1 Ịsamụwẹrị 2:12 - IWE ỌNỊNỊ

¹² Ezi Eri vị ana aa mẹ̀ ebira odivi. Ẹnịnị ẹ yị hị́ ịrẹyị Ẹnẹyịmavara ịrẹyị.

1 Ịsamụwẹrị 2:12 ပူးပေါင်းရင်းမြစ်များ

1 Ohinọyị 21:10

Dị ụ kụ́ aza kẹnẹ-kẹnẹ ẹẹva pè Ịnabọtị, dị aza ẹnẹẹ è cheeche kú ọ ka ộ kụ̀ Ohomorihi ọnịrị ohinọyị ụhụ nị. Di ụ sị ọ jịnẹ tụ́ ẹhẹ, di è ne e ịrẹta dị à wụ ọ.”

1 Ohinọyị 21:13

Di aza kẹnẹ-kẹnẹ ẹyịva ẹnẹẹ vẹ, dị ẹ va yaayịtẹ pè Ịnabọtị nị. Dị ẹ yà eyi aza ana gụ, di e yee cheeche kú Ịnabọtị ka ộ kụ̀ Ohomorihi ọnịrị ohinọyị ụhụ nị. Di a sị Ịnabọtị jịnẹ hụụnị ẹkụra, di e ne e ịrẹta, di o sú nị.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ijeremaya 22:16

Ộ ngụ ayị onosiye nịnị, dị ẹhẹ anị zoza yọ nị. Ịsị ẹ sịị zụ ka ọza ọ yẹ Ẹnẹyịmavara ọ vị ọnọọ nị.

Ijeremaya 9:3

Ẹnịnị venee ne ịrarẹ ẹ nịnị tịtẹ ò yị cheeche Irikichi ẹ yaa mẹẹ ngụ ẹkụra ẹnịnịị zị nị; ẹnịnị ẹ ma ka ịzẹyịza. Ẹnẹyịmavara kà, aza anị vanaa hụrị ụvọ ebira odivi ẹnyị dị ẹ yaa sị ọsa. Ẹnịnị ẹ yị yẹ ọnị.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.

Ezikẹẹrị 22:26

Ọdọvịdị irehi ẹnịnị ẹ́ yị saasa ọda anị. Ẹnịnị sị ụbanyị yị ịsị ọnịnị (ana vị Ohomorihi). Ẹnịnị ẹ́ yị zẹẹ ka à yẹ ịsị ana vị ọnịnị tụ irenyi yị ịsị ana vọ. Ẹnịnị ẹ́ yị kọ ọ yị aza ka ẹ̀ yẹ ịsị ana nị ọnịrị ẹnẹ ẹ̀ yị nị. Ẹnịnị ẹ̀ yị rẹ sị ụbanyị yị ẹkụhị ụhwọtụ anị nị.

Ịjọọnụ 16:3

Ẹ vavọọ vaa mẹ wụ nịnị, agụvị ka ẹnịnị ẹ yị yẹ Ada amị, avọọ ẹnịnị ẹ̀ yị mẹ̀ rẹ yẹ mị nị.

Ịjọọnụ 17:3

Ka ẹ̀ yàra pooro zịna-zịna ọ vị ka ẹ̀ yẹ ẹwụ ịnyara chọchọchọ ana vị Ohomorihi ọnịrị ẹmị Ijeesu Ikirisiti ọnị ụ tụ́ vẹ ẹhẹ.

Ịjọọnụ 8:55

Ama wẹ yị yẹ ẹ nịnị, ẹmị â yẹ ẹ. Màa na kà a ka mẹ yị yẹ ẹ, ẹmị rẹ sị vị onireche anka ẹwụ nịnị. Ama ẹmị â yẹ ẹ, ma rẹ sị ụvọ za ịrẹyị anị.

Aniroomi 1:21

Aza ệ yẹ Ohomorihi, ama ẹ mā sị ụbanyị ana a vọrọ ka à sị yọ; ẹnịnị ẹ mā hyakụ kụ́ ọ avọ. Agụvị avọọ, ịrẹyị kẹnẹ-kẹnẹ ẹnịnị kuku ee ro nị. Ayị ẹnịnị e si hozi, ẹnịnị e mē ro ịrẹyị ana vọrọ.

2 Anịkọrịntị 6:15

Ikirisiti ọnịrị Echu ẹ́ẹ́ zụ sị ayị yị ẹngụ? Sị ẹ zụ kụ́ ọdọwụ ọnịrị ọza ọnịrị ọza ẹnẹ ẹ̀ yị dọ wụ́ vabẹ?

Iwe Ọhụhị Imosiisi ana aa hị́ Ọyịvatụrọda 13:13

ka aza kẹnẹ ẹnyị ịnị awụ nịnị ẹ raà kụ aza nyeeyi na hẹkẹ ori nịnị ẹnị wẹ yị mā hẹkẹ vịdị vẹ.

Iwe Ọhụhị Imosiisi ana aa hị́ Ọyịvatụrọda 13:14

Wàa vavọọ hụ́ uhuhu, sì iruvo anị ẹtẹẹtẹrẹ; Àa vị ịzẹyịza ẹ mẹ̀ ebira odivi ọnọọ nị,

Ọdọvịdị 19:22

Ẹ̀ẹ mẹ vavọọ ee hine ayị, kẹnẹ dị aza edivi ene hi ịnị ẹkụra ọnọọ vẹ dị ẹ tara kara irehi inda ọzọkụ ọnọọ dị e ye hu oze ịsa bii-bii nị. Dị e yee na owu ka ọ sị ọnọrụ ana va ngụ ịda anị ịsọnị tụ ẹhẹ yị ẹnị dị ẹnị e pee sụ.

Ọdọvịdị 2:10

Ịrẹma ọnị anụmẹ Ijosuwa wusu kwooze, anụmẹ ọsa ẹnẹ ẹ yị yẹ Ẹnẹyịmavara ọnịrị ịsa ọnị ọ mẹ yị Anisirẹrị vana kwẹẹtẹ nị.

1 Ịsamụwẹrị 10:27

Ama a va nyị aza ẹnyị aanị ịzọọ, ana ahịka enebira kẹnẹ-kẹnẹ ẹ vị nị. Dị ẹnịnị ka, “Aanị ka Ịsọọrụ ọnọnị ọnị ọ zụ̀ dọ ẹyị tụ́?” Ẹnịnị ệ sị eyi oweyi re Ịsọọrụ, ẹ yị nyị ịsị ẹ sị va yọ. Dị Ịsọọrụ mẹ anka vị ọ̀ yị sị ayị nọ ịnị ịrẹyị aza ẹnẹẹ nị.

1 Ịsamụwẹrị 25:17

Ro o ịsị wàa zụ mẹ tụ́ ịnị ịrẹyị ọnọnị agụvị ka ịrẹyị odivi, tụra ọga ayị ọnịrị aneehi anị ịrẹsụ. Wâ yẹ ka ọga ayị vị ọza odivi, ọza ọ mā zụ kà ịrẹyịị yọ.”

1 Ịsamụwẹrị 3:13

Ẹnẹyịmavara kà ọnị ộ kà a yọ ka vị ọnị vaa sị ụyaa rị anovwoovu anị pooro nị, agụvị ebira odivi ene ezi anị mẹ. Ọ kà Eri ộ yẹ tụ́ ini ebira odivi ọnọọ. Ezi ẹnẹẹ ệ si eyi ịyẹyẹ re Ohomorihi, ama Eri ọ yị za wa ụvọ chire enyi.

1 Ịsamụwẹrị 3:7

Ịsamụwẹrị ộ yị yẹ ka Ẹnẹyịmavara aa hị́ ọnị nị, agụvị ka ọza ộ yị sị ịrẹyị Ẹnẹyịmavara zụ̀ ọ.