1 Ịsamụwẹrị 18:14 - IWE ỌNỊNỊ

¹⁴ Avaba ịsa ọnị Idevidi ọ̀ọ mẹ vi ene eē zoza ẹtẹẹtẹrẹ agụvị ka Ẹnẹyịmavara vị ana jẹẹ ịrẹma.

1 Ịsamụwẹrị 18:14 ပူးပေါင်းရင်းမြစ်များ

Oyinyima 39:23

Ọga aza ana a sị si eyi pè ẹngwa ẹ yị kụkụ sị eyi nọ ịnị ịsa ana a raà sị chire Ijosẹẹhụ ụvọ. Ê re ka Ẹnẹyịmavara vị ana jẹẹ ịrẹma Ijosẹẹhụ. Avaba ịsị Ijosẹẹhụ ọ̀ọ mẹ vị ẹnẹ a mẹ ka ò zoza.

2 Ịsamụwẹrị 5:10

Idevidi vị ana a yịị nyị ụkataa hu avọọ agụvị ka Ẹnẹyịmavara ana vị Ohomorihi Ochẹtẹẹngụ vị ana jẹẹ ịrẹma anị.

2 Ohinọyị 18:7

Avọọ, Ẹnẹyịmavara ộ ya pe e aha tụra aha ọnị ọ nọ; di o zee yọ ịnị avaba ịsa ọnị ọ mẹ nị. Ộ dọ ẹngụ anị hụrẹ ụvọ ohinọyị Ásiriya; ẹ yị vana dọ ka ọnị ọ̀ sị ịrẹsụ yọ.

1 Ịtọpa 18:13

Ộ jị udi irenyi-irenyi ịzị ọ kụ́ isoja hi avaba ẹtẹ Edomi, dị Idevidi kụkụ aa mẹ ohinọyị tụra avaba aza ene hi ịzọọ ịrẹsụ nị. Avaba aha ọnị Idevidi ọ̀ọ nọ, vị ọnị Ẹnẹyịmavara sị ọ nyị ẹbẹẹba.

1 Ịtọpa 18:6

Ộ jị udi tụ ẹhwị ẹtẹ ẹnịnị ọnị ọ kụ isoja hi. Dị Idevidi vana aà mẹ ohinọyịị tụra wa ịrẹsụ, dị ẹyaa tụ ẹkẹhị irehii yọ nị. Avaba aha ọnị Idevidi ọ̀ọ nọ, vị ọnị Ohomorihi sị ọ nyị ẹbẹẹba.

2 Ịtọpa 17:3

Ẹnẹyịmavara ộ mẹ̀ ka o zee yi Ijehosahwati agụvị ka ộ hama ebira ọnị ada anị vịdị mẹ ịjịjọọ. Ama ẹ yị hẹkẹ ori Ịbaarị.

Ahẹ Ụgama 101:2

Mị vaa sị ụvọọ za ẹngụ amị, di me re ka mẹ yị mẹ̀ ebira ana a vaa sị tụ́ mị ohuvọ. Ịhị waa naa vẹ ịda amị? Mẹ yị vaa zẹẹ ka ma mẹ̀ ebira ana a vaa sị tụ́ mị ohuvọ ini eehi amị.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

Odeyi 18:10

agụvị ka mâ yà pe wu. Ẹ yị nyị ọza ana zụ mẹ wụ ịsọnyị-ịsọnyị. Mâ nyị aza rụrụ hi ịnị ẹkụra ọnọnị.”

Ijosuwa 6:27

Avọọ Ẹnẹyịmavara mẹ ya pe Ijosuwa dị ọ ngụrẹyị tụ avaba ẹkụra nị.

Ọdọvịdị 1:19

Ẹnẹyịmavara ộ jẹẹ isoja Anijuda nịnị ịrẹma, dị ẹ dọ ẹtẹ ẹkụra ene hi ịrẹsụ ataba nị. Ama ẹnịnị ẹ yị rẹ va zụ dụ aza ana ra inoze agụvị ka ẹnịnị ẹ nyị ịkẹkẹ ịrẹkụ enyusẹ.

1 Ịsamụwẹrị 10:7

Dị Ịsamụwẹrị rẹ ka ịjị avaba ịrẹyị ẹnẹẹ ẹ̀ẹ sị sẹ tụ́ ịrẹsụ Ịsọọrụ ịsa tụra ịsa oni Ohomorihi ọ̀ọ́ ka ọ̀ mẹ, ọ̀ mẹ̀ ẹ, ka Ohomorihi vaa yàa pè e.

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 18:15

Ịsọọrụ mẹ̀ vavọọ re ka ee zee yi Idevidi, dị angwa Idevidi kuku ee hi ọ nị.

1 Ịsamụwẹrị 19:8

Ẹkụhị ọnya ịrẹkụ ọ rẹ sị chi yị Anihwirisiti ọnịrị Anisirẹrị. Di Idevidi rẹ na, dị ọnịrị Anihwirisiti nịnị na kụ̀ ịrẹkụ nị. Idevidi ộ wụ̀ Anihwirisiti va ha ẹtẹẹtẹrẹ, dị ẹnị ana vọ si zwe nị.

1 Ịsamụwẹrị 3:19

Ịsamụwẹrị màa vịra, Ẹnẹyịmavara vị ana yà pè e. Avaba ịrẹyị ẹnẹ Ẹnẹyịmavara sịị zụ̀ Ịsamụwẹrị avọọ avaba anị mẹ̀ rẹ yị mẹ nị.