1 Ịsamụwẹrị 18:8 - IWE ỌNỊNỊ

⁸ Ahẹ ọnọọ ộ kụ́ Ịsọọrụ ayị ẹtẹẹtẹrẹ, dị ọ ka, “A ka Idevidi ộ wụ̀ aza otomiroku, dị ahịka aza ẹnị akahị kẹnẹ a ka ẹmaa wụ nị. Ịsị ẹ vọ kẹnẹ ọ vị ka ọza ọ yị hị́ ọ ohinọyị nị.”

1 Ịsamụwẹrị 18:8 ပူးပေါင်းရင်းမြစ်များ

Oyinyima 37:11

Ẹnẹbẹnị Ijosẹẹhụ kuku ee pè e kụ̀ ụhị, ama dị ada anị sị ịrẹyị ọnọọ tụ́ ịnị ayị, di ee ro o nị.

Oyinyima 37:8

Dị ẹnẹbẹnị anị nịnị ka: Ịzẹyịza óō ka ọnị vaa vị ohinọyị ẹnịnị nị? Ẹ ka a vị ọnị a vaa vị ọdọvịdị ẹnịnị aanị nị? Ụra ọnị ọ maanị ra dị ọ kà a yị wa aanị, dị ẹ dà ụvọ tụ́ ịnị ụvọ dị ẹ yaa kụ́ ayị anịị hu avọọ nị.

1 Ohinọyị 2:22

Di Isoromọnị ohinọyị tụ́ ọnyị anị ohi dị ọ ka, “Ho, si ẹ vẹ dị ahịka Abisagi Anisunami kẹnẹ ụ ka à sị yị Adonija nị? Wẹ rẹ kụkụ kà a ka à sị ohinọyịị yọ dị ọ̀ rị ọ; wáá yẹ ka ọnị ọ vị ọzọkụ mị nị? Ẹ yị vị ọnọọ kẹnẹ, wa rẹ yẹ ka Abiyata ana vi ohirẹsụ irehi Ohomorihi ọnịrị Ijowabi ozi Izeruya vị ana sị ọtụ kà a ịrẹma.”

Ẹsịta 3:5

Ịjị Ịhamanị re ka ịzẹyịza Imodekaya e yi sì ka ọnị ọ̀ và kú ẹtẹ yị ọnị, dị ayị anị aa dà ọva ẹtẹẹtẹrẹ nị.

Ụhịrẹyị 13:10

Ẹngụ ọ yị sị tụ ẹba vị ana kụ ẹngụkata hị́ ẹtẹ ama ọnịrẹyọyẹ vị ene họ̀ use ajuwe.

Ụhịrẹyị 27:4

Ọza anaā kụ ayị óo divi, ama ọza anaā kụ́ ụhị o divi hu nị.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ịrịka 11:1

Ẹ yị nyịnyịnyị, dị aza nyima aa rị uhuhu hi Ẹnẹyịmavara agụvị ẹngụkata ene tu wa nị. Ẹnẹyịmavara mẹ wụ̀ ọ, dị ayị kụ ọ hi wa, dị ọ sị ịra aa rị ụtụụtọ ajẹngụ ẹnịnị ne hu nị.

Ịrịka 22:34

Dị Ịbaraamị tụ́ ọ ohi ka, ọnị o nyeeyi. Ọnị ẹ yị yẹ ka anggẹẹrị jẹẹ oze ka asị ọnị re oze na. Òo re e ka ịsa ọnị aa mẹ̀ ẹ yị vọrọ, ọnị aa va ne eehi anị avọọ ne.

Ijemiisi 4:5

U wéé ro ka ịrẹyị kẹnẹ-kẹnẹ Iwe Ohomorihi aa kà nị, ịjị ọ kà a ka: Ụhwẹ Ọnịnị oni Ohomorihi sị tụ́ ịnị ayị awụ nịnị vị anaā kụ̀ ụhị?

1 Ịsamụwẹrị 13:14

Ama ẹ yị vị ẹwụ ọ kụkụ vaa rị ohinọyị Anisirẹrị pooro nị. Ụ wẹ̀ yị mẹ̀ zẹẹ ka wa sị eyi pe ọda Ẹnẹyịmavara, o reè sì ọza ẹnẹsa ana vaa mẹ ẹngụ ịsa oni o sì. Ọza ọnọọ Ẹnẹyịmavara kụkụ nyị ka ọ̀ vị ọdọvịdị aza anị nị.”

1 Ịsamụwẹrị 15:28

Dị Ịsamụwẹrị kà a yọ dị ọ ka, “Hụrẹ ẹhụrẹhụ ajịnị, Ẹnẹyịmavara ọ raà hụrẹ wụ kwooze hụnị ohinọyị Anisirẹrị yị ọnọhụva awụ ana dahi huna wụ ka ọ̀ kụkụ vị ohinọyị.

1 Ịsamụwẹrị 16:13

Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.

1 Ịsamụwẹrị 18:9

Hụrẹ ụmẹ ọnọọ Ịsọọrụ vana hụrẹ nyima di ee pè Idevidii kụ́ ụhị nị.

1 Ịsamụwẹrị 19:1

Ịsọọrụ ộ hị́ ozi anị Ijonatani ọnịrị avaba ezi ahụ anị dị ọ ka ẹnịnị ẹ̀ wụ Idevidi nị. Ama Ijonatani oni ô sì ịrẹyị Idevidi ẹtẹẹtẹrẹ.

1 Ịsamụwẹrị 20:31

Wáá yẹ ka ozi Ijeese ọ̀ọ yị yà ẹhẹ, wẹ yị va zụụ nyị ahụụ hi ẹtẹ, wẹ yị rẹ va zụụ rị ohinọyị. Tụ́ ne sị ọ va mị booro aanị dị ma wụ̀ ọ.”