1 Ịsamụwẹrị 2:28 - IWE ỌNỊNỊ

²⁸ Ọnị ộ nyị ohiku ẹnịnị tụ́ irenyi hụụnị avaba Anisirẹrị ana vọ ka ẹ vị ohirẹsụ irehi anị nị. Ohomorihi ka ẹnị ọnị kà a ka ẹ vaa rị eturare ịraa yị ọnị ịnị ụta, dị ẹ̀ ree chire ịharamịra ene e siī sì iruvo ịrẹyị ịnị ụvọ anị. Dị ọnị rẹ ka avaba ịsọvọ ana aā rị ịra ana Anisirẹrị ẹ̀ẹ va mẹ, ohiku ẹnịnị a vaa kụ́ ọ yị nị.

1 Ịsamụwẹrị 2:28 ပူးပေါင်းရင်းမြစ်များ

2 Ịsamụwẹrị 12:7

Di Inatanị va kà a yi Idevidi dị ọ ka, “Ẹwụ gẹdẹ-gẹdẹ ọ vị opisa ọnọọ nọ! Wụ́ ịrẹyị ẹnẹ Ẹnẹyịmavara ana vị Ohomorihi ana Anisirẹrị aa hẹkẹ kà oo! Ọ kà ọnị ộ nyị wụ ka wa rị ohinọyị Anisirẹrị. Dị ọnị dọ wụ tụ́ hụụnị ụvọ Ịsọọrụ nị.

2 Ịsamụwẹrị 6:14

Di Idevidi chire ịharamịra ana a si owu ozoza hi ịta anị, dị aa sị avaba ẹngụ anịị nyị ẹzẹ, dị a sịị sị ụbanyịị yị Ẹnẹyịmavara nị.

Ọyịkụra 28:1

Ẹnẹyịmavara ọ rẹ kà a yi Imosiisi ọ ka kà a ka à sị Eerọnị ẹnẹbẹnị awụ hụụnị Anisirẹrị nịnị va wụ. Kà a ka ọnịrị Inadabi, Abihu ne beri Eriyaza ọnịrị Ịtama ezi anị ẹ̀ zị vẹ. Ẹnị ẹ vaa vị ohirẹsụ irehi amị dị ẹ yaa mẹ ụkọrọọ mị nị.

Ọyịkụra 28:4

Aanị ẹ mẹ̀ vaa jị ẹnya Eerọnị nị: Ọ vaa nyị ọtịnịnẹ ēni e hi, dị ọ va nyị awuru ọgọdọ ene ee chiree tụra a. Di e ve chire ịharamịra kú awuru ọgọdọ ọnọọ. Dị a va jị ọsa ọnị ọ vaa sị gẹ ịrachị. Dị ọ jị ubobo tụ́ ọ. Di a va nyị ēni e hi anka ụbaja, dị ọ sị za ọtẹ. Ẹngụ ẹnya ọnọọ ẹ vaa jịị yị Eerọnị ẹnẹbẹnị awụ ọnịrị ezi anị nị. Dị ẹnịnị ẹ̀ vị ohirẹsụ irehi amị dị ẹ̀ sịị mẹ ụkọrọọ mị.

Ọyịkụra 30:7

Ẹnẹnẹ-ẹnẹnẹ, Eerọnị ọ̀ọ maanị ee nee tenyi ịra ozotupa ọnọọ, â nyị eturare ana vọrọ ka ọ̀ rị ịra ịrẹsụ ụta ọnọọ.

Ọyịkụra 30:8

Òo ree nee hu ịraa tụ́ ịnị ozotupa oruva-oruva, a rẹ nyị ka ọ̀ rị eturare ịra. Avọọ a mẹ̀ vaa mẹ̀ ẹ pooro ọvịdị ẹmị Ẹnẹyịmavara nị.

Ireevi 2:10

Ịsị ẹ̀ẹ vọ ịnị ịbụrẹdị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 2:3

Ịsị ẹẹ vọ ịnị ịsọyịrị ana sị va mẹ̀ ịsọvọ aanị vị ẹẹnị ohirẹsụ irehi Ohomorihi. Ịsa Ohomorihi ọ vị nị agụvị ka ana vọ ẹtẹ ịnị ịsọyịrị ana sị va mẹ̀ ịsọvọ yị Ẹnẹyịmavara yọ nị.

Ireevi 6:16

Ohirẹsụ irehi Ohomorihi nịnị ẹ vaa rị ana vọ nị, Ẹ vaa sị mẹ ịbụrẹdị ọnị ọza ẹ yị sị owu tụ, dị ẹ rị ọ ịzị a jị ka àa rị ọọ; ọnị vị ohweje ịnị ajẹngụ Ẹnẹyịmavara nị.

Ireevi 7:32

Ẹnẹyịmavara usi eyi ụvọrị ịsụpa ana a sị va mẹ̀ ịsọvọ aanị vị ana a vaa sịị yị ohirẹsụ irehi Ohomorihi ene pe ọza ọnọọ mẹ̀ ịsọvọ anị. Ẹyịza ụnarenyi ọ vị nị.

Ireevi 7:36

Ịhị ọnọọ Ẹnẹyịmavara mẹ̀ ẹ ọda yị Anisirẹrị nịnị ka ịpa ọnọọ ọ vị ọnyịrẹva ohirẹsụ irehi Ohomorihi nịnị hụụnị ịsị a sị va yị ọnị nị. Avọọ ẹ́ mẹ vaa mẹẹ pooro nị.

Ịrịka 16:5

Dị ộ ka yị Ikora ọnịrị aza anị ana saasa a ka Ẹnẹyịmavara vaa sị ọza ọnị ọ̀ọ nyị zụ ẹnẹnẹ eyinẹhẹ anị. Ọza ana nị ọnị ọ nyị kẹnẹ ọ̀ vaa zụ gụrị ọ nị.

Ịrịka 18:19

Ẹnẹyịmavara kà a ọnị ọ sị avaba ịsa ọnị Anisirẹrị nịnị sịị̄ vaa yị ọnị yị Eerọnị ọnịrị ezi anị, dị ọ vị ọnyịrẹva ẹnịnị. Ọsọnị vị oto ọnị Ẹnẹyịmavara wu ọnị ẹ yị vee vú ẹtẹ.

1 Ịsamụwẹrị 14:3

Ahija eneē chire awuru ọnụkọrọ Ohomorihi yà ịnị aza ẹnẹẹ. Ahija ọnọọ vị ozi Ahitubi ana vị ọyịnyara Ikabedi. Ahitubi ọnị vị ozi Ihwinehasi ana vi ozi Eri. Eri ọnọọ ọ vị ohirẹsụ irehi Ohomorihi tụ́ Isiro nị. Á yị nyị ọza ana yẹ ka Ijonatani ọ sị hụụ ịzọọ.

1 Ịsamụwẹrị 2:18

Ịsamụwẹrị ọnị vi ene chire ịhamịra ana a sị ịta ozoza hi, dị aa mẹ ụkọrọọ yị Ẹnẹyịmavara.