1 Ịsamụwẹrị 18:12 - IWE ỌNỊNỊ

¹² Dị angwa Idevidi kuku ee hi Ịsọọrụ nị; agụvị ka Ẹnẹyịmavara vị ana jẹẹ ịrẹma Idevidi. Di Idevidi si zwe huu ịda Ịsọọrụ nị.

1 Ịsamụwẹrị 18:12 ပူးပေါင်းရင်းမြစ်များ

2 Ịsamụwẹrị 5:10

Idevidi vị ana a yịị nyị ụkataa hu avọọ agụvị ka Ẹnẹyịmavara ana vị Ohomorihi Ochẹtẹẹngụ vị ana jẹẹ ịrẹma anị.

2 Ịtọpa 17:3

Ẹnẹyịmavara ộ mẹ̀ ka o zee yi Ijehosahwati agụvị ka ộ hama ebira ọnị ada anị vịdị mẹ ịjịjọọ. Ama ẹ yị hẹkẹ ori Ịbaarị.

Ahẹ Ụgama 51:11

Navọ asị ụ kà ka waa dụ mịị hụrẹ ịdị awụ Navọ asị ụ rẹ sị Ụhwẹ Ọnịnị awụ hụụ ịnị ayị samị.

Ahẹ Ụgama 53:5

Ama Ohomorihi vee chire wa angwa ana ahịka ẹnịnị eè yi re da Aza ana àa kwẹẹtẹ tù aza Ohomorihi, Ohomorihi vị ana vaa tana ụvọọ za aza ẹnẹẹ Aza Ohomorihi ọ vaa nyị ehuna aza ẹnẹẹ nị, agụvị ka Ohomorihi ọ sị aza ẹnẹẹ yi tịtẹ.

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Ịmaakị 6:20

agụvị ka Ịhẹrọọdụ vị ene ee hí angwa Ịjọọnụ, agụvị ka ộ yẹ ka Ịjọọnụ vị ọnịrẹyịzẹyịza, dị ọ rẹ vị ọza ọnịnị nị. Agụvị avọọ dị Ịhẹrọdị ka à sị eyi pe Ịjọọnụ nị. Ịhẹrọdị ọ̀ọ wụ́ ịrẹyị Ịjọọnụ, dị ayị anị sị vazi, ama dị ịnẹ anị ee yii hine ka ọnị ọ̀ wụ́ ịrẹyị anị.

Iruuku 8:37

Dị avaba anẹkụra ana kara Igerasa aa dá ịpẹẹ yị Ijeesu ka ọ̀ hụụ ịdị ẹnịnị nị, agụvị ka angwa ee hí wa ẹtẹẹtẹrẹ. Dị Ijeesu ngụ ẹpa, ka ọnị ọ̀ varẹma nị.

Odeyi 24:25

Ịjị Ịpọọrụ aa kà ịrẹyị ka â vọrọ ka ọza ọ̀ọ mẹ ịzẹyịza, dị ọ̀ sị ụvọ za ẹngụ anị, dị ọ rẹ ka ẹkụhị ọkarẹyị aa vẹ, angwa ee hí Ịhwẹrịsị. Dị ọ ka Ịpọọrụ ọ̀ọ na da, ka ọnị rẹ vanaa tụ́ hị́ ọọ, ịhị oni òo re oze nị.

Odeyi 7:9

“Ada ayị nịnị ê pe Ijosẹẹhụ kụ̀ ụhị, dị ẹ ná a ọrịhị nọ Ijipiti nị. Ama Ohomorihi ộ yà beri ọ,

Ọdọvịdị 1:19

Ẹnẹyịmavara ộ jẹẹ isoja Anijuda nịnị ịrẹma, dị ẹ dọ ẹtẹ ẹkụra ene hi ịrẹsụ ataba nị. Ama ẹnịnị ẹ yị rẹ va zụ dụ aza ana ra inoze agụvị ka ẹnịnị ẹ nyị ịkẹkẹ ịrẹkụ enyusẹ.

Ọdọvịdị 16:20

di o nowu hị́ Ịsamịsịnị ka Anihwirisiti nịnị ẹ vẹ ka ẹnị ẹ vaa za a nị. Ịsamịsịnị mẹ ha hụụnị ịnị ara, di o ro ka ọnị raa banyị ẹngụ anị ha anka ọ mẹẹ̄ vịdịị mẹ̀ avọọ nị. Ama ọ yị yẹ ka ụkata Ẹnẹyịmavara ọ sị hụrẹ ọnị ẹngụ.

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 16:4

Ịzẹyịza dị Ịsamụwẹrị mẹ̀ ịsa ẹnị Ẹnẹyịmavara kà ọ̀ mẹ nị. Ịsamụwẹrị mẹ̀ na ngụ Ịbẹtịrẹhẹmị, Angwa ô hí ọdọvịdị ẹkụra nịnị èe me re e. Dị ẹ kà, “Áá vị ẹ̀ yị nyị ịrẹyịị?”

1 Ịsamụwẹrị 18:15

Ịsọọrụ mẹ̀ vavọọ re ka ee zee yi Idevidi, dị angwa Idevidi kuku ee hi ọ nị.

1 Ịsamụwẹrị 18:20

Ama ozi Ịsọọrụ ọsa ana rẹ vị ọnẹẹ ana aā hị́ Imikari oni ô sì ịrẹyị Idevidi. Ịjị a maanị na kà a yị Ịsọọrụ, ô hine e ẹtẹẹtẹrẹ.

1 Ịsamụwẹrị 18:29

Dị angwa Idevidi ee hi hi Ịsọọrụ hu avọọ nị. Dị ọ kụkụ jị ẹngụ anị ọnịvị Idevidi pooro ịnị ẹhẹ anị ana vọ nị.

1 Ịsamụwẹrị 20:13

Ọ kà àa vị ada anị èe sì ka ọnị ọ̀ mẹ̀ ẹ ịrẹyị odivi ịzẹyịza nị, ọnị vaa tụ́ naa kà a yị Idevidi, dị ọnị ọ̀ mẹ ka ò zwe dị asị a nyị ịsị ẹ mẹ̀ ẹ. Ọ kà ọnị ọ̀ yị vavọọ mẹ dị asị Ẹnẹyịmavara zẹẹ ka ò zoza yị ọnị. Dị ọ rẹ ka Ẹnẹyịmavara ọ̀ yà pè Idevidi anka ọ mẹ̀ yà pè Ịsọọrụ ada anị nị.

1 Ịsamụwẹrị 22:13

Dị Ịsọọrụ ka, “Sị ẹ vẹ dị ẹwụrị ozi Ijeese sị kwẹẹtẹ tù mị, dị ụ hyakụ sị ịsọyịrị yọ bẹẹ ne beri ụhwọ. Wa rẹ na họ̀ Ohomorihi use ịrẹyị agụvị Idevidi dị wụ va kà a yọ nị. Wâ mẹ ka Idevidi ọ̀ kwẹẹtẹ tù mị, di o kukuu bè mi anka ọ màa mẹ aanị.”

1 Ịsamụwẹrị 28:15

Dị Ịsamụwẹrị hị́ Ịsọọrụ dị ọ ka, “sị ẹ vẹ dị wẹ̀ yị navọ mị hẹẹ dị ụ sị mị jịnẹ aa vẹ?” Dị Ịsọọrụ ka, “Ộ kata mị ẹngụ ẹtẹẹtẹrẹ booro aanị. Anihwirisiti nịnị ee pè emi kụ̀ ịrẹkụ, dị Ohomorihi ọ sị và ịrẹma amị. Màa kụkụ họ̀ Ohomorihi use ịrẹyị, ọ yị kụkụ tụ́ ọnịsẹ hi mi. Ọ yị rẹ pe mi kà ịrẹyị ịnị ụra. Agụvị avọọ mị va hị́ Ịsamụwẹrị ka wa kà a yị mị ịsị a vọrọ ka ma mẹ nị.”

1 Ịsamụwẹrị 3:19

Ịsamụwẹrị màa vịra, Ẹnẹyịmavara vị ana yà pè e. Avaba ịrẹyị ẹnẹ Ẹnẹyịmavara sịị zụ̀ Ịsamụwẹrị avọọ avaba anị mẹ̀ rẹ yị mẹ nị.