1 Ịsamụwẹrị 2:22 - IWE ỌNỊNỊ

²² Eri ana aa kà aanị o si bo ẹtẹẹtẹrẹ. Ộ wụ́ avaba ebira ẹnị ezi anị aa mẹẹ hi Anisirẹrị. Ọ rẹ wụ́ ka ezi anị vị ana aa za anyẹnẹẹ ana aa mẹ̀ ụkọrọ enoze ajẹngụ ịzị a yaà gụ, di e yee pè wa sụ.

1 Ịsamụwẹrị 2:22 ပူးပေါင်းရင်းမြစ်များ

Oyinyima 35:22

Ijekọvụ mẹ̀ vavọọ ra ịzọọ, ẹkụhị ọnya di Irubẹnị ozi anị na sị ose ada anị ana aā hị́ Ibiriha nị. Ose ada anị ọnọọ vị ozi ahụ Irechẹrị oni Ijekọvụ vara eyi nyị. Ọ mẹ̀ vavọọ mẹ, Ijekọvụ ọ sị wụ́.

Oyinyima 37:2

Ịtọpa ezi Ijekọvụ ị yaa vaa jị ahụụ ngụ aanị nị. Ijosẹẹhụ vị ọpa ozweyi. Ọ sị gụ ịrayị ẹwụrịhịmba. Ọnị beri adẹnyara anị ana vi ezi Ibiriha ọnịrị ezi Iziripa ese Ijekọvụ e dudu si eyi pè ịsụpa ada ẹnịnị nị. Ijosẹẹhụ vi ene vee cheeche yị ada ẹnịnị ka ezi Ibiriha ọnịrị ezi Iziripa aa mẹ̀ ebira odivi.

Ọyịkụra 38:8

Ọ rẹ sị ịkọpa dị ọ sị mẹ ịchacha ana a ka ọ̀ mẹ nị. Â nyị anyẹnẹẹ ẹnyị anaā mẹ̀ ụkọrọ enoze ajẹngụ ọnọọ. Ẹnịnị ệ nyị ore ana vị ịkọpa. Di Ibezareri sị ore ẹnịnị ọnọọ dị ọ sị mẹ ịchacha ọnọọ nị.

Ezikẹẹrị 22:26

Ọdọvịdị irehi ẹnịnị ẹ́ yị saasa ọda anị. Ẹnịnị sị ụbanyị yị ịsị ọnịnị (ana vị Ohomorihi). Ẹnịnị ẹ́ yị zẹẹ ka à yẹ ịsị ana vị ọnịnị tụ irenyi yị ịsị ana vọ. Ẹnịnị ẹ́ yị kọ ọ yị aza ka ẹ̀ yẹ ịsị ana nị ọnịrị ẹnẹ ẹ̀ yị nị. Ẹnịnị ẹ̀ yị rẹ sị ụbanyị yị ẹkụhị ụhwọtụ anị nị.

1 Ịsamụwẹrị 2:23

Dị ọ va hị́ ezi anị dị ọ ka, “Sị ẹ vẹ dị ụ maanị aa mẹ ẹngụ ebira ọnọnị nịnị aanị? Avaba aza aa kà a mị ẹngụ ebira odivi ọnị waa mẹ nịnị.

1 Ịsamụwẹrị 3:13

Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.

1 Ịsamụwẹrị 8:1

Ô tù ụmẹ ọnya, Ịsamụwẹrị o si bo. Dị ọ nyị ezi anị ka ẹ̀ẹ mẹ̀ ọkarẹyị yị Anisirẹrị nịnị nị.