1 Ịsamụwẹrị 17:45 - IWE ỌNỊNỊ

⁴⁵ Di Idevidi tụ́ Anihwirisiti ọnọọ ohi dị ọ ka, “Wa sị ụhwọ ọnịrị ọha irenyi-irenyi aa tụra ka mị vẹ, ama ẹmị vị ana sị ayị tụra Ohomorihi Ochẹtẹẹngụ di mee vee tù wu. Ọnị ọ vị Ohomorihi isoja Anisirẹrị ọnị ụ maanị aa sịị mẹ ịyẹyẹ nị.

1 Ịsamụwẹrị 17:45 ပူးပေါင်းရင်းမြစ်များ

2 Ịtọpa 14:10

Asa mẹ jịnẹ ne tu ọ, dị eyi ẹnyị eyi ọsa tenyi jẹẹ aha anị Ịzẹhwata ana gụrị Imaresa nị.

2 Ịtọpa 32:8

Ụkọrọ ọchẹngụ kẹnẹ ẹ nyị nị, ama Ẹnẹyịmavara ana vị Ohomorihi ẹnịnị vaa gụ ẹnị ụvọ dị ọọ kụ ịrẹkụ yị ẹnị. Ịrẹyị ohinọyị ọnọnị ộ hụ wa ayị vị.

Ahẹ Ụgama 124:8

Ẹnẹyịmavara aa gụ yị ụvọ nị. Ọnị ọ mẹ ihinẹba ọnịrị ẹtẹ.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ahẹ Ụgama 20:8

Aza ẹnẹẹ ene ee woo zị aanị vị ana vaa và angga dị ẹ hyẹdụ ama ẹyị vị ana jẹ nganganga.

Ahẹ Ụgama 3:8

Ẹnẹyịmavara ẹwaā dọ ọzaa ha nị. Navọ wa mẹ ka ò zee yị aza awụ.

Ahẹ Ụgama 44:6

Vị ọpa amị mị sị ayị tụra me yi ro o ka ụhwọ ọbanyị amị ọ vaa mẹ ka me huna ọnịvị amị nị.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Ayịsaya 37:28

Ẹnẹyịmavara kà, ama oni ộ yẹ avaba ịrẹyị awụ. Ọnị ộ yẹ ịsị ụụ̄ mẹ, ọnịrị ịzị ụụ̄ nọ, ọnị ộ yẹ ụ mẹmẹ aa kụ́ ayịị hi ọnị.

2 Anịkọrịntị 10:4

Ẹnya ịrẹkụ ọnị yaa sịị kụ̀ ịrẹkụ, ọyị rẹ vị ẹnya ịrẹkụ ẹhẹ ọnọnị. Ẹnya ịrẹkụ oni Ohomorihi mẹ ka ẹ̀ nyị ụkata ẹ vị nị. Ọnị ị yaa sịị gara ịzị ọza ọ̀ yị zụ hụra tù nị.

2 Anịkọrịntị 3:5

Yẹ yị vavọọ yà ana aa kà a ka ya zụ mẹ̀ ụkọrọ ọnọnị. Ama Ohomorihi aa sị ụkataa yị nị.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

1 Ịsamụwẹrị 17:10

Dị Anihwirisiti ọnọọ rẹ ka, “Isoja Anisirẹrị m maa sịị mẹ ịyẹyẹ ịzẹnị ajịnị aanị nị. Mị ka wa tụ́ ọza ịnya vẹ nịnị dị ẹmịrị ọ ọ̀ gẹ ịrẹkụ.”

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.

1 Ịsamụwẹrị 17:6

A rẹ nyị enyusẹ oni o si ku ahụ anị, dị ọ nyị ọha enyusẹ-enyusẹ ọnya ọnị ọ sị tụra ịza nị.