1 Ịsamụwẹrị 18:29 - IWE ỌNỊNỊ

²⁹ Dị angwa Idevidi ee hi hi Ịsọọrụ hu avọọ nị. Dị ọ kụkụ jị ẹngụ anị ọnịvị Idevidi pooro ịnị ẹhẹ anị ana vọ nị.

1 Ịsamụwẹrị 18:29 ပူးပေါင်းရင်းမြစ်များ

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ịjọọnụ 11:53

Hụrẹ ịhị ọnọọ dị ọdọvịdị Aniju nịnị aa gẹ eyi ka ẹnị ẹ̀ wụ Ijeesu nị.

Ijemiisi 2:19

Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa.

1 Ịsamụwẹrị 18:12

Dị angwa Idevidi kuku ee hi Ịsọọrụ nị; agụvị ka Ẹnẹyịmavara vị ana jẹẹ ịrẹma Idevidi. Di Idevidi si zwe huu ịda Ịsọọrụ nị.

1 Ịsamụwẹrị 18:15

Ịsọọrụ mẹ̀ vavọọ re ka ee zee yi Idevidi, dị angwa Idevidi kuku ee hi ọ nị.

1 Ịsamụwẹrị 18:28

Ịsọọrụ o si re ka Ẹnẹyịmavara vị ana jẹẹ ịrẹma Idevidi, di ozi anị Imikari re sì ịrẹyị Idevidi nị.

1 Ịsamụwẹrị 18:30

Ọga isoja Anihwirisiti nịnị vị ana aa jịnẹẹ tụ́ ẹhẹ pooro ka ẹnị ẹ̀ na kụ̀ ịrẹkụ, ama dị ahịka Idevidi aa kụ̀ ịrẹkụ ẹtẹẹrẹ huna isoja Ịsọọrụ ana vọ nị. Dị ịrẹha Idevidi aa ngụ ịrẹyị nị.