1 Ịsamụwẹrị 2:3 - IWE ỌNỊNỊ

³ Asị ụ rẹ maanị nyị irenu nịnị. Asị ụ re wo oto nịnị. Ẹnẹyịmavara ana vị Ohomorihi ộ yẹ avaba ịsa, ọnị ọọ̄ mẹ̀ ọkarẹyị avaba ịsa ọnị yaa mẹ̀ nị.

1 Ịsamụwẹrị 2:3 ပူးပေါင်းရင်းမြစ်များ

1 Ohinọyị 8:39

navọ kwogwo we batọ hụrẹ ẹbẹẹba ịzị ụ yà, dị wa vagu aza awụ. Navọ à nyị ịsị ụ mẹ. Ịsị waa yẹ ka ọzọza ô sì ịnị ayị anị, navọ dị wa mẹ̀ ẹ yọ anka oze ọzọza mẹ̀ yà. Ẹwụ nya kẹnẹ ọ yẹ ayị avaba aza nị.

Ijoovu 31:6

Ohomorihi ọ̀ sị ịzẹyịza mẹ̀ ọkarẹyị anị, o vee re ka ọnị ẹ yị rị ịvị.

Ahẹ Ụgama 147:5

Ananyị yị ộ nyị ụbanyị, avọọ ọ mẹ̀ rẹ nyị ụkata nị. Ọza ọ yị nyẹngụ kà a ịzị ọ yẹ ịrẹyị ne tù.

Ahẹ Ụgama 17:10

Ẹnịnị ẹ yị mā vayị ọza vị ẹnịnịị̄ nyị irenuu zị nị.

Ahẹ Ụgama 31:18

Navọ wa za onireche ẹnẹẹ irenu kú oku Ẹnịnị vị ana aā mẹ eyi dị ẹ yaa sị eyii wụ̀ aza ana aa mẹ̀ ebira ana vọrọ ini eyi Ohomorihi Dị ẹnịnị aa kà ịrẹyị oni irenu ẹnịnị e yi tù.

Ahẹ Ụgama 75:5

Ụ ka asị ẹnịnị rẹ nyị irenu hi ẹwụ Ohomorihi, dị asị ẹ rẹ ka ịrẹyị oni irenu ẹnịnị ò yi tù.

Ahẹ Ụgama 94:4

Avaba aza edivi vị ana aā kà ịrẹyị oni irenu ẹnịnị è yi tù, di e yee wo oto irenyi-irenyi.

Ụhịrẹyị 16:2

Avaba ịsa ọnị ọzaā mẹ vị ọnị o rò ka ọ̀ vọrọ, ama Ẹnẹyịmavara e re ayị ọza nị.

Ụhịrẹyị 24:12

Asị ụ kà a ka ẹ yị nyị awụ rị ịnị anị agụvị ka Ohomorihi ọ yẹ ayị́ ọzọza, di e re ọzọza nị. O vee sí ọzọza atọ ịsị ọnị ọ̀ mẹ̀.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ayịsaya 26:7

Ohomorihi, ẹwụ vị ana aa mẹ ka ò zee yị ọza ana aa mẹ̀ ebira ana vọrọ. Ụụ̄ mẹ ka ẹngụ ẹnịnị ọ̀ rọ.

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ezikẹẹrị 35:13

Ọnị ộ wụ oto odivi ọnị wee wo nịnị, dị waa kà ịrẹyị ẹnẹ ẹ̀ yị vọrọọ hi ọnị nịnị.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

Ịdanịyẹrị 5:27

Iruvo ỊTẸKẸẸRỊ ọ vị ka, asị ohinọyị zama re ịnị ịngọ, ê re ka â gẹsẹ aanị, ẹ yị nyị ịsị ọ vị.

Ịmarakayị 3:13

Ẹnẹyịmavara kà ẹnịnị ee du ọnị. Ama dị ẹnịnị aa họ̀ ka sị ẹ vị ịrẹyị odivi anị ọnị ẹnị kà?

Anihiburu 4:12

Yáa yẹ ka ịrẹyị Ohomorihi vị ana yára. Ọ́ọ nyị ụkata, ọ́ọ rẹ́ huna ụhwọ onyeyi ẹẹva. Ọọ̄ yẹrẹ ịsaa hụrị oze, dị ọ na huuu na ịzị ayị ọnịrị ụhwẹ na gẹ. Dị ọ na ngụ ịzị ẹgẹ ẹngụ ọnịrị ụhị nịnị na gẹ. Avaba ịsị ọza èe ro ịnị ayị anị, dị ọ sị ọ tụ́ ẹhẹ.

Ijosuwa 22:22

Ẹnẹyịmavara Ohomorihi ene huna ori nịnị ộ yẹ ịsị ẹ vẹ dị ị maanị mẹ. Yee sì ka avaba Anisirẹrị ẹ rẹ yẹ bẹẹ. Àa vị ka ị́ kụ̀ hịrẹ Ẹnẹyịmavara, dị yẹ yị kụkụ sị ayị tụra a nị, a sị ọ dọ yị tụ.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ọdọvịdị 9:38

Dị Izeburu họ̀ ọ ka, ịzị irenu ọnị aa nyị yaa? Áá vị ee wo oto ka ẹ̀nẹ vị Abimẹrẹkị ẹnẹ ẹnị aà vaa vị ezi ahụ anị. Aza enee wo hi ẹ vị ẹnẹẹ nị, ọ jịnẹ tụ ẹhẹ ọ na gẹ wa ịrẹvụ kẹ.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.