1 Ịsamụwẹrị 2:30 - IWE ỌNỊNỊ

³⁰ Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.

1 Ịsamụwẹrị 2:30 ပူးပေါင်းရင်းမြစ်များ

1 Ohinọyị 11:11

Dị Ẹnẹyịmavara va kà a yi Isoromọnị dị ọ ka, “Wéé re ẹngụ ebira ọnị ụ vaa mẹ aanị, wẹ̀ yị jẹẹ pè ịrẹyị ọnị ị kà, wẹ yị rẹ saasa ịrẹyị ọnị mị mẹ ọda anị wụ. Agụvị avọọ, yẹ o, ka ohinọyị ọnị ụ rị aanị vị ọnị maa dọ hụrẹ wụ ụvọ. Ozi ahụ awụ mị kụkụ aa sịị yị nị.

1 Ohinọyị 2:27

Di Isoromọnị dụ Abiyata hụụ ịzọọ ka asị ọ kụkụ vị ohirẹsụ irehi Ohomorihi yi Ẹnẹyịmavara nị. Ịrẹyị ọnọnị ộ mẹ̀ ka ịrẹyị ẹnị Ẹnẹyịmavara kà tụ́ ịrẹsụ irehi Eri ịnị ẹkụra Isiro ọ̀ sẹ.

1 Ịtọpa 17:18

Idevidi ka, sị ọnị kụkụ zụ kà da, ọ ka Ohomorihi ộ yẹ ẹngụ ọza ọnị ọnị vị, ama dị ọ maanị yị sị ụbanyị yị ọnị ozi ahụ anị nị.

2 Ịtọpa 15:2

Ô ne tù ohinọyị Asa, di o na owu, dị ọ kà, ohinọyị Asa ọnịrị Anijuda ne beri Anịbẹnjamịnị nịnị e batọ ịrẹyị anị. Ộ kà Ẹnẹyịmavara kà ọnị vaa ya pe wa ẹnịnị ẹ̀ẹ jẹẹ pe ọnị. Ẹnịnị èe si ọ, e vee re e, ama ẹnịnị ẹ̀ẹ varẹma ka a, ọnị rẹ vaa hụrẹ wa ụvọ.

2 Ịtọpa 26:18

dị ẹ kà taarụ ohinọyị! E yi vọrọ tụra awụ ka wa rị eturare ịra hi Ohomorihi. Ohirẹsụ irehi Ohomorihi nịnị ana hụrẹ ovwoovu Eerọnị a nyị ka ẹẹ mẹ̀ ụkọrọ ọnọnị nị. Agụvị avọọ, jịnẹ hụrẹ aha ọnịnị ọnọnị. O yi vee zee yọ agụvị ka ọ raà rị ịvị Ohomorihi.

Ahẹ Ụgama 18:20

Ebira ọnị maa mẹ̀ ộ vọrọ ini eyi Ẹnẹyịmavara Avọọ ọ mẹ̀ raa sị ọgụ anịị mị nị Ô re ka mẹ yị nyị ụvọ tụ́ ini ebira odivi dị ọ rẹ vavọọ aa sị ọgụ ebira amị yị mị nị.

Ahẹ Ụgama 18:26

Ọza ana àa nyị ayị ọnya, dị waa sị ayị ọnyaa pè e mẹ Ọza aa mẹ irikichi, irikichi ọnọọ ẹwụ re sii pè e mẹ nị.

Ahẹ Ụgama 50:23

Ohomorihi rẹ ka Ọza ana aā kụ́ ọnị avọ, ọnị vaa yẹ ka aa mẹ̀ ịsọvọ ana sị ụbanyị yị ọnị nị Ọza ene èe tenyi ebira anị, ọnị mị vaa dọ ọ há nị.

Ahẹ Ụgama 73:20

Ẹnẹyịmavara, mâ yẹ ka ịhị wàa kwẹẹtẹ tu aza ẹnẹnị, ịrẹyị ẹnịnị vị ana kụkụ vaa sịị mẹẹ anka ụ́ra avọọ.

Ahẹ Ụgama 91:14

Ẹnẹyịmavara kà ọnị vee sere wụ dị ọnị aa dọ wụụ tụ́ agụvị ka wê sì ịrẹyị anị, dị ụ rẹ yẹ ka ọnị ọ vị Ohomorihi nị.

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ọyịkụra 28:43

Eerọnị ọnịrị ezi anị àa ngụ ịnị ajẹngụ ọnọọ ẹ̀ vụ́ ọvẹntẹ ọnọọ. Ẹ̀ẹ rẹ yàa nọ ịnị ụta, ka ẹnị ẹ̀ na mẹ̀ ụkọrọ Aha Ọnịnị ẹ̀ rẹ vụ ọ. Ẹ̀ yị vavọọ vụ ọ, vị ẹ yaa kụ́ ịvịị tù ẹngụ ẹnịnị di e sú nị. Ido ọnọnị vị ọnị mị jị yị Eerọnị ọnịrị ezi anị ka ẹ̀ si eyi pe e pooro zịna-zịna.

Ọyịkụra 29:9

dị ụ rẹ jị ẹnị ubobo. Dị ụ vụ Eerọnị ọnịrị ezi anị ụbaja. Ido ọ vị pooro zịna-zịna nị ka ẹnị ẹ vaa vi ohirẹsụ irehi amị nị. Avọọ ụ mẹ̀ vaa nyị Eerọnị ọnịrị ezi anịị tụ́ ịnị ụkọrọ amị nị.

Ụhịrẹyị 12:8

Ọza ana nyị ịrẹyọyẹ vị ana aā sị ụbanyị yị ama ọnụra vị ana aā sị eyi wụ.

Ụhịrẹyị 4:8

Waa dụ ka wa yẹ ịrẹyị. Ọnị ọ vaa sị wụ tụ ẹba, dị ụ nyị ụbanyị nị.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ijeremaya 29:32

Re, ọnị vaa sị ụyaa rị Isemaya ana vị Anineherami ọnịrị evere anị; ẹ́ yị nyị aza ẹngụ anị ana vaa sị eyi re ịsị ọyịza ọnị ọnị vaa mẹẹ yị aza anị, agụvị ka ọ raa sị ịrẹyị irenu anị kụ̀ hịrẹ Ẹnẹyịmavara.

Ijeremaya 49:15

Ẹnẹyịmavara vaa tụ́ wụ nịnị ọkụmị, di aza ẹ́ yị kụkụ sị ụbanyị yị wụ nịnị.

Ezikẹẹrị 34:10

Ọnị Ẹnẹyịmavara Ochẹtẹẹngụ ka, ọnịvị awụ nịnị ọnị kụkụ vị nị. Ọnị vaa dọ atẹmẹ anị hụrẹ ẹwụ nịnị ụvọ. Ọnị ọ́ ma vana zẹẹ ka we sere wa nịnị. Ọnị ọ ma rẹ vana zẹẹ ka waa tẹsị ẹngụ awụ nịnị ịnyara kẹnẹ. Ọnị vaa dọ atẹmẹ anịị hụrẹ ẹwụ nịnị ụvọ ọnị ẹ́ ma vana zẹẹ ka waa sị waa mẹ ụngwẹ nịnị.

Ịdanịyẹrị 4:34

Inebukadineza ka, ịjị ịrayị ịhịmba sị mẹ dị ọnị kana eyi ihinẹba, dị ịrẹsụ anị vavẹ eehi nị. Ọnị ộ sị ụga ọnịrị ụbanyị beri igirima yị Ohomorihi ana yara pooro zịna-zịna. Ohomorihi aa mẹ ịjọva avaba ẹhẹ pooro nị. Ịjọva anị ẹ yị vaa nyị ẹzẹtẹ.

Ịmarakayị 1:6

Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?

Ịmarakayị 2:3

Ọ kà ọnị vaa pa ịva yị ezi ẹnịnị, dị ọnị vaa ịhyẹrẹ ịsụpa ẹnị ẹ sị va mẹ̀ ịsọvọ kụ wa eyi, dị ọnị rẹ dụ wa hụrẹ ọvịdị anị.

Ịrịka 11:20

ama ụhwẹ ọnya ọyịvụrụ. Ẹ vaa rị ịsa, dị ọ du wa eyi, ka ẹnịnị e yị dọ yị Ẹnẹyịmavara ana yaa pe wa, dị ẹ ya rị uhuhu hi ọnị, dị ẹ ka sị ẹ vẹ dị ẹnị daka hụrẹ Ijipiti?

Ịrịka 35:34

Asị a nyị ọza ene du ẹtẹ ịzị ọ ra agụvị ka Ẹnẹyịmavara ọ ra ịnị akakana Anisirẹrị.

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Ịjọọnụ 8:49

Dị Ijeesu tụ́ ohi, dị ọ ka, “Mẹ yị nyị ụhwẹ echu, ama maa sị ụbanyịị yị Ada amị, dị ẹwụ nịnị ọ̀ yị sị ụbanyị mị nị.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Ọdọvịdị 9:10

Dị ọchị ẹnẹẹ rẹ kụ ẹngụ ne tu ọchị ihwigi ka ọ va vị ohinọyị ẹnịnị nị.