1 Ịsamụwẹrị 2:16 - IWE ỌNỊNỊ

¹⁶ Aza ana aa mẹ̀ ịsọvọ ẹ̀ẹ va kà ka ẹ̀ navọ de di à kụ́ ụhị uye ẹnẹẹ dị à rị ọ ịra da dị ẹ̀ va sị ẹnẹ ẹ̀ẹ ka ẹnị aa sị di ezi ịdị ohirẹsụ irehi Ohomorihi ẹnẹẹ ka ẹnị ẹ yị dọ. Dị ẹ ka ọza ọ̀ yị sị uye yị ẹnị, vị ẹnị aa sị ọ ụkata-ụkata nị.

1 Ịsamụwẹrị 2:16 ပူးပေါင်းရင်းမြစ်များ

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Ireevi 3:16

Ohirẹsụ irehi Ohomorihi vaa rị avaba ọsọnị ịra ịrẹsụ ụta anka ịsọyịrị ana a sị va mẹ̀ ịsọvọ yị Ẹnẹyịmavara dị o hine e. Ẹnẹyịmavara ọ nyị avaba ụhị ọnọọ nị.

Imika 3:5

Ẹnẹyịmavara kà ọnịsẹ nịnị ẹ sị aza anị vene. Ọza ana sị ịsa yị wa, ẹ́ẹ̄ kà a ka o vee zee yi nị. Ọza ẹnẹ ẹ̀ yị sị ịsa yị na, dị ẹ ka Ohomorihi ọ yị vaa zẹẹ ka ò zee yị wa.

Ọdọvịdị 18:25

Anịdanị nịnị ee tu ọ ohi ka a sị o pe ẹnị nyị ahankata, ẹyị vavọọ ọnị ọyịkụ ene hi ịnị ẹnịnị vaa gu chire wa dị ẹ dọ Imika ọnịrị ovwoovu anị ụhwẹ.

1 Ịsamụwẹrị 2:15

Ana hyakụ divi hu ọ vị ka dị à va kụ́ ụhị uye ịsọvọ ka à na rị ọ ịra yị Ohomorihi, di ezi ịda ohirẹsụ irehi Ohomorihi ve tù aza ana aa mẹ̀ ịsọvọ dị ẹ ka aza ẹnẹẹ ẹ̀ sị uye yị ẹnị dị ẹnị è hù ọ na yị ohirẹsụ irehi Ohomorihi. Ẹ ka ohirẹsụ irehi Ohomorihi ọ yị vaa dọ uye ana a chịnẹ à yị vị ẹrẹẹrẹ.

1 Ịsamụwẹrị 2:17

Ebira odivi eni ezi Eri ẹnẹẹ vavọọ aa mẹ ộ nyị Ẹnẹyịmavara ịhyẹrẹ ẹtẹẹtẹrẹ. Ezi ẹnẹẹ ẹ raà sị eyi ịyẹyẹ re ịsọvọ ana aa mẹẹ yị Ẹnẹyịmavara.