụwẹrị 7:9

Dị Ịsamụwẹrị va si ozi atẹmẹ ọnya aanị ana ahịka ộ yi jị ịrẹva, dị ọ wụ̀ ọ, dị ọ rị avaba anị ịra yị Ẹnẹyịmavara nị. Ịjị ọ vavọọ sị ọ mẹ, di o ve nowu na za Ẹnẹyịmavara kà ọ̀ navọ ọ̀ ba Anisirẹrị owu nị. Ịzẹyịza dị Ẹnẹyịmavara ba wa owu nị.

1 Ịsamụwẹrị 8:3

Ama ezi Ịsamụwẹrị ẹnẹẹ ẹ yị sị ebira ada ẹnịnị Ịrẹyị ẹkẹhị kẹnẹ ọ jị wa areyi nị; ẹ yaa dọ ochirerenu, di eyee sima ọkarẹyị mẹ nị.

1 Ịsamụwẹrị 9:12

Di ezi anẹẹ ẹnẹẹ tụ́ ohi dị ẹ ka orẹtẹ yà ịnị ẹkụra ẹnịnị ịzọọ. Ẹ ka vị ọ maanị tụ́ ọvịdị Ịsọọrụ nịnị chee va ngụ ịnị ẹkụra nị. Ẹnịnị ẹ̀ wụsẹẹ dụ ọ na. Dị ẹ rẹ kà anẹkụra ẹnịnị aa mẹ̀ ịsọvọ ịhị ọnọọ aha ịsọvọ.

1 Ịsamụwẹrị 9:13

Ama ẹnịnị e yi vee nyima ịsọyịrị di orẹtẹ ọnọọ ọ va na ngụ ịzọọ. Ẹ ka orẹtẹ vaa mẹ̀ aduwa tụ́ ịnị ịsa dị aza ana a hị́ vẹ ẹ̀ va rị ọ. Dị ẹ rẹ ka Ịsọọrụ nịnị ẹ̀ẹ na sị ngụ ịnị ẹkụra kẹnẹ, e vee re e dị ọ va nọ aha ịsọvọ na rị ịsa. Dị ẹ rẹ ka Ịsọọrụ nịnị ọ wụsẹẹ na booro aanị ka e vee re e dị ọ va na aha ịsọvọ nị.