1 Ịsamụwẹrị 17:47 - IWE ỌNỊNỊ

⁴⁷ Avaba aza ana gụ aanị vaa yẹ ka ẹ yị vị ụhwọ àa vị ọha Ẹnẹyịmavara sịị dọ ọzaa tụ́. Ịrẹkụ ọnọnị vị ịrẹkụ Ẹnẹyịmavara, ọ vaa sị wụ nịnị chire yi ụvọ.”

1 Ịsamụwẹrị 17:47 ပူးပေါင်းရင်းမြစ်များ

2 Ohinọyị 5:15

Ọnịrị aza ana saasa a ẹ vavẹ ve tu ọza Ohomorihi, dị ọ jẹẹ ọvịdị anị dị ọ ka: Ọnị ọ sị yẹ ka ẹ yị nyị ịzị Ohomorihi yà ọsa ịnị avaba ẹhẹ, ẹ̀ yị vị ẹtẹ Isirẹrị ọnịnya.

2 Ịtọpa 14:11

Ịjị eyi sị gẹrị eyi, dị asa hị́ Ẹnẹyịmavara Ohomorihi anị, dị ọ kà, kwoogwo Ẹnẹyịmavara, ọnị ọ zụ sị ụkata yị ọkụmị tu ọnụkata nị. Booro aanị ọ gụ ẹnị ụvọ agụvị ka ọnị ẹnị sị ayị tụra nị. Ịrẹha anị ẹnị sị aa nọ ịrẹkụ otomiroku isoja ẹnịnị nị. Ọnị ọ vị Ohomorihi ẹnịnị nị. Ẹ yị nyị ọza ene zụ hú ọ ẹtẹ.

Ahẹ Ụgama 46:11

Ẹnẹyịmavara ana nyị ụkata vị ana sị ọtụ kà yị ịrẹma. Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ayịsaya 9:7

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Ihoseya 1:7

Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Aniroomi 8:37

Ịnị avaba ịrẹyị ẹnẹnị, ọza ene sì ịrẹyị ayị, aa mẹ ka yaa nyị ẹbẹẹba saka-saka.

Ijosuwa 10:8

Dị Ẹnẹyịmavara kà asị Ijosuwa hí angwa ẹnịnị agụvị ka ọnị vaa sị wa nyị ẹbẹẹba ẹnịnị nị; vaa nyị ọza ikonya ana vaa nyẹngụ jẹẹ zị wa.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

1 Ịsamụwẹrị 18:17

Ẹkụhị ọnya dị Ịsọọrụ hị́ Idevidi dị ọ ka ọnị aa sị ozi ẹnẹẹ anị ana vị ọzọkụ ana aā hị́ Imeravu gà Idevidi nị. Ọ kà asị Idevidi hí angwa, ama òo pè ọnị mẹ̀ ụkọrọ dị ọ̀ọ kụ̀ ịrẹkụ yị Ẹnẹyịmavara. Ịsọọrụ ô ro o ka ẹ yị vị ọnị ọ vaa sị ụvọ anịị wụ Idevidi. Ọ kà Anihwirisiti nịnị ọ vaa wụ̀ ọ nị.