1 Ịsamụwẹrị 2:17 - IWE ỌNỊNỊ

¹⁷ Ebira odivi eni ezi Eri ẹnẹẹ vavọọ aa mẹ ộ nyị Ẹnẹyịmavara ịhyẹrẹ ẹtẹẹtẹrẹ. Ezi ẹnẹẹ ẹ raà sị eyi ịyẹyẹ re ịsọvọ ana aa mẹẹ yị Ẹnẹyịmavara.

1 Ịsamụwẹrị 2:17 ပူးပေါင်းရင်းမြစ်များ

Oyinyima 10:9

Ẹnẹyịmavara ộ sị ụkata yọ ka ó yara zube. Ọnị a sịị̄ kà a ka Ẹnẹyịmavara ọ̀ sị ụkata yị wụ anka ọ mẹ̀ sị ụkata yị Inimirodi ka ọ̀ yara zube.

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

Oyinyima 6:11

Ohomorihi ô re ka anẹhẹ ệ ta divi, ebira ẹngụkata kẹnẹ e kuku hi ịnị ẹhẹ nị.

2 Ohinọyị 21:6

Ô si ozi ọnọrụ mẹ̀ ịsọvọ, ana aā rị ịra yị ori, dị ee re ẹtẹ, di aa ha ẹva, di ee pè arịjẹnụ ka ịrẹyị nị.

Ahẹ Ụgama 51:4

Ohomorihi, ẹwụ nya chọ̀chọ̀chọ̀ kẹnẹ m maanị rị ịvị anị nị Ẹwụ m maanị mẹ̀ ebira odivi hi nị Ịrẹyị ọnị ụ kà ọnịrị ọkarẹyị ọnị ụ mẹ vị ana vọrọ.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ịmarakayị 2:13

Dị Ịmarakayị rẹ ka, ịsa ọsa ọnị ẹnịnị yaa mẹ yi. Ẹ yaa sị ẹgọ ẹnịnị họ̀rọ ịzị a mẹ̀ ịsọvọ yị Ẹnẹyịmavara. Dị ẹ yaa jị òrèrè booro-booro agụvị ka Ẹnẹyịmavara ẹ yị kụkụ dọ ịsọvọ ẹnẹ ẹ yaa mẹ nị.

Imatiwu 18:7

Anẹhẹ ẹ sị dà agụvị ịsị ẹẹ̄ mẹ ọzaa mẹ ịvị. Ẹ yị zụ nyị ka ịsị ẹẹ̄ mẹ ọzaa mẹ ịvị, ọyị vẹ; ama ọza ana àa kụ́ ịsa ẹnẹẹ vẹ, ọ sị dà.

1 Ịsamụwẹrị 2:16

Aza ana aa mẹ̀ ịsọvọ ẹ̀ẹ va kà ka ẹ̀ navọ de di à kụ́ ụhị uye ẹnẹẹ dị à rị ọ ịra da dị ẹ̀ va sị ẹnẹ ẹ̀ẹ ka ẹnị aa sị di ezi ịdị ohirẹsụ irehi Ohomorihi ẹnẹẹ ka ẹnị ẹ yị dọ. Dị ẹ ka ọza ọ̀ yị sị uye yị ẹnị, vị ẹnị aa sị ọ ụkata-ụkata nị.

1 Ịsamụwẹrị 3:13

Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.