1 Ịsamụwẹrị 17:39 - IWE ỌNỊNỊ

³⁹ Dị Ịsọọrụ rẹ sị ụhwọ anị dị ọ sị gẹ Idevidi ẹngụ nị. Di Idevidi ka ọnị ọ̀ zị ụsẹ re nị, agụvị ka ộ yị vịdị zama ẹnya ẹnẹẹ re da. Di Idevidi va hị́ Ịsọọrụ dị ọ ka, “wáā yẹ ka mẹ yị zụ sị ẹnya ẹnẹnị zị ụsẹ. Mệ yị vịdị zama ẹngụ ẹnya ẹnẹnị re da.” Dị ọ ngwa wa hi ẹtẹ nị.

1 Ịsamụwẹrị 17:39 ပူးပေါင်းရင်းမြစ်များ

Ihoseya 1:7

Ama ọnị vaa vayị evere Ijuda, dị ọnị dọ wa ha agụvị ka ọnị ọ vị Ẹnẹyịmavara ana vị Ohomorihi ẹnịnị nị. Ẹ yị vaa nyị ka ẹ kụ ọpa ọnịrị ọkịta, ụ̀hwọ̀ ọnịrị umaata nọ ịrẹkụ, dị ẹ sị dọ ẹngụ ẹnịnị ha.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

1 Ịsamụwẹrị 17:38

Dị Ịsọọrụ sị awuru anị di ó si chire Idevidi nị, dị ọ rẹ sị amu enyusẹ-enyusẹ anị di o si kú ọ ịrẹsụ nị. Dị ọ va sị awuru enyusẹ-enyusẹ di o si chire e nị.

1 Ịsamụwẹrị 17:40

Di Idevidi si okutẹ anị rị ụvọ nị. Dị ọ tọ̀ọ́ ịrẹta nyọọnyọrọ ẹẹhị hụụnị okuha, dị ọ kụ́ o hi ini ampo ọnị ọ́ọ zaa zi èe sere ịsụpa nị. Ampo ọnọọ vị ana yarị ọ. Dị ọ sị ọnanta anị rị ụvọ, di ee teree pe Anihwirisiti nị.