1 Ịsamụwẹrị 2:29 - IWE ỌNỊNỊ

²⁹ Sị ẹ vavẹ dị ụ maanị aa sị eyi ịyẹyẹẹ re ịsọvọ ọnị ọnị kà a ka aza ẹ̀ẹ sị vẹ di ahịka ezi ewu ụ sị ụbanyị yị hu ọnị Ohomorihi nị, dị ụ navọ ka ezi ewu ẹ̀ẹ kụ́ ene zoza hu ịnị ịsa ana Anisirẹrị sị va yị ọnị dị waa chakaa rị nịnị?

1 Ịsamụwẹrị 2:29 ပူးပေါင်းရင်းမြစ်များ

2 Ohinọyị 12:6

Ama pooro dị ọ mẹ ịrayị ohurẹẹva ọnị Ijowasi rị ohinọyị, ẹ yị nyị ịzị ohirẹsụ irehi Ohomorihi nịnị tenyi ini Irehi Ohomorihi.

Ahẹ Ụgama 26:8

Ẹnẹyịmavara, mê sì ịrẹyị irehi ọnị ụ ra ịnị anị Mị ka me sì ịrẹyị ịzị ụ yà.

Ezikẹẹrị 13:19

Ọ kà, waa hụ agụvị ayị ibaari uvoku ọnya ọnịrị ịbụrẹẹdị ẹjịjị wẹ́ yị sị ụbanyị yị ọnị eyi aza anị nịnị. Waa wụ̀ aza ẹnẹ ẹ̀ yị vọrọ ka è sú nịnị, dị ụ navọ aza ẹnẹ ẹ̀ yị vọrọ ka ẹ̀ yara ka ẹ yara nịnị nị. Avọọ u mee cheeche yị ọza anị, dị ẹnịnị dọ wụ nịnị wụ́ nị.

Ezikẹẹrị 34:10

Ọnị Ẹnẹyịmavara Ochẹtẹẹngụ ka, ọnịvị awụ nịnị ọnị kụkụ vị nị. Ọnị vaa dọ atẹmẹ anị hụrẹ ẹwụ nịnị ụvọ. Ọnị ọ́ ma vana zẹẹ ka we sere wa nịnị. Ọnị ọ ma rẹ vana zẹẹ ka waa tẹsị ẹngụ awụ nịnị ịnyara kẹnẹ. Ọnị vaa dọ atẹmẹ anịị hụrẹ ẹwụ nịnị ụvọ ọnị ẹ́ ma vana zẹẹ ka waa sị waa mẹ ụngwẹ nịnị.

Ezikẹẹrị 34:2

Ozi-ọza, ọnị ọ̀ và eyi ịrazị ka ẹnị ọdọvịdị Anisirẹrị nịnị, dị ọnị ò tụ́ wa ohuvọ. Ọ kà ọnị ọ̀ kà a yị wa ka, ọnị Ẹnẹyịmavara Ochẹtẹẹngụ ka, ẹwụ nịnị oseratẹmẹ Anisirẹrị ẹ́ sị da. Ịrayị ẹngụ awụ nịnị kẹnẹ ọ jị wụ nịnị areyi nị, ama wẹ́ yị tẹsị atẹmẹ anị nịnị.

Ihoseya 4:8

Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị.

Ireevi 19:15

Ẹnẹyịmavara kà ẹnịnị ẹ̀ẹ sị ịzẹyịzaa mẹ̀ ọkarẹyị; à sị ẹ nyị ọza remeyi agụvị ka ọọ vị onosiye, dị à sị e re hí angwa ọzọbanyị.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Imatiwu 10:37

Ọza ene èe sì ịrẹyị ada anị, àa vị ọnyị anị huna mị, ọ yị hụ ọ vị áamị. Ọza ene èe re sì ịrẹyị ozi ọnọrụ anị, àa vị ozi ọnẹẹ anị huna mị, ọ yị rẹ hụ ọọ vị áamị.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Iruuku 14:26

“Ọza ana àa vẹ ịdị amị, di ò yi hí ayị ada anị ọnịrị ọnyị anị beri ose anị ọnịrị ozi anị ọnịrị ẹyịnyara anị ọnẹẹ ọnịrị ọnọrụ, dị ọ̀ yị rẹ hyakụ hí ayị ẹngụ anị ụvọta nị, ọza ọnọọ ọ yị zụ vị ozirẹma amị.

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

2 Anịkọrịntị 5:16

Ye yi kuku re ọzọnyị-ọzọnyị, anka ánẹhẹ mee re wa. Yàa daka vịdị sị eyi anẹhẹ re Ikirisiti, yẹ yị kụkụ vavọọ mẹ.

Iwe Ọhụhị Imosiisi ana aa hị́ Ọyịvatụrọda 32:15

Ẹwụ nịnị Anisirẹrị, ẹhẹ ộ sị mẹ yị wụ nịnị, dị ụ kụkụ aa mẹ̀ akamawụ hị́ Ẹnẹyịmavara, dị ụ hi ayị ọza ana tụ̀ vẹ ẹhẹ, di u yi Ẹnẹdọha ọbanyị.

Iwe Ọhụhị Imosiisi ana aa hị́ Ọyịvatụrọda 33:9

Ẹnịnị ẹ sị zụ ka ẹnị ẹ nyị ịrẹsụ ọkahi yị wụ ẹtẹẹtẹrẹ huni aza ana ma wa ọnịrị ẹyịnyara ẹnịnị a vị ezi ẹnịnị. Ẹnịnị ẹ saasa ọda awụ dị ẹ sị ụvọ za ịrẹyị ana a ka tịtẹ.

Ijemiisi 3:17

Ama ịrẹyọyẹ ana hụụ ịdị Ohomorihi vẹ, vị ọnịnị, ọ́ọ mẹ ka ọza ọ̀ nyị ayị ohunẹnẹ; ọọ̄ nyị ebira hẹẹ, oō ree batọ ịrẹyị ọza ẹnẹsa, ọọ̄ rẹẹ vayị ọza ẹtẹẹtẹrẹ. Ebira ozoza ọọ̄ mẹ̀ pooro nị, ọ mā nyị ọza remeyi, oō mee re vene ọza.

Ijosuwa 18:1

Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.

1 Ịsamụwẹrị 3:13

Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.