1 Ịsamụwẹrị 18:23 - IWE ỌNỊNỊ

²³ Ịzẹyịza dị ẹ vavọọ na kà a yị Idevidi nị. Di Idevidi ka, “U wéé ro o nịnị ka ịrẹyị gemi ọ vị nị ka ọza ọ̀ na vị ọyẹ ohinọyịị Wâ yẹ ka onosiye mị vị nị, ẹ yị nyị ọza ana yẹ mị.”

1 Ịsamụwẹrị 18:23 ပူးပေါင်းရင်းမြစ်များ

Oyinyima 29:20

Ijekọvụ ộ mẹ̀ ụkọrọ ịrayị ịhịmba yị Ịrabanị agụvị Irechẹrị. Ịrayị ịhịmba ẹnẹẹ vị ana yà anka ẹkụhị chee kẹnẹ ini eyi Ijekọvụ, agụvị ka o reè sì ịrẹyị Irechẹrị.

Oyinyima 34:12

Ọ kà ọpa ẹkẹhị ịrẹsụ ọnị ọ̀ọ ka ọnị aa dọ kẹnẹ, ọnị aa mẹ̀ ẹ. Ọ rẹ ka ịsị ẹ̀ẹ ka ọnị ọ̀ sị mẹ wa ẹyịza ọnị vaa sịị yị wa. Ọ kà ẹ̀ navọ ẹ̀ sị ọ gà ọnị kẹnẹ.”

Ahẹ Ụgama 119:141

Dị mị daka vị vị ẹmị ịnya, dị aza aa sị eyii wụ̀ mị aanị, me yi hi ayị ọda ọnị ụ mẹ.

Ụhịrẹyị 14:20

Onosiye vị ọnị ọzọza nyị ịhyẹrẹ anị ama opisa vị ana nyị ọta tuturutu.

Ụhịrẹyị 29:5

Ọza eneē vene ọza sị mẹ anka ọza ọ̀ọ va ịrẹpa zị ọza avọọ nị.

1 Ịjọọnụ 3:1

A! Wee re! Ohomorihi ộ da sì ịrẹyị ayị kẹnẹ ne tù ka aa hị́ yị ezi Anị. Ịzẹyịza ezi Ohomorihi ị vị nị. Anẹhẹ ẹ́ yị yẹ ka ezi Ohomorihi ị vị nị, agụvị ka ẹnịnị ẹ́ yị yẹ Ohomorihi Ada ayị.

1 Ịsamụwẹrị 18:18

Di Idevidi ka, “Ẹ̀nẹ rị mị, ịzị ẹmịrị aneehi amị ọnịrị obooro ada amị gụ tụ́ ịnị Anisirẹrị di ahịka ẹmaa vaa vị ọyẹ ohinọyị nị?”

1 Ịsamụwẹrị 18:22

Dị Ịsọọrụ hị́ ezi ahụ anị dị ọ ka ẹ̀ tangwa na kà a yi Idevidi, dị ẹ̀ kà a ka ohinọyị ọnịrị avaba ezi ahụ anị vi ene sì ịrẹyị anị; avọọ ọ̀ zẹẹ dị ọ̀ vị ọyẹ ohinọyị.

1 Ịsamụwẹrị 18:24

Di ezi ahụ Ịsọọrụ na kà a yọ ohi oni Idevidi tụ́ nị.

1 Ịsamụwẹrị 9:21

Di Ịsọọrụ tụ́ ohi ka, “Ho! wáá yẹ ka Anịbẹnjamịnị mị vị nị. Ịrẹsụ ayị o weyi hu keekere ịnị avaba Anisirẹrị nọ! Ovwoovu amị o re ve weyi hu ini avaba ovwoovu Ịbẹnjamịnị nị. Ụ mẹmẹ zụ ka ẹngụ ịrẹyị ẹnẹnịị mị?”