1 Ịsamụwẹrị 17:37 - IWE ỌNỊNỊ

³⁷ Di Idevidi rẹ ka Ohomorihi ama dọ ọnị hụrẹ ụvọ idu ọnịrị ọdụmị rẹ vavọọ vaa dọ ọnị hụụnị ụvọ Anihwirisiti ọnọnị. Dị Ịsọọrụ ka Idevidi ọ̀ọ na, ka Ẹnẹyịmavara vaa yàa pe e.

1 Ịsamụwẹrị 17:37 ပူးပေါင်းရင်းမြစ်များ

2 Ịsamụwẹrị 10:12

Dị ọ rẹ ka, “Asị u hí angwa, vẹ ya sị ọtụtụrụma kụ̀ ịrẹkụ agụvị ẹkụra ayị ọnịrị agụvị ẹkụra Ohomorihi ayị. Ẹnẹyịmavara vaa mẹ̀ ịsa ene zee e eyi.”

1 Ịtọpa 22:11

Dị Idevidi kà a yị Isoromọnị ka, ẹwụ ozi, Ẹnẹyịmavara, Ohomorihi awụ ọ̀ yàa wụ ịrẹma o. Ọ̀ navọ ịsa ọnị wo oto anị ọ̀ va mẹ̀ ẹ, dị ụ wa va zụ dà irehi yọ o.

1 Ịtọpa 22:16

Ẹ nyẹngụ sị igooru ọnịrị isiriva beri enyusẹ ana vọ mẹ ụna. Ọ kà Isoromọnị ò ne nyima ụkọrọ ọnọọ booro aanị. Ẹnẹyịmavara ọ̀ navọ ọ̀ yà a ịrẹma.

Ahẹ Ụgama 11:1

Wáá yẹ ka Ẹnẹyịmavara mị sị ayị tụra nị? Ụ́ mẹmẹ zụ kà ka mee zwee nọ ịnị ataba anka inomi avọọ?

Ahẹ Ụgama 118:6

Ẹnẹyịmavara vị ana jẹẹ mị ịrẹma, agụvị avọọ me yi vee hí angwa. Mâ yẹ ka ẹ yị nyị ịsị ọza zụ sị mẹ mị.

Ahẹ Ụgama 138:3

M mẹ̀ nowu va za wụ, wâ ba mi owu. Wâ mẹ ka ayị amị ọ̀ vị, dị ụ rẹ mẹ ka ma nyị ụkata nị.

Ahẹ Ụgama 63:7

Ẹwaa gụ mị ụvọ pooro nị ịzị ụ sị mị tẹ tụ́ vị ọnị mị yà ịzọọ dị maa jị ahẹ.

Ahẹ Ụgama 77:11

Mị ka maa tamayị ụkọrọ ẹbanyị-ẹbanyị ẹnị Ẹnẹyịmavara mẹ ịnị ịyẹẹyẹ.

Ịdanịyẹrị 3:17

Àa hụ agụvị ịrẹyị ọnọnị kụ ẹnị va hi ịra, Ohomorihi ọnị ẹnị aa hẹkẹ vaa dọ ẹnịị tụ, agụvị ka ọ zụ dọ ẹnị ha hụrẹ ẹ ụvọ. Ọ rẹ zụ dọ ẹnị ha hụụnị ịra anaa za giri-giri bẹẹ.

Ijosuwa 1:17

Ẹ rẹ ka anka ẹnị mẹ̀ wụ́ ịrẹyị chire Imosiisi avọọ, avọọ ẹnị mẹ̀ rẹ vaa wú ịrẹyịị chire Ijosuwa nị. Ẹ ka ama Ẹnẹyịmavara ana vi Ohomorihi Ijosuwa ọ̀ yà pè e kẹnẹ anka ọ mẹ̀ vịdị yà pè Imosiisi.

Iruutu 2:4

Ẹ mẹ̀ vavọọ hi ịzọọ, di e vene re ka Ibowazị ộ hụrẹ ịnị ubooro Ịbẹtịrẹhẹmị aa vẹ nị. Dị ọ kụ́ anụkọrọ ẹnẹẹ nị, dị ọ ka, “Ẹnẹyịmavara ọ̀ yà pè wụ nịnị.” Dị ẹnịnị va ụkụ yọ ka, “Ẹnẹyịmavara ọ navọ ò zee wu.”

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.

1 Ịsamụwẹrị 17:38

Dị Ịsọọrụ sị awuru anị di ó si chire Idevidi nị, dị ọ rẹ sị amu enyusẹ-enyusẹ anị di o si kú ọ ịrẹsụ nị. Dị ọ va sị awuru enyusẹ-enyusẹ di o si chire e nị.

1 Ịsamụwẹrị 20:13

Ọ kà àa vị ada anị èe sì ka ọnị ọ̀ mẹ̀ ẹ ịrẹyị odivi ịzẹyịza nị, ọnị vaa tụ́ naa kà a yị Idevidi, dị ọnị ọ̀ mẹ ka ò zwe dị asị a nyị ịsị ẹ mẹ̀ ẹ. Ọ kà ọnị ọ̀ yị vavọọ mẹ dị asị Ẹnẹyịmavara zẹẹ ka ò zoza yị ọnị. Dị ọ rẹ ka Ẹnẹyịmavara ọ̀ yà pè Idevidi anka ọ mẹ̀ yà pè Ịsọọrụ ada anị nị.

1 Ịsamụwẹrị 24:19

Áá nyị ọza ene re ọnịvị anị dị ọ̀ zẹẹ ka ọ̀ọ na ẹngwọọrọ? Ẹnẹyịmavara ọ̀ navọ ò si wu atọ ozoza agụvị ịsị wụ mẹ mị ajịnị aanị.

1 Ịsamụwẹrị 26:25

Dị Ịsọọrụ ka, “Idevidi ozi emi, Ohomorihi ọ̀ navọ ò zee wụ. Avaba ịsa ọnị wàa ka waa mẹ, vi ene vee zoza.” Di Idevidi si hu aa na, dị Ịsọọrụ sị varẹma aa nọ eehi nị.

1 Ịsamụwẹrị 7:12

Ịhị ọnọọ dị Ịsamụwẹrị sị ịrẹta di o hì ọ jẹẹ ịnị akakana Imizipa ọnịrị Iseni nị. Dị ọ ka ịzọọ ọ rị “Ịrẹta ọgụvọ”. Ọ kà, “Ẹnẹyịmavara ọ gụ ẹnị ụvọ ve tù ịzọọ.”