1 Ịsamụwẹrị 17:51 - IWE ỌNỊNỊ

⁵¹ Idevidi ọ wụsẹ zwe na hịrẹ Anihwirisiti ọnọọ, dị ọ dọ ọ ụhwọ anị, dị ọ tụ̀ ọ hụụnị apara anị, dị ọ sị jị Anihwirisiti ọnọọ ịrẹsụ, dị ọ wụ̀ ọ nị. Ịjị Anihwirisiti ana vọ re ka ọga isoja ẹnịnị ô wusu, dị ẹ và tụ́ echi nị.

1 Ịsamụwẹrị 17:51 ပူးပေါင်းရင်းမြစ်များ

2 Ịsamụwẹrị 23:21

Ọ rẹ wụ Anijipiti ọnya ene zoza ẹtẹẹtẹrẹ. Anijipiti ộ nyị ọha rị ụvọ. Ama dị Ịbẹnaya sị okutẹ rị ụvọ di tere pè ọnọrụ ọnọọ nị. Dị ọ dọ ọha ọnọọ hụrẹ Anijipiti ọnọọ ụvọ, dị ọ sị ọha ọnọọ dị ọ sị wụ ọ nị.

2 Ịsamụwẹrị 4:7

Ụmẹ ẹnị ẹ vavọọ si were ngụ eehi, ara ọ sị Isibọsẹtị dọ tụ́ ịnị ịbẹẹdị anị ini eehi. Ẹ́ mẹ̀ sị ọ wụ, dị ẹ jị ọ ịrẹsụ dị ẹ sị ịrẹsụ anị di e si zwe nị. Avaba ịrahụ ịhị ọnọọ ẹ sị zị ụsẹ, dị ahịka oze Araba ẹ zị nị.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Anihiburu 11:34

Aza ẹnyị ẹnịnị ệ mẹ ka ịra ana aa za giri-giri, ò mi. Aza ẹnyị ẹ rẹ há hụrẹ ụvọ aza ana ka ẹnị aa wụ̀ wa. Aza ẹnyị ana vịdị vị ọkụmị, ẹ sị ụkata nyị. Ẹ sị vara ọkụrẹkụ ana nyị ụkata. Ẹnịnị kụkụ aa dụ isoja nịnị anẹkụra ọsa.

Anihiburu 2:14

Ezi anị ẹnẹẹ vị aza rị ẹyị ị́rẹsụ. Agụvị avọọ, Ijeesu ọ́ọ vẹ ẹhẹ dị ọ yà anka ẹnịnị gẹdẹ-gẹdẹ nị, ka oni ò sú, di oni ò du ụkata Echu ha. Echu ọ nyị ụkata isu nị.

1 Ịsamụwẹrị 17:50

Idevidi ọ raà sị ọnanta ọnịrị ịrẹta huna Anihwirisiti ọnọọ, o mè ne ịrẹta na za a, ọ sị ọ wụ. Idevidi ọnị ọ yị nyị ụhwọ rị ụvọ.

1 Ịsamụwẹrị 21:10

Di Idevidi kwẹẹtẹ ịhị ọnọọ di o si zwe hụrẹ ịda Ịsọọrụ nị. Di o zwe nọ ịdị Akisi ana vi ohinọyị ẹkụra Igati nị.

1 Ịsamụwẹrị 21:9

Di ohirẹsụ irehi Ohomorihi ọnọọ ka ụhwọ Igorayati Anihwirisiti ọnị ọ wụ ini ozi Era ịhị ọnọọ tịtẹ ịzẹnị. Â sị ịta para a tụ́ ịrẹma ịharamịra ịzọọ. Ọ kà òo sì ọnọọ dị ọ̀ sị ọ agụvị ka ẹ yị nyị ụhwọ ọsa ịzẹnị. Di Idevidi ka, “sị ọ mị, ka ẹ yị nyị ụhwọ ene huna ọnọọ.”

1 Ịsamụwẹrị 31:9

Dị ẹ za Ịsọọrụ, dị ẹ jị ọ ịrẹsụ, dị ẹ ngwa a awuru ọnọọ tụ́ ngụ avaba ẹtẹ Anihwirisiti zị, ka à na kà a ini eehi ori ẹnịnị, dị ẹ̀ rẹ kà a yị aza ẹnịnị nị.