1 Ịsamụwẹrị 18:30 - IWE ỌNỊNỊ

³⁰ Ọga isoja Anihwirisiti nịnị vị ana aa jịnẹẹ tụ́ ẹhẹ pooro ka ẹnị ẹ̀ na kụ̀ ịrẹkụ, ama dị ahịka Idevidi aa kụ̀ ịrẹkụ ẹtẹẹrẹ huna isoja Ịsọọrụ ana vọ nị. Dị ịrẹha Idevidi aa ngụ ịrẹyị nị.

1 Ịsamụwẹrị 18:30 ပူးပေါင်းရင်းမြစ်များ

2 Ịsamụwẹrị 11:1

Ịrayị mẹ̀ rẹ sị gẹ, o si tù ụmẹ oni ohinọyị nịnịị̄ sịị naa kụ̀ ịrẹkụ. Di Idevidi tụ́ Ijowabi ọnịrị aza ohinọyị ne beri avaba isoja Anisirẹrị ka ẹ̀ nọ ịrẹkụ Anamọnị nịnị, dị ẹ wụ̀ wa nị. Di isoja Anisirẹrị nịnị kụ́ na kara ẹkụra Ịraba nị. Idevidi ọnị yà Ijerusarẹmị ịjọnọọ.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

2 Ohinọyị 1:13

Ohinọyị ộ rẹ varẹma tụ́ ọga isoja ọsa beri aza ẹnị ẹvarẹwụ. Ọnọnị ộ hịrẹ ataba ne tu Erija, dị ọ sị idinku ku ẹtẹ ọvịdị anị dị aa da ịpẹ nị. Ọ kà ọza Ohomorihi, ọ̀ navọ ọ vayị ọnịrị aza anị de. Ọ kà ọ̀ navọ à sị ọ wụ ẹnị de.

Ahẹ Ụgama 116:15

Àa nyị ọza Ẹnẹyịmavara ene sú, ọọ̄ zị ọ ẹngụ ẹtẹẹtẹrẹ.

Ahẹ Ụgama 119:99

Ọda awụ vị ọnị miī roo nọ ịnị anị pooro. Ẹ raà mẹ ka eyi amị ò hweyi tù ịsa huna aza ana hyakụ aa zụ̀ mị ịsa.

Ụhịrẹyị 12:8

Ọza ana nyị ịrẹyọyẹ vị ana aā sị ụbanyị yị ama ọnụra vị ana aā sị eyi wụ.

Ịdanịyẹrị 1:20

Ịnị avaba ịrẹyị ịrẹyọyẹ ọnịrị ọkarẹyị obooro ọnị ohinọyị họ̀ wa use, ô re ka Ịdanịyẹrị nịnị ee huna avaba ọmahọnọ ọnịrị ọvavo ene hi ịnị avaba ẹtẹ anị nị.

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Anẹhwẹsọsị 5:15

Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị!

1Ipita 2:4

Vẹ ịdị Ijeesu Ikirisiti ana vị Ịrẹta ana yára nịnị. Aza ê yi ọ tịtẹ, ama Ohomorihi ọ sị ọ nyị, ịsa obooro ọ vị̀ yị Ohomorihi nị.

1Ipita 2:7

Yị aza ana sị ayị tụra a, ịsa obooro ọ vị yị wa nị. Ama yị aza ẹnẹ ẹ̀ yị sị ayị tụra a, e vee re ka, ịrẹta ọnị ọtụrarehi nịnị yi tịtẹ, ọ vana vị ọọnyị ịnị ịrẹta ana aā sịị da irehi nị.

1 Ịsamụwẹrị 18:29

Dị angwa Idevidi ee hi hi Ịsọọrụ hu avọọ nị. Dị ọ kụkụ jị ẹngụ anị ọnịvị Idevidi pooro ịnị ẹhẹ anị ana vọ nị.

1 Ịsamụwẹrị 18:5

Avaba ịsị Ịsọọrụ ọ̀ọ ka Idevidi ọ̀ mẹ, avọọ ọ màa yịị mẹ̀ ẹ nị. Idevidi ộ yẹ ịrẹyị ẹtẹẹtẹrẹ agụvị avọọ dị Ịsọọrụ sị ọ mẹ ọga isoja anị nị. Avaba aza ệ dọ ka Idevidi a vọrọ ka ọ̀ vị ọga nị. Isoja Ịsọọrụ nyẹmba ệ dọ ka Idevidi avọrọ ka à sị mẹ ọga nị.

1 Ịsamụwẹrị 19:8

Ẹkụhị ọnya ịrẹkụ ọ rẹ sị chi yị Anihwirisiti ọnịrị Anisirẹrị. Di Idevidi rẹ na, dị ọnịrị Anihwirisiti nịnị na kụ̀ ịrẹkụ nị. Idevidi ộ wụ̀ Anihwirisiti va ha ẹtẹẹtẹrẹ, dị ẹnị ana vọ si zwe nị.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.

1 Ịsamụwẹrị 26:21

Dị Ịsọọrụ ka ọnị ọ sị ebira odivi mẹ. Ọ kà “Idevidi ozi emi, navọ wa vavẹ ịda amị. Ẹwa ka asị mi sú ajịnị nị. Ẹ yị nyị ịsị mị kụkụ aa sịị mẹ wụ. Ma sị ụra mẹ, me reè nyeeyi baaba.”

1 Ịsamụwẹrị 26:24

Anka m mẹ̀ yị mẹ̀ dọ wu ụhwẹ ajịnị aanị, avọọ Ẹnẹyịmavara ọnị ọ̀ yị mẹ̀ rẹ vaa dọ mị ụhwẹ nị. Ọ raa dọ mịị hụụnị avaba akanya.”