1 Ịsamụwẹrị 18:17 - IWE ỌNỊNỊ

¹⁷ Ẹkụhị ọnya dị Ịsọọrụ hị́ Idevidi dị ọ ka ọnị aa sị ozi ẹnẹẹ anị ana vị ọzọkụ ana aā hị́ Imeravu gà Idevidi nị. Ọ kà asị Idevidi hí angwa, ama òo pè ọnị mẹ̀ ụkọrọ dị ọ̀ọ kụ̀ ịrẹkụ yị Ẹnẹyịmavara. Ịsọọrụ ô ro o ka ẹ yị vị ọnị ọ vaa sị ụvọ anịị wụ Idevidi. Ọ kà Anihwirisiti nịnị ọ vaa wụ̀ ọ nị.

1 Ịsamụwẹrị 18:17 ပူးပေါင်းရင်းမြစ်များ

2 Ịsamụwẹrị 11:15

Idevidi ộ chịrẹ iwe ka, “Sị Uriya tụ́ eyi ọvịdị ịrẹkụ ana ngụra, dị wa và hụrị ịrẹma anị nịnị dị à và ịsa hị́ ọ ẹngụ di ò sú.”

2 Ịsamụwẹrị 12:9

Ọ kà sị ẹ vavẹ dị ẹwụ sị eyi wụ ọnị Ẹnẹyịmavara dị ẹwụ maanị na mẹ̀ ebira odivi ọnọnị aanị. Wâ mẹ ka à wụ Uriya Anihiti éyi ịrẹkụ. Wa rẹ sị ọ ose anị dọ wa sị ọ nyị. Ẹwa mẹ ka Anamọnị nịnị ẹ̀ wụ ọ ịnị ịrẹkụ nị.

2 Ịsamụwẹrị 6:16

Ápoti Ẹnẹyịmavara màa ngụ ịnị Ẹkụra Idevidi, di Imikari ozi Ịsọọrụ ana vị ọnẹẹ dà eyi gẹ ini ozokete, di ee re ẹtẹ nị. Di o re ka Idevidi ee ji iriga, aa nyị ẹzẹ ọ màa sị ụbanyịị yị Ẹnẹyịmavara nị. Di Imikari ee ro o ịnị ayị anị ka ọnịyẹyẹ Idevidi vị nị.

Ahẹ Ụgama 12:2

Ireche kẹnẹ aza kuku ee chee yị ẹngụ nị Ẹnịnị vi ene ee vene aza ama dị ẹ yaa kụ́ hworo-hworo.

Ahẹ Ụgama 55:21

Ọ nyẹngụ kà ịrẹyị mẹnẹ-mẹnẹ, ama ịrẹkụ vi oni o tenyi tụ́ ịnị ayị Mị ka ọ̀ọ kà ịrẹyị, ụ ka ịrẹyị anị vị ẹngwọọrọ, ama ụhwọ vị oni o ne rị ụvọ.

Ụhịrẹyị 26:24

Ọnịvị ọza vị anaā sịị ayamụkụ tụ ịnị ịnẹ dị a kà ọsa.

Ụhịrẹyị 26:25

Aa ka hworo-hworo, asị ụ dọ ọ wụ agụvị ka ịrẹyị ọhịmị vị enee chi ọ ẹngụ.

Ụhịrẹyị 26:26

Ọọ daka jị oku ku ayamụkụ anị, ọzọza vee re ebira odivi anị ịjị ụmẹ òo tu.

Ịrịka 21:14

Aanị a mẹ ka tụ ịnị ịtọpa iwe ịrẹkụ Ẹnẹyịmavara nị. Ẹkụra ana hị́ Iwahebu vị ana ya ịnị ẹtẹ Ịsụpa ọnịrị inozi irehu Arinọnị.

Ịrịka 32:20

Dị Imosiisi tụ́ wa ohi ka, ẹ vavọọ dọ, ẹ kụ́ ẹnya ịrẹkụ ẹnịnị, dị ẹ na kụ́ ịrẹkụ yị Ẹnẹyịmavara kẹ.

Ịrịka 32:27

Ama avaba ẹnịnị è tenyi ẹngụ ịrẹkụ ka ẹnị aa jịnẹ Okuha Ịjọdanị na kú ịrẹkụ anka Ẹnẹyịmavara mẹ kà a tịtẹ.

Ịrịka 32:29

Ọ kà, avaba anọrụ Anigadi ọnịrị Anirubẹnị nịnị ana sị hụ ọ tụ́ ịrẹkụ ẹ̀ẹ saasa wa jịnẹ Okuha Ịjọdanị nọ ịrẹkụ. Ẹnẹyịmavara kà a sị ẹtẹ Igiriyadi yị wa ịjị Anisirẹrị nịnị ẹ raa dọ avaba ẹtẹ ta.

Iwe Ọhụhị Imosiisi ana aa hị́ Ọyịvatụrọda 17:7

Onivenu nini ẹ vịdị ee ne ịrẹta nya a, dị aza ana vọ ẹ va sị ịrẹta nya a nị. Aa vavọọ a mẹ̀ ọkarẹyị yị aza edivi, udivi vaa hụrẹ ẹtẹ.

1 Ịsamụwẹrị 14:49

Ezi Ịsọọrụ ẹ vị Ijonatani, Isivi ọnịrị Imarikisuwa Ịrẹha ozi anị ọnẹẹ ana vị ọzọkụ ọ rị Imerabi dị ana vi ozweyi ọnị vị Imikari nị.

1 Ịsamụwẹrị 17:25

Anisirẹrị nịnị vị ana aa kà a ka, “Wéē re ọnọrụ ọnọnị mẹ̀ jịnẹ vẹ ka ọnị va sị isoja Anisirẹrị mẹ ịyẹyẹ. Àa nyị ọza ene zụ pe e kụ̀ ịrẹkụ dị ọ wụ̀ ọ nị, ohinọyị vaa vara ọza ọnọọ ọza ọbanyị, Dị ọ sị ozi anị ọnẹẹ ga a ka ọ̀ nyị ọ. Ovwoovu ọza ọnọọ ọ yị mā vana tụ́ ẹkẹhịrehi ịnị ẹtẹ Isirẹrị.”

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.

1 Ịsamụwẹrị 17:47

Avaba aza ana gụ aanị vaa yẹ ka ẹ yị vị ụhwọ àa vị ọha Ẹnẹyịmavara sịị dọ ọzaa tụ́. Ịrẹkụ ọnọnị vị ịrẹkụ Ẹnẹyịmavara, ọ vaa sị wụ nịnị chire yi ụvọ.”

1 Ịsamụwẹrị 18:21

Dị Ịsọọrụ ka ọnị aa sịị gà a agụvị di ozi ọnọọ o zụ vene Idevidi, di Anihwirisiti nịnị ẹ̀ wụ ọ. Dị ịsọọrụ rẹ hị́ Idevidi dị ọ ka oze tị tịtẹ yọ ka ọ̀ vị ọyẹ anị.

1 Ịsamụwẹrị 18:25

Dị Ịsọọrụ ka ẹ̀ na kà a yi Idevidi dị ẹ̀ kà a ka, “Ohinọyị, o yi sì ẹkẹhị ịrẹsụ. Ịsị ee sì kẹnẹ ọ vị ka ọ̀ na wụ̀ Anihwirisiti ẹchẹhị, dị yẹrẹ ụpa ene ku wa aha enyisi, dị ọ̀ kụ ọ va yị ọnị. Ohinọyị ka avọọ oni mee sì ka oni ò si Anihwirisiti ana vị ọnịvị anị atọ nị.” Ịsị Ịsọọrụ ee sì ọ vị ka Anihwirisiti nịnị è re oze wụ Idevidi.

1 Ịsamụwẹrị 18:27

Idevidi ọnịrị isoja anị ệ jịnẹ dị ẹ na wụ̀ Anihwirisiti ịrẹka nị. Dị ọ yẹrẹ ụpa ene kú wa aha enyisi, dị ọ kụ́ avaba anị na yị ohinọyị ka oni ò re oze vị ọyẹ ohinọyị nị. Ịzẹyịza dị Ịsọọrụ sị Imikari ozi anị ana vị ọnẹẹ, dị ọ sị gà Idevidi nị.

1 Ịsamụwẹrị 25:28

Di Abigẹrị rẹ ka ọnị ộ yẹ ka Idevidi vị ana aa kụ̀ ịrẹkụụ yị Ẹnẹyịmavara. Ọ kà Ẹnẹyịmavara vaa mẹ ka ovwoovu Idevidi ọ vaa vị ohinọyị pooro nị. Ọ kà aarịhịnị ọ̀ navọ ọ̀ vagu Ịnabarị. Ọ kà Ohomorihi ọ yị vaa zẹẹ ka Idevidi ọ mẹ ịrẹyị odivi pooro dị ọ̀ sị ẹhẹ tịtẹ.

1 Ịsamụwẹrị 30:26

Idevidi mẹ̀ va sị ngụ Izikiragi, dị ọ nyị ini ogu ẹnẹẹ dị ọ sị na yị azọkụ Anijuda ana vị ọta anị nị. Dị ọ ka, “ogu ọnị ị dọ hụụ ịda ọnịvị Ẹnẹyịmavara yị, ị ka ya sị ọsọnị va wụ nị.”