1 Ịsamụwẹrị 18:6 - IWE ỌNỊNỊ

⁶ Idevidi mẹ̀ si Anihwirisiti ọnọọ wụ dị ọnịrị Isoja nịnị aa vaa vẹ, dị anyẹnẹẹ jịnẹ hi ẹhẹ hụụnị avaba ẹkụra Anisirẹrị dị ẹ yaa jị ahẹ, dị ẹ yaa nyị ẹzẹ ẹ naa na gẹrị Ịsọọrụ ana vị ohinọyị nị. Di eyee hú ọkangga ọnịrị àgidibò, dị ẹ yaa jẹ nị.

1 Ịsamụwẹrị 18:6 ပူးပေါင်းရင်းမြစ်များ

2 Ịsamụwẹrị 1:20

Asị a zẹẹ ka à wụ ọ Igati Asị eyi ha ọza na kà a ịnị ubooro Asikeroni oo! Wàa kà a di ezi anẹẹ Anihwirisiti wụ́ nị vị ẹ vaa jẹ nị. Mị ka ezi anẹẹ anị ẹẹ mẹ kẹnẹ-kẹnẹ nị, ẹ̀ẹ wụ vị ẹ yaa jẹ nọ!

2 Ịsamụwẹrị 6:5

Di Idevidi ọnịrị avaba Anisirẹrị ana vọ aa sị avaba ẹngụ ẹnịnịị nyị ẹzẹ, dị ẹ yaa mẹ aahẹ, dị ẹ yaa jị ahẹ dị ẹ yaa sịị sị ụbanyịị yị Ẹnẹyịmavara nị. Ẹ́ mẹ̀ vavọọ aa mẹ aahẹ, di eyee hú ágidibo irenyi-irenyi ọnịrị ịchacha anaā sụ́ ịrẹyị ne beri enyusẹ anaā sụ́ ịrẹyị nị.

Ahẹ Ụgama 149:3

Wee hú ọkangga ọnịrị àgidibò, dị waa nyị ẹzẹ dị waa kụ́ ọ avọ nịnị.

Ahẹ Ụgama 68:11

Ananyị yị ọ sị ịrẹyị kà, di Ohomorihi anyẹnẹẹ kụkụ aa kà ana nị

Ahẹ Ụgama 68:25

Aza ana aa jị ahẹ vị ene tu ọvịdị, dị ọnọkangga aa dụ wa ịrẹma nị. Anyẹnẹẹ ene ee hú ọkangga vị ana rẹ yà ịnị onisohu ẹnẹẹ.

Ọyịkụra 15:20

Di Imeriyamị ana vị ọnịsẹ ana vị onyeyiza Imosiisi sị ọpanyị ana sịị̄ jị ahẹ nị; ụvọ dị ẹ yaa dụ ọ ịrẹma dị ẹ yaa nyị ẹzẹ nị.

Ọyịkụra 15:21

Di Imeriyamị aa jị ahẹ yị wa dị ọ ka, “Waa jị ahẹ gono Ẹnẹyịmavara agụvị ka ọ sị ọnịvị anị hú ẹtẹ. Ọnọọ ọ sị zụ̀ ka ộ nyị ụbanyị. Umaata ọnịrị onumaata vị ọnị ọ tụ ụvọ và hi ini òkū.”

Ayịsaya 30:32

Ịjị Ẹnẹyịmavara ọ̀ọ vavọọ ee tụ́ Anasiriya, dị aza anị ẹnị ee hú ịsa, dị ẹ yaa nyị ẹzẹ. Ohomorihi ọnị ụvọta ọ vaa tana ụvọọ za Anasiriya nị.

Ọdọvịdị 11:34

Ịjị Ịjẹhwịta varẹma aa vẹ eehi anị Imizipa, dị ozi ọnẹẹ anị zwe va gẹrị ọ, dị e hu ịsa, dị a nyị ẹzẹ nị. Avọọ Ịjẹhwịta mẹ yị ma ozi ọnẹẹ ọnọọ ikonya nị. Ẹ yị ma ozi ọnọrụ àvị ọnẹẹ ọsa vaka a.

1 Ịsamụwẹrị 18:5

Avaba ịsị Ịsọọrụ ọ̀ọ ka Idevidi ọ̀ mẹ, avọọ ọ màa yịị mẹ̀ ẹ nị. Idevidi ộ yẹ ịrẹyị ẹtẹẹtẹrẹ agụvị avọọ dị Ịsọọrụ sị ọ mẹ ọga isoja anị nị. Avaba aza ệ dọ ka Idevidi a vọrọ ka ọ̀ vị ọga nị. Isoja Ịsọọrụ nyẹmba ệ dọ ka Idevidi avọrọ ka à sị mẹ ọga nị.