1 Ịsamụwẹrị 2:24 - IWE ỌNỊNỊ

²⁴ Na za avọhi ezi emi! Ịrẹyị awụ nịnị ọnị avaba aza Ẹnẹyịmavara aa kà, e yi zoza vụrụ-vụrụ.

1 Ịsamụwẹrị 2:24 ပူးပေါင်းရင်းမြစ်များ

1 Ohinọyị 15:26

Inadabi ộ mẹ̀ ebira ene divi ẹtẹẹtẹrẹ ini eyi Ẹnẹyịmavara. Ebira odivi oni ohiku anị mẹ, dị ọ mẹ ka Anisirẹrị ẹ̀ mẹ̀ ebira odivi, ẹngụ ebira ọnọọ Inadabi ọnị rẹ mẹ nị.

1 Ohinọyị 15:30

Ịrẹyị ọnọ ộ vavọọ mẹ agụvị ebira odivi oni Ijerobowami mẹ, dị ọ rẹ mẹ ka Anisirẹrị ẹnị ẹ̀ rẹ mẹ. Ebira ọnọọ vị ẹnị ẹ nyayịnẹ sị mẹ ayị kụ Ẹnẹyịmavara ana vị Ohomorihi Anisirẹrị.

2 Ohinọyị 10:31

Ama Ijehu ẹ yị sị avaba ana saasa ọda Ẹnẹyịmavara Ohomorihi Ánisirẹrị; ộ hama Ijerobowami ana kụ Anisirẹrị nịnị na mẹ ịvị.

Ọyịkụra 32:21

Di Imosiisi va hị́ Eerọnị dị ọ ka, “Sị aza ẹnẹnị mẹhị na mẹ wụ dị ụ maanị tụra wa na mẹ̀ ebira odivi ọnọnị?”

Ịmarakayị 2:8

Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa.

Imatiwu 18:7

Anẹhẹ ẹ sị dà agụvị ịsị ẹẹ̄ mẹ ọzaa mẹ ịvị. Ẹ yị zụ nyị ka ịsị ẹẹ̄ mẹ ọzaa mẹ ịvị, ọyị vẹ; ama ọza ana àa kụ́ ịsa ẹnẹẹ vẹ, ọ sị dà.

Odeyi 6:3

Agụvị avọọ, ẹwụ nịnị anda ayị, nyị aza ẹnị ịhịmba ịnị ẹngụ awụ nịnị ana aza yẹ ka Ụhwẹ Ọnịnị ọ raà dọ avaba ayị ẹnịnị, dị ẹ rẹ nyị ịrẹyọyẹ. Dị ya sị wa tụ́ iruvo ụkọrọ ọnọọ.

2 Anịkọrịntị 6:8

 sị ụbanyị yị, a rẹ mẹ̀ ụhị nyị yị.  kụ̀ yị ụhụ, a rẹ ga yị. Ịzẹyịza ịị̄ kà nị, ama aza ệ za yị anka onireche avọọ.

1 Itimoti 3:7

A rẹ vọrọ ka aza ẹnẹ ẹ̀ yị vị ọdọwụ, ẹ̀ zụ dọ ivenu tụ́ ọọ ka hịịn, ebira anị óo zoza. Àyị vị avọọ, aza ẹ zụ mẹ̀ ụhị nyị ọọ, dị ọ sị hụrẹ ne ngụ ịnị ịrẹpa Echu.

2Ipita 2:18

Ẹnịnị vị anaā sịị ẹngụụ tụ́ ẹba, dị ẹyaa kà ịrẹyị ụra kẹnẹ, dị ẹ rẹ yaa sị oyisì odivi ọchẹngụ ẹnịnịị vene aza, ana ahịka oò yi kù ẹnẹ ẹ tụ̀ hụụnị ụvọ aza ene si nyeeyi hụrị oze Ohomorihi.

3 Ịjọọnụ 1:12

Àa vị Idemetiriyọsị yọ, ọzọza vị anaa kà ọyịza anị. Ebira ozoza anị ộ hyakụ sị zụ̀ ka aa saasa ịzẹyịza Ohomorihi. Ẹya rẹ dọ ivenu tụ́ ọ bẹẹ; wáa yẹ ka ye me cheeche.

Ẹtore 2:20

Ama â nyị ịsa ọnya ọnị ụ wẹ̀ yị mẹ ẹtẹẹrẹ nịnị: Wâ dọ yị ọnẹẹ ọnọọ ana aā hị́ Ijezebẹrị ana ka ọnịsẹ ọnị vị nị. Ama aa zụ̀ ezi ahụ anị ịsa, ee vene wa naa sẹ̀ ịrẹka, ẹ rẹ yaa rị ịsa ana a sị mẹ̀ ịsọvọ hi ori.

1 Ịsamụwẹrị 2:17

Ebira odivi eni ezi Eri ẹnẹẹ vavọọ aa mẹ ộ nyị Ẹnẹyịmavara ịhyẹrẹ ẹtẹẹtẹrẹ. Ezi ẹnẹẹ ẹ raà sị eyi ịyẹyẹ re ịsọvọ ana aa mẹẹ yị Ẹnẹyịmavara.

1 Ịsamụwẹrị 2:22

Eri ana aa kà aanị o si bo ẹtẹẹtẹrẹ. Ộ wụ́ avaba ebira ẹnị ezi anị aa mẹẹ hi Anisirẹrị. Ọ rẹ wụ́ ka ezi anị vị ana aa za anyẹnẹẹ ana aa mẹ̀ ụkọrọ enoze ajẹngụ ịzị a yaà gụ, di e yee pè wa sụ.

1 Ịsamụwẹrị 2:23

Dị ọ va hị́ ezi anị dị ọ ka, “Sị ẹ vẹ dị ụ maanị aa mẹ ẹngụ ebira ọnọnị nịnị aanị? Avaba aza aa kà a mị ẹngụ ebira odivi ọnị waa mẹ nịnị.