1 Ịsamụwẹrị 19:23 - IWE ỌNỊNỊ

²³ Dị Ịsọọrụ si hu aa nọ Inayoti ịnị ẹtẹ Iraama nị. Ọ màa na ózee, dị ụhwẹ Ohomorihi rẹ ngụ ọnị ẹngụ dị ọnị ịnyẹmba ọnị raa ka ị́sẹ pooro, dị ọ va na ngụ Inayoti nị.

1 Ịsamụwẹrị 19:23 ပူးပေါင်းရင်းမြစ်များ

Ụhịrẹyị 16:9

Ọyịkà vị ọza, ọyịmẹ̀ vị Ẹnẹyịmavara.

Ụhịrẹyị 21:1

Ayị ohinọyị sị mẹ anka okuha ịnị ụvọ Ẹnẹyịmavara avọọ nị. Ịzị o zee eyi kẹnẹ ọ vaa ịrẹsụ ka nị.

Ịrịka 23:5

Dị Ẹnẹyịmavara kà yị Ịbaraamị ịsị ọ vaa ka yị Ịbarakị, dị ọ ka ò nee tu ọ nị.

Ịrịka 24:2

Ịzọọ ọ yaa re Anisirẹrị nịnị mẹmẹ sị ịrẹsụ-ịrẹsụ jị ajẹngụ ẹnịnị okooro-okooro nị. Dị Ụhwẹ Ohomorihi vana dọ ọ ayị,

Imatiwu 7:22

Aza ọrụrụ-ọrụrụ ẹ vaa kà a mị ịhị ọnọọ nị ka: ‘Ananyị yị, Ananyị yị.’ Wẹ yị yẹ ka ịị̄ sị ịrẹha awụụ kà ịsẹẹ? Wẹ yị kụkụ yẹ ka yâ sị ịrẹha awụ dụ ụhwẹ echu jịnẹẹ?

Ịjọọnụ 11:51

Ẹ yị vị ọnịrị eyi anị ọ kà ịrẹyị ọnọnị. Ọnị ọ vị ohirẹsụ ọbanyị irehi Ohomorihi ịrayị ọnọọ nị; agụvị avọọ aa kà ịsẹ ka Ijeesu vee súu yị avaba anẹkụra nị.

1 Anịkọrịntị 13:2

Òo zee eyi ma nyị ụkata dị ma zụụ kà ịsẹ, dị ma rẹ yẹ avaba ịsa oni iruvo anị nyịnẹ, ọnịrị avaba ịsa ana vọ, màa daka rẹ nyị ẹdọwụ ọnị mị zụ si zina ataba, ama mè yi sì ịrẹyị ọza, osusu kẹnẹ-kẹnẹ mị vị nị.

1 Ịsamụwẹrị 10:10

Ịsọọrụ ọnịrị ozida ọnị ọnịrịị zị mẹ̀ na sị ngụ Igibiya, dị a nyị ọnịsẹ ẹnyị aanị ana wara aa vẹ, dị ẹ va gẹrị wa nị. Ịzẹyịza dị Ụhwẹ Ohomorihi dọ avaba ayị Ịsọọrụ, dị ọ sị ụkata yọ nị. Dị Ịsọọrụ ọnị rẹ na vaka ọnịsẹ ẹnẹẹ di e dudu aa kà ịsẹ nị.

1 Ịsamụwẹrị 10:12

Dị ọza ịnya ana vị anịzọọ ọnị rẹ ka, “Ẹnẹ vị ana vị ada ẹsẹnị kẹ?” Ịrẹyị Ịsọọrụ ọnọọ ọ mẹ ka à kụkụ sịị kà ịrẹyị ka, “Vị Ịsọọrụ ọnị raa kà ịsẹ bẹẹ nịị?”

1 Ịsamụwẹrị 10:6

Di Ịsamụwẹrị rẹ ka ịjọnọọ Ẹnẹyịmavara vaa tụ́ Ụhwẹ anị dị ọ na ngụ ịnị Ịsọọrụ, dị ọ mẹ ka Ịsọọrụ ọ̀ nyị ụkata, dị ọnịrị ọnịsẹ ẹnẹẹ kụkụ aa kà ịsẹ. Ịsamụwẹrị ka Ohomorihi vaa mẹ ka Ịsọọrụ ọ̀ vara, dị ọ vị ọza irenyi.

1 Ịsamụwẹrị 18:10

Eyinẹhẹ anị di Ohomorihi tụ́ ka ụhwẹ odivi ò chi kụ́ Ịsọọrụ ịrẹsụ nị. Dị Ịsọọrụ aa mẹ anka onuvu avọọ ngụ ini eehi zị nị. Idevidi oni vi ene ee hú agidibo anka ọ mẹ̀ mịị mẹ eyinị-eyinị. Ịsọọrụ vị ana sị ọha rị ụvọ dị ọ vavọọ aa mẹ ngụ ini eehi zị.

1 Ịsamụwẹrị 19:18

Idevidi o si zwe, dị ọ na ngụ ịda Ịsamụwẹrị Iraama nị. O mè tù ịzọọ, dị ọ kà a yị Ịsamụwẹrị avaba ịsa ọnị Ịsọọrụ mẹ̀ ẹ nị. Dị ọnịrị Ịsamụwẹrị si hu, dị ẹ na yà Inayoti nị.

1 Ịsamụwẹrị 19:20

Dị Ịsọọrụ tụ́ ka à na za a vẹ nị. Ọnịtụ ẹnẹẹ ê re ka anyị ọnịsẹ ẹnyị aanị ana aa kà ịsẹ, dị Ịsamụwẹrị ọga ẹnịnị jẹẹ pè wa nị. Ọnịtụ Ịsọọrụ mẹ̀ vavọọ re wa, dị ụhwẹ Ohomorihi ngụ wa ẹngụ, dị ẹnị rẹ kụkụ aa kà ịsẹ nị.

1 Ịsamụwẹrị 19:22

Dị Ịsọọrụ ọnị ụvọta si hu aa nọ Iraama nị, dị ọ nọ ịnị ịkangga ọbanyị ana yà Iseku nị. O mè tù ịzọọ di o họ̀ use ka ịzị Ịsamụwẹrị ọnịrị Idevidi yà nị. Dị a kà a yọ ka ẹnịnị hi Inayoti ịnị ẹtẹ Iraama.