1 Ịsamụwẹrị 19:5 - IWE ỌNỊNỊ

⁵ Dị ọ rẹ ka, “Idevidi vị ana sị ịrẹsụ tụ́ isu dị ọ na wụ Igorayati Anihwirisiti. Ọ kà Ịsọọrụ ô re e Ẹnẹyịmavara mẹ ka Anisirẹrị è huna ọnịvị ẹnịnị, dị ọnị ụvọta hyakụ aa jẹ nị.” Di Ijonatani rẹ ka, “Wàa wụ Idevidi dị wa yẹ ka ebira odivi ụ mẹ nị agụvị ka ẹ yị nyị ịsị ọ mẹ.”

1 Ịsamụwẹrị 19:5 ပူးပေါင်းရင်းမြစ်များ

2 Ịsamụwẹrị 23:10

Ama di Eriyaza nyayịnẹ wụ̀ Anihwirisiti nịnị ha nị. Ộ wụ̀ wa pooro, dị ụvọ anị kata, dị ọ kụkụ aa za ọza ìrèrè vaka ụhwọ anị nị. Ịhị ọnọọ Ẹnẹyịmavara ộ dọ Anisirẹrị ha ẹnẹmẹhị. Di Anisirẹrị nịnị vavẹ ve tù Eriyaza, dị ahịka ẹnya ịrẹkụ kẹnẹ ẹ kụkụ ngwa hụụnị ẹngụ oku ẹnẹẹ nị.

1 Ịtọpa 11:14

Ama dị ọnịrị aza anị jẹẹ ịnị akakana aarẹ ọnọọ, dị o pe Anihwirisiti nịnị kụ ịrẹkụ nị; dị Ẹnẹyịmavara mẹ ka è huna Anihwirisiti nịnị ẹtẹẹtẹrẹ nị.

1 Ịtọpa 11:18

Dị ẹnị isoja ọkọọka ẹyịta ẹnịnị sị ụkata-ụkata ha udi Anihwirisiti nịnị ịnẹ na parahu, dị ẹ dà enyi hụụnị ịkangga ọnọọ va yị Idevidi nị. Ama Idevidi ô yi ka oni e yi hú; dị ọ sị mẹ̀ ịsọvọ yị Ẹnẹyịmavara, dị ọ và a hi ẹtẹ nị.

Ahẹ Ụgama 109:5

Màa mẹ wa ọyịza, dị ẹ sị ịsa odivi si mị atọ. Mê sì ịrẹyị ẹnịnị, ama dị ẹnị aa nyị ịhyẹrẹ amị nị.

Ahẹ Ụgama 119:109

Ụmẹ tụra ụmẹ mịị sịị sị ịrẹsụụ tụ isu nị, ama me yi ree hí ayị ọda ọnị ụ mẹ.

Ahẹ Ụgama 25:3

Mâ yẹ ka aza ana àa sị ayị tụra wụ, ụhị ọ yị vaa nyị wa Ama aza ene re ọza kẹnẹ dị ẹ yaa chamayịị yọ vị ọnị ụhị vaa nyị.

Ahẹ Ụgama 69:4

Aza ana aa kụ́ ayị amị ọọhẹ kẹnẹ ệ hyakụ rụrụ huna ẹyị ịrẹsụ amị. Ọnịvị amị ene ee sì ka ẹnị ẹ wụ̀ mị ệ rụrụ ẹnẹmẹhị vị ka vị a nyị m mẹ̀ ka yị wa nị. Ịsị mè yi yi, ệ sị ụkata za mị ka ma sị ọ vẹ.

Ahẹ Ụgama 94:21

Ệ va iruvo bẹ ẹ yaa gẹ eyi aza ana aa mẹ̀ ebira ana vọrọ, ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ ka à na wụ ọ.

Ọyịkụra 14:13

Di Imosiisi tụ́ aza ẹnẹẹ ohi dị ọ ka, “Asị u hí angwa nịnị. Ọzọza ò tenyi ẹngụ anị jẹẹ ka u vee re Ẹnẹyịmavara mẹ̀ vaa dọ yịị tụ́ ajịnị. Anijipiti ọnị ụ maanị ee re nịnị aanị, we mē vene re wa nịnị.

Ijeremaya 26:15

Ọ kà, ama ẹnịnị ẹ̀ yẹ ọsọnị ka, ẹnịnị ẹ̀ẹ wụ ọnị ẹnịrị avaba Anijerusarẹmị vaa rị ịvị ka ẹnị ệ wụ̀ ọza ẹnẹ ẹ̀ yị nyị ịsị ọ mẹ. Ẹnẹyịmavara ọ ka ọnị ọ̀ va maanị kà wa ọnọ nị.

Imatiwu 27:24

Ịjị Ipayireti re ka ẹ yị nyị ịsị ọnị zụ mẹ, ka ịrazị hyakụ aa vaa chị, dị ọ sị enyi, dị ọ sị nyịna ụvọ anị éyi avaba aza nị, dị ọ ka, “Ẹ yị nyị ụvọ amị rị tụ́ ịnị iswọọza ẹnẹ ẹ̀ yị nyị ịsị ọ mẹ aanị, oo! Ịrẹyị awụ nịnị ọ vị nị.”

Imatiwu 27:4

Dị ọ ka, “Ma sị ịvị mẹ, agụvị ka mâ sị ọza ẹnẹ ẹ̀ yị nyị ịsị ọ mẹ chire ọnịvị ụvọ ka ẹ̀ wụ̀ ọọ.” Dị ẹnịnị tụ́ ohi, dị ẹ ka, “Ịzị ọnọọ gẹ ẹyịrị ẹwụ? Áawụ ọ́nọọ kụkụ vị nọ!”

Ịjọọnụ 15:25

Ama â nyị ka ịrẹyị ana a chẹrẹ tụ́ ini iwe ọda ẹnịnị, ọ̀ zụ sẹ. Â vịdị chẹrẹ ẹ ka: ‘Ẹyaa nyị ịhyẹrẹ amị kẹnẹ-kẹnẹ.’

Odeyi 20:24

Mẹ yị za ụhwẹ amị tụ́ ịnị ịsọnyị-ịsọnyị, agụvị dị ma zụ zị ụtụ amị ta, dị ma mẹ̀ ụkọrọ oni Ijeesu Ananyị yị sị mị ka ma mẹ. Ụkọrọ ọnọọ ọ vị ka maa kà enube ọyịza ka Ohomorihiī mẹ ọyịzaa yị ọza.

Anihwiripi 2:30

Ọ sị vọ chee ò wusu agụvị ụkọrọ Ikirisiti kẹnẹ. Ộ sị ịrẹsụ tụ́ isu, agụvị ọ̀ nyẹngụ mẹ ọgụvọ ọnị ụ yaanị mẹ yị mị nịnị.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Ọdọvịdị 12:3

Ọ rẹ ka, ịjị ọnị sị yẹ ka ẹyị nyị ọza anaa va dọ ọnị hụrẹ wa ụvọ, dị ọnị sị ịrẹsụ tu isu dị ọnị jịnẹ tụ akẹnẹ dị ọnị gẹrị Anamọnị nịnị nị, dị Ẹnẹyịmavara va mẹ ka ọnị ọ nyị ẹbẹẹba ẹnịnị nị. Dị ọ họ̀ wa ka sị ẹ vị iruvo ẹnị ẹ sị kụ ịraazị ve tu ọnị booro aanị?

Ọdọvịdị 9:17

Dị ọ ka ẹnịnị ẹ́ẹ́ tamayị ka ada anị ộ sị ịrẹsụ tụ isu kụ ịrẹkụ ọnị ọ sị dọ wa tịtẹ hụrẹ ụvọ Animidiya nịnị?

1 Ịsamụwẹrị 11:13

Dị Ịsọọrụ ka asị a nyị ọza ana a wụ̀ ajịnị, agụvị ka ajịnị Ẹnẹyịmavara dọ Anisirẹrị tụ́ nị.

1 Ịsamụwẹrị 14:45

Dị aza ẹnẹẹ va kà a yị Ịsọọrụ dị ẹ ka, “Ụ wáá vị ana aa vaa kà a ka à wụ Ijonatani nị? Wáá yẹ ka ọnị ọ maanị dọ Anisirẹrị tụ́ aanị nị? Ireche yọ nị, oo! Ẹnẹyịmavara ọ̀ọ vị ọnya, ẹ yị nyị ịsị a nyayịnẹ sị mẹ Ijonatani. Yâ yẹ ka Ohomorihi ọ gụ ọ ụvọ ka ọ maanị mẹ ajịnị aanị nị.” Avọọ aza ẹnẹẹ mẹ̀ mẹ dị ẹ dọ Ijonatani tụ́ dị ọza ọ̀ yị rẹ vaa wụ̀ ọ nị.

1 Ịsamụwẹrị 19:6

Ịsọọrụ ộ wụ́ ịrẹyị Ijonatani, dị ọ sị Ẹnẹyịmavara hị́ eku ka ọnị ọ yị vaa wụ̀ Idevidi nị.

1 Ịsamụwẹrị 20:32

Di Ijonatani rẹ tụ́ Ịsọọrụ ada anị ohi dị ọ ka, “Sị ẹ vẹ dị ụ ka waa wụ ọ? Sị ọ mẹ wụ?”

1 Ịsamụwẹrị 22:14

Di Ahimẹrẹkị tụ́ ohi dị ọ ka, “Taarụ, wâ yẹ ka ịnị avaba ezi ahụ awụ ẹ yị nyị ọza ana nyị ebira tù Idevidi. Idevidi vị ọyẹ ẹwụ, dị ahịka ọnị ọ vị ọga isoja ene ee sere wu nị. Avaba aneehi awụ vị ana nyayịnẹ sị ụbanyị yọ.

1 Ịsamụwẹrị 28:21

Ọnẹẹ ọnọọ mè ve tù Ịsọọrụ, di o ve tù ka ẹgahị ọ sị ngụ ọ ẹngụ, dị ọ ka, “Taarụ, wâ yẹ ka mị sị ịrẹsụ tụ́ isu dị mị zị ụtụ ọnị ụ tụ́ mị nị.