1 Ịsamụwẹrị 2:10 - IWE ỌNỊNỊ

¹⁰ Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”

1 Ịsamụwẹrị 2:10 ပူးပေါင်းရင်းမြစ်များ

2 Ịsamụwẹrị 22:14

Ẹnẹyịmavara, ịnị eguhi o nowu hụrẹ vẹ nị. Ọnị ụvọ ọza ò yi mē tụ̀, wáá yẹ ka aza ệ wụ́ ọ ịrẹyị.

2 Ịsamụwẹrị 7:13

Kà a yọ ka ozi anị ọnọọ ọ vaa dà irehi mị nị. Ozi anị ọnọọ mị vaa si ahụ ohinọyị ọnị ọ rị jẹẹ pooro zịna-zịna nị.

2 Ịsamụwẹrị 7:8

“Na wa na kà a yi Idevidi ozi ahụ amị ka ẹmị Ẹnẹyịmavara Ochẹtẹẹngụ ka ẹma sị ọ hụrẹ ịrẹma atẹmẹ ka ọ̀ vị ohinọyị tụ́ ịrẹsụ Anisirẹrị aza amị nị.

Ijoovu 40:9

Ẹnẹyịmavara ộ họ̀ Ijoovu ka ọ́ọ́ nyị ụkata anka ọnị? Ọ́ọ́ nyẹngụ sị ọngwẹ anị ha apaana ihinẹba anka ọnị?

Ahẹ Ụgama 132:17

Ọ rẹ ka ọnị vaa si ozi Idevidi ọnya ịzọọ, dị ọnị vara ohinọyị ana nyị ụkata. Dị ọnị rẹ mẹ ka ohinọyị ọnọọ ọnị ọnị nyị avọọ, ọ̀ vị ohinọyị pooro zịna-zịna nị.

Ahẹ Ụgama 148:14

Ọ raà mẹ ka aza anị ẹ̀ nyị ụkata dị avaba ẹnịnị kụkụ aa kụ́ ọ avọ nị. Mị ka Anisirẹrị ọnị ọ nyayịnẹ sì ịrẹyị anị vị ana aa kụ́ a avọ Waa kụ́ Ẹnẹyịmavara avọ nịnị.

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ahẹ Ụgama 2:6

Dị ọ ka ọnị ọ raà sị ohinọyị anị rị tụ́ Ịzayọnị ana vị ataba ọnịnị anị.

Ahẹ Ụgama 2:9

Ịjọva ọkatẹngụ ụ vaa mẹẹ tụra wa nị di waa chaka waa vaa ha anka ụnọkọ avọọ.

Ahẹ Ụgama 20:6

Mâ yẹ kaakara ka ọza oni Ohomorihi raà nyị ka ọ̀ vị ohinọyị vị ọnị ọ vaa dọ ọ tụ́ Ohomorihi ana yà ẹbẹẹba ộ va wụ́ aduwa anị, o nyị ụkata ọnị ọ vaa sị dọ ọ tụ́.

Ahẹ Ụgama 20:7

Aza ẹnyị vi ene ee woo zị ka ẹnị ệ nyị ịkẹkẹ ịrẹkụ ọnịrị umaata Ama Ẹnẹyịmavara ana vị Ohomorihi ayị ẹ́ yị sị ayị tụra nị.

Ahẹ Ụgama 21:1

Ẹnẹyịmavara, ịnẹ ohinọyị ee hine kẹnẹ agụvị ka wâ sị ụkata yọ Ụ́ mẹ̀ mẹ ka ọ̀ nyị ehuna ọnịvị anị, dị aa jẹ kẹnẹ nị.

Ahẹ Ụgama 28:8

Ẹnẹyịmavara aa sị ụkataa yị aza anị nị, ọnị ọ dọ ohinọyị ọnị ọ̀ sị rị tụ́, dị ọ̀ yị zẹẹ ka à nyị ịsị ẹ kanyị ọ nị.

Ahẹ Ụgama 45:7

Ohinọyị wê sì ịrẹyị ịzẹyịza, ama we yi sì ebira odivi avọọ Ohomorihi awụ nyị wụ ka we huna avaba ọpa awụ ana vọ nị Dị ọ mẹ ka waa jẹ, dị ịnẹ awụ òo hine hu avaba ẹnịnị nị.

Ahẹ Ụgama 89:17

Ẹwaa sị ụbanyị ọnịrị ụkataa yị wa nị. Wê nyị yi iyi, dị ụ sị ụkata yị nị.

Ahẹ Ụgama 89:24

Ụ rẹ ka ụ vee sì ịrẹyị anị dị ụụ sị ayị yọ. Dị ụ rẹ mẹ ka ọ̀ nyị ẹbẹẹba ọnịvị anị.

Ahẹ Ụgama 89:25

Mị vaa mẹ ka ọ̀ vị ohinọyị tụ́ ịrẹsụ ẹtẹ ene hi ini òkū ọnịrị ẹtẹ ịzị okuha nịnị hi.

Ahẹ Ụgama 96:13

Ẹnịnị vavọọ vaa jị ahẹ kụ́ Ẹnẹyịmavara, agụvị ka aa vẹ dị ọ̀va mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị ana vọrọọ yị anẹhẹ ọnịrị aza nịnị.

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Ọyịkụra 15:6

Ẹnẹyịmavara, ụvọrị awụ ộ nyị ụkata ọnịrị ụbanyị, Ẹnẹyịmavara, ụvọrị awụ ụ sị gara ọnịvị awụ ha nị.

Ịrẹyị Ọzwọzịsa 11:9

Ẹwụ ọpa ozweyi, waa jẹ. Ụmẹ yị vị ozweyi aanị ayị awụ oo hine. Avaba ịsị ayị awụ oo sị kẹnẹ ọnị u si ka wàa mẹ, waa mẹ̀ ẹ. Ama tamayị ka ụ va naa ka enube avaba ịsị ụ waa mẹ yị Ohomorihi.

Ịrẹyị Ọzwọzịsa 12:14

Ohomorihi vaa mẹ̀ ọkarẹyị yị tụ ịrẹsụ avaba ịsị yaa mẹ, ịsị ị mẹ ịnị ewere, ọ̀ọ vị ọyịza, ọ̀ọ vị odivi.

Ayịsaya 29:6

Ẹnẹyịmavara Ochẹtẹẹngụ vaa mẹ ka apaana ihinẹba ọ̀ há, di ẹtẹ ò henyi jigijigi. Ẹtẹ vaa sụ́ ịrẹyị, di opomi aa tụ́ kukuku, dị ịra aa dà kẹnẹ. Dị ọ vavọọ vẹ dị ọ va dọ wụ tụ́.

Ayịsaya 32:1

Ẹkụhị aa vẹ ọnị ohinọyị ana vaa rị vaa mẹ̀ ebira ana vọrọ ka aa mẹ. Ịnị ụmẹ ọnọọ, avaba aza ana yà ịnị ịjọva vị ana vaa mẹ ịzẹyịza.

Ayịsaya 45:24

Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị.

Ezikẹẹrị 29:21

Ịjị ịrẹyị ọnọnị ọọ maanị sị mẹ, ọnị vaa sị ụkataa yị Anisirẹrị nịnị. Ọ kà ọnị vaa mẹ ka ọnị Ezikẹẹrị ọ̀ kà ịrẹyị ịzị avaba aza va nyẹngụụ wụ, agụvị ẹnịnị ẹ̀ yẹ ka ọnị ọ vị Ẹnẹyịmavara nị.

Imatiwu 25:34

Ịjọnọọ dị Ohinọyị kà a yị aza ene hi eyi ụvọrị anị ka: ‘Wa vẹ nịnị, ẹwụ nịnị ana Ada amị raà mẹ ka ò zé yị! Ngụ ịzị Ohomorihi yà aa mẹ ịjọva, oni o si tenyi tịtẹ wụ nịnị, ẹ́hẹ mè hụrẹ nyima.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Iruuku 1:69

Ọ raà sị Ọdọzaha ọbanyị ọnya hụrẹ ini ovwoovu Idevidi ozi ahụ anị yị yị.

Iruuku 19:27

Ama ọnịvị amị ẹnẹnị ana ka eni e yi sì ka ma vị ohinọyị ẹnịnị aanị, kụ́ wa vẹ ọ́vịdị amị ịzẹnị, dị ụ wa wụ̀ wa nịnị!’ ”

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Ọdọvịdị 5:31

Ẹnẹyịmavara ọ navọ ọ wụ̀ avaba ọnịvị anị nini ha, dị ọta awụ nịnị ẹ zẹtẹ anka ọyị òo nyima aa ha avọọ. Ẹtẹ ô vene hi ahị ịrayị ẹbẹẹva.

1 Ịsamụwẹrị 12:13

“Re, Ohinọyị ọnị ụ nyị nịnị yị. Ẹwụnị o họ̀ use, dị Ẹnẹyịmavara vaa sị ọ yị wụ nịnị.

1 Ịsamụwẹrị 12:17

Wáā yẹ ka ịnị ọhahị yị. Mị vaa mẹ̀ aduwa ka Ẹnẹyịmavara ọ̀ ha apaana ihinẹba, di ọ̀ zụ̀ orihi. Ọnọọ vaa mẹ ka wa yẹ nịnị ka ụ nyayịnẹ rị ịvị Ẹnẹyịmavara ụ̀ụ mẹẹ họ̀ ọ use ka ọ sị ohinọyị yị awụ nịnị.”

1 Ịsamụwẹrị 12:18

Ịzẹyịza dị Ịsamụwẹrị na owu na za Ẹnẹyịmavara, dị ọ mẹ ka apaana ihinẹba ọ̀ ha, di orihi zụ̀ ịnị ịhị ọnọọ gẹdẹ-gẹdẹ nị. Dị aza ẹnẹẹ kụkụ jẹẹ, dị angwa Ẹnẹyịmavara ọnịrị Ịsamụwẹrị kuku ee hí wa nị.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 15:28

Dị Ịsamụwẹrị kà a yọ dị ọ ka, “Hụrẹ ẹhụrẹhụ ajịnị, Ẹnẹyịmavara ọ raà hụrẹ wụ kwooze hụnị ohinọyị Anisirẹrị yị ọnọhụva awụ ana dahi huna wụ ka ọ̀ kụkụ vị ohinọyị.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 7:10

Ụmẹ ọnị Ịsamụwẹrị aa sịị mẹ̀ ịsọvọ ọnọọ, di Anihwirisiti aa kà a pè Anisirẹrị ka ẹnị ẹ̀ na gẹ ịrẹkụ nị. Ẹ́ mẹ̀ vavọọ aa na kẹnẹ, dị Ẹnẹyịmavara há apaana ihinẹba kú wa pàra nị. Apaana ọnọọ ộ mẹ̀ ka ngwa ò hi Anihwirisiti nịnị ẹtẹẹtẹrẹ, dị ẹ và hi, di eyee zwe nị.