1 Ịsamụwẹrị 18:5 - IWE ỌNỊNỊ

⁵ Avaba ịsị Ịsọọrụ ọ̀ọ ka Idevidi ọ̀ mẹ, avọọ ọ màa yịị mẹ̀ ẹ nị. Idevidi ộ yẹ ịrẹyị ẹtẹẹtẹrẹ agụvị avọọ dị Ịsọọrụ sị ọ mẹ ọga isoja anị nị. Avaba aza ệ dọ ka Idevidi a vọrọ ka ọ̀ vị ọga nị. Isoja Ịsọọrụ nyẹmba ệ dọ ka Idevidi avọrọ ka à sị mẹ ọga nị.

1 Ịsamụwẹrị 18:5 ပူးပေါင်းရင်းမြစ်များ

Oyinyima 39:23

Ọga aza ana a sị si eyi pè ẹngwa ẹ yị kụkụ sị eyi nọ ịnị ịsa ana a raà sị chire Ijosẹẹhụ ụvọ. Ê re ka Ẹnẹyịmavara vị ana jẹẹ ịrẹma Ijosẹẹhụ. Avaba ịsị Ijosẹẹhụ ọ̀ọ mẹ vị ẹnẹ a mẹ ka ò zoza.

2 Ịsamụwẹrị 5:10

Idevidi vị ana a yịị nyị ụkataa hu avọọ agụvị ka Ẹnẹyịmavara ana vị Ohomorihi Ochẹtẹẹngụ vị ana jẹẹ ịrẹma anị.

2 Ịsamụwẹrị 5:2

Ịyẹẹyẹ Ịsọọrụ mẹ̀ vịdị vị ohinọyị ayị, ẹwaā kụ́ Anisirẹrị nọ ịrẹkụ nị. Ẹnẹyịmavara ọ sị ọ kà ka ẹwa vaa tẹsị aza anị ana vị Anisirẹrị nị. Ọ rẹ ka ẹwa vaa vị ohinọyị ẹnịnị nị.”

2 Ịtọpa 17:3

Ẹnẹyịmavara ộ mẹ̀ ka o zee yi Ijehosahwati agụvị ka ộ hama ebira ọnị ada anị vịdị mẹ ịjịjọọ. Ama ẹ yị hẹkẹ ori Ịbaarị.

Ahẹ Ụgama 1:3

Ọza ana vavọọ aa mẹ̀ ebira ẹtẹẹrẹ, vị ọnị ẹngụ anị vee hunẹnẹ pooro. Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha, anaā tụ ẹtụtụ anị ịnị ụmẹ anị, avị anị ẹ yị maa wọ̀rọ̀. Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ vị ene ee zozaa yọ.

Ahẹ Ụgama 101:2

Mị vaa sị ụvọọ za ẹngụ amị, di me re ka mẹ yị mẹ̀ ebira ana a vaa sị tụ́ mị ohuvọ. Ịhị waa naa vẹ ịda amị? Mẹ yị vaa zẹẹ ka ma mẹ̀ ebira ana a vaa sị tụ́ mị ohuvọ ini eehi amị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Odeyi 7:10

dị ọ dọ ọ tụ́ hụụnị avaba ụyọrị anị nị. Ohomorihi ộ sị ịrẹyọyẹ yị Ijosẹẹhụ, ộ mẹ̀ ka Ihwarawo, ọnị ọ vị ka ohinọyị Anijipiti ò sì ịrẹyị anị. Dị Ihwarawo sị Ijosẹẹhụ mẹ ọga Anijipiti ọnịrị avaba irehi anị nị.

Anẹhwẹsọsị 5:17

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

Anikorasi 4:5

Yẹ, ụ mẹmẹẹ sị ịrẹyọyẹẹ mẹ ebiraa hi aza ẹnẹ ẹ̀ yị vị ọdọwụ. Re ka we yi du ụmẹ ha nịnị.

Ọdọvịdị 1:19

Ẹnẹyịmavara ộ jẹẹ isoja Anijuda nịnị ịrẹma, dị ẹ dọ ẹtẹ ẹkụra ene hi ịrẹsụ ataba nị. Ama ẹnịnị ẹ yị rẹ va zụ dụ aza ana ra inoze agụvị ka ẹnịnị ẹ nyị ịkẹkẹ ịrẹkụ enyusẹ.

1 Ịsamụwẹrị 13:2

Dị Ịsọọrụ nyị anọrụ Anisirẹrị ẹnị akawụ rị akahị. Ộ kụ́ ẹnị akawụ pè ẹngụ tụ́ ẹkụra anaā hị́ Imikimasi ịnị ẹtẹ Ịbẹtẹrị ana yà ịnị ataba. Dị ọ navọ aza ẹnị akahị pè Ijonatani tụ́ Igibeya ịnị ẹtẹ Ịbẹnjamịnị nị. Dị Ịsọọrụ ka aza ana vọ ẹ̀ẹ nọ eehi ẹnịnị nị.

1 Ịsamụwẹrị 14:52

Ịsọọrụ mẹ̀ yà ẹhẹ, ọnịrị Anihwirisiti vị ana aa kụ́ ịrẹkụ pooro kẹnẹ. Ọza tụra ọza ọnị Ịsọọrụ òo re ka ayị anị ộ vị, dị ọ zụ kụ̀ ịrẹkụ nị, dị ọ za a tụ́ ini isoja anị.

1 Ịsamụwẹrị 18:16

Avaba Anisirẹrị ọnịrị Ijuda vi ene sì ịrẹyị Idevidi agụvị ka ọnịrị wa aa zịị nọ ịrẹkụ nị.

1 Ịsamụwẹrị 18:30

Ọga isoja Anihwirisiti nịnị vị ana aa jịnẹẹ tụ́ ẹhẹ pooro ka ẹnị ẹ̀ na kụ̀ ịrẹkụ, ama dị ahịka Idevidi aa kụ̀ ịrẹkụ ẹtẹẹrẹ huna isoja Ịsọọrụ ana vọ nị. Dị ịrẹha Idevidi aa ngụ ịrẹyị nị.

1 Ịsamụwẹrị 18:4

Di Ijonatani ngwa awuru oni o chire ọnịrị ọtịnịnẹ anị dị ọ sị yi Idevidi nị. Dị ọ rẹ sị ụhwọ anị ne beri ọkịta ọnịrị ịbanụ ọnị ọọ̄ sịị za ọtẹ, dị ọ kụ ọ yị Idevidi nị.

1 Ịsamụwẹrị 18:6

Idevidi mẹ̀ si Anihwirisiti ọnọọ wụ dị ọnịrị Isoja nịnị aa vaa vẹ, dị anyẹnẹẹ jịnẹ hi ẹhẹ hụụnị avaba ẹkụra Anisirẹrị dị ẹ yaa jị ahẹ, dị ẹ yaa nyị ẹzẹ ẹ naa na gẹrị Ịsọọrụ ana vị ohinọyị nị. Di eyee hú ọkangga ọnịrị àgidibò, dị ẹ yaa jẹ nị.

1 Ịsamụwẹrị 3:19

Ịsamụwẹrị màa vịra, Ẹnẹyịmavara vị ana yà pè e. Avaba ịrẹyị ẹnẹ Ẹnẹyịmavara sịị zụ̀ Ịsamụwẹrị avọọ avaba anị mẹ̀ rẹ yị mẹ nị.