1 Ịsamụwẹrị 19:10 - IWE ỌNỊNỊ

¹⁰ Dị Ịsọọrụ ka ọnị ọ̀ gụ ọha chire Idevidi na za ugene nị. Di Idevidi maanị ya yẹ dị ahịka ugene ọha anị va na za nị. Ịrahụ ịhị ọnọọ, di Idevidi si zwe nị.

1 Ịsamụwẹrị 19:10 ပူးပေါင်းရင်းမြစ်များ

Ahẹ Ụgama 124:7

Ya sị tụ̀ anka inomi ọnị ịrẹpa za mẹ̀ tụ̀ avọọ. Ịrẹpa ọnị ọnịvị ayị và zi yi o si che, ya sị tụ̀.

Ahẹ Ụgama 18:17

Ọnịvị amị ệ nyị ụkata hu mị, mẹ yị zụ za wa Ama Ohomorihi ọ raà dọ mị hụrẹ wa ụvọ.

Ahẹ Ụgama 34:19

Aza ana aa mẹ̀ ebira ana vọrọ ini eyi Ohomorihi ẹ nyẹngụ nyị ẹngụkata irenyi-irenyi ama Ẹnẹyịmavara vị ana aa tụ̀ wa hụụnị avaba anị.

Ahẹ Ụgama 37:32

Aza edivi vị ana aa vaka di e yee bè ọnịzẹyịza ka ẹnị ẹ̀ wụ ọ.

Ụhịrẹyị 1:16

Ẹngụ vị anaā hụ ọyị mẹ̀ ebira odivi. Eyiha-eyiha ẹẹ̄ sị dọ ọza ụhwẹ nị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ayịsaya 54:17

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Iruuku 4:30

Ama di Ijeesu zị oze ịnị akakana ẹnịnị, di o si hu aa na nị.

Ịjọọnụ 10:39

Di e re yee sì ka ẹnị ẹ̀ za Ijeesu nị, ama dị ọ sị tụ̀ wa ụvọ nị.

Anihiburu 11:34

Aza ẹnyị ẹnịnị ệ mẹ ka ịra ana aa za giri-giri, ò mi. Aza ẹnyị ẹ rẹ há hụrẹ ụvọ aza ana ka ẹnị aa wụ̀ wa. Aza ẹnyị ana vịdị vị ọkụmị, ẹ sị ụkata nyị. Ẹ sị vara ọkụrẹkụ ana nyị ụkata. Ẹnịnị kụkụ aa dụ isoja nịnị anẹkụra ọsa.

1 Ịsamụwẹrị 18:10

Eyinẹhẹ anị di Ohomorihi tụ́ ka ụhwẹ odivi ò chi kụ́ Ịsọọrụ ịrẹsụ nị. Dị Ịsọọrụ aa mẹ anka onuvu avọọ ngụ ini eehi zị nị. Idevidi oni vi ene ee hú agidibo anka ọ mẹ̀ mịị mẹ eyinị-eyinị. Ịsọọrụ vị ana sị ọha rị ụvọ dị ọ vavọọ aa mẹ ngụ ini eehi zị.

1 Ịsamụwẹrị 18:11

Di o ne ọha ọnọọ ụpẹ ẹẹva ka ọnị ò gu ọ chire Idevidi na za ugene nị. Di Idevidi hụrẹ oze yọ ịnị ụpẹ ẹyịva ẹnẹẹ nị.

1 Ịsamụwẹrị 19:6

Ịsọọrụ ộ wụ́ ịrẹyị Ijonatani, dị ọ sị Ẹnẹyịmavara hị́ eku ka ọnị ọ yị vaa wụ̀ Idevidi nị.

1 Ịsamụwẹrị 20:33

Dị Ịsọọrụ ne ọha ana yarị ọ ka ọnị ọ̀ gu ọ chire Ijonatani nị. Di Ijonatani sị yẹ ka ịzẹyịza ada anị ọ sị ẹngụ tenyi ka ọnị ọ wụ Idevidi nị.