1 Ịsamụwẹrị 17:43 - IWE ỌNỊNỊ

⁴³ Di Anihwirisiti ọnọọ hị́ Idevidi dị ọ ka irezi ọnị wáá vị nị, dị ọ si okutẹ ee vee tù ọnị. Dị aa sị ori anịị chii hi Idevidi nị.

1 Ịsamụwẹrị 17:43 ပူးပေါင်းရင်းမြစ်များ

Oyinyima 27:29

Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

2 Ịsamụwẹrị 16:5

Ẹkụhị ọnya Idevidi ohinọyị aa va naa ngụ ẹkụra ana aā hí Ibahurimi, dị a nyị ọnọrụ ọnya ịzọọ ana jịnẹ vẹ nị. Ịpa ịrẹsụ Ịsọọrụ ọnọrụ ọnọọ vị nị. Ịrẹha anị ọ rị Isimeyi nị. Ozi ọza ana aā hị́ Igera ọ vị nị. Ọ́ mẹ̀ jịnẹ aa vẹ, dị aa kụ̀ Idevidi ụhụ nị.

2 Ịsamụwẹrị 16:9

Di Abisayi ozi Izeruya hị́ ohinọyị dị ọ ka, “Taarụ, sị ẹ vẹ dị ẹnẹsa ana sị mẹẹ anka oku irezi aanị aa kụ́ wụ ụhụ? Navọ ma na dà ẹnẹsa ịrẹsụ ne ta.”

2 Ịsamụwẹrị 3:8

Ịrẹyị oni Isibọsẹtị maanị kà aanị ộ kụ́ Abịna ayị ẹtẹẹtẹrẹ. Dị ọ ka, “Ho! ọnịyẹyẹ ụ wáá sị ọ hị́ ka ma vị nị? Vi u wee ro o ka ẹmịrị Anijuda ọ kụkụ yà nị? Booro aanị ayị ọnya mị sị jẹẹ pè avaba aneehi anị ọnịrị ọta anị nị. Mẹ yị zẹẹ ka Idevidi ọ̀ wụ̀ wụ. Ama dị ahịka ịrẹyị ọnẹẹ ụ va za va sụ mị nị.”

2 Ịsamụwẹrị 9:8

Di Imehwibọsẹtị tana tụra ẹtẹ dị ọ ka, “Taarụ, ẹ́mị oku irezi ọnọnị, sị mị vị ọnị ụ maanị si re?”

1 Ohinọyị 20:10

Di Ịbẹnịhadadị rẹ tụ́ varẹma ne tù Ahabị, dị ọ ka, “Isoja ọnị maa kụ́ vẹ, àa vị ka aza ịnya-ọza ịnya vee re ezi ká ịnị ẹtẹ Ịsamarịya ene hi ọ ụvọ, asị ori nịnị zẹẹ ka ò zoza mị.”

2 Ohinọyị 8:13

Di Ihazayẹrị ka, ẹnẹ vị ọnị ana zụ maanị mẹ ụkata? Dị Erisa ka, Ẹnẹyịmavara ọ́ raà sị zụ ọnị ka Ihazayẹrị ọ vaa dọ ohinọyị Ísiriya ịrẹsụ nị.

Ụhịrẹyị 26:2

Ozirenu ọnị ọza ẹ yị mẹ̀ ịrẹyị anị vị enee che oze parahu anka inomi enee hira zịịzị avọọ.

Ịrịka 22:6

Ộ kà aza ẹnẹẹ ẹ raà nyị ụkata huni ẹnị. Agụvị avọọ Ịbaraamị ọ vẹ dị o chi hi wa ịsavọ ẹnị vaa zụ nyị ẹbẹẹba ẹnịnị, dị ẹnị dụ wa hụụnị ẹtẹ ẹnịnị. Ịbarakị kà ọnị ọ yẹ ka ọza ọnị ọ̀ọ mẹ̀ aduwa yị, ee zee yọ nị. Ama ọza ọnị òo chi hi vị ọnị ozirenu anị aa za a.

Ọdọvịdị 9:27

Ịjị ụmẹ ịsa ọyịna ịvayịnị si tu, dị Anisekumi ọzọza tọ̀ igirepi, dị ẹ mẹ eche, dị ẹ rị eche nị. Ẹnịnị ệ nọ ịnị irehi ori ẹnịnị ịzị ẹ ya rị ịsa, di e hu eche, dị ẹ ya ịzọọ aa kụ Abimẹrẹkị ụhụ nị.

1 Ịsamụwẹrị 14:12

Di isoja ene hi udi Anihwirisiti nowu, dị ẹ ka, “Hịrẹ ve tù yị nịnị, dị wa yẹ ịsị ịra mẹ anchị nịnị!” Di Ijonatani hị́ ọza anaā za ẹnya ịrẹkụ anịị gụ ọ dị ọ ka, “Wa hịrẹẹ dụ mịị vẹ, ka Ẹnẹyịmavara ọ raà sị aza ẹnịnị chire Anisirẹrị ụvọ.”

1 Ịsamụwẹrị 24:14

Ẹ̀nị Ohinọyị Anisirẹrị ọyịvụrụ daka ka ịrẹyị anị ô tù ọnị aanị? Taarụ! Re, sị ụ vana ka waa dụ? Ẹmị oku irezi, à vị ọhụpẹ.

1 Ịsamụwẹrị 24:15

Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”