1 Ịsamụwẹrị 17:36 - IWE ỌNỊNỊ

³⁶ Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.

1 Ịsamụwẹrị 17:36 ပူးပေါင်းရင်းမြစ်များ

2 Ịtọpa 32:17

Iwe ọnị Isenakeribi chẹrẹ vị ọnị ọ sị kụ Ẹnẹyịmavara Ohomorihi Anisirẹrị ụhụ. Ộ kà ori anẹkụra ana vọ ẹ yị zụ dọ wa ha hụụnị ụvọ anị, ori Ihezekaya ẹ yị vaa zụ dọ aza anị ha hụụnị ụvọ anị.

Ayịsaya 10:15

Dị Ẹnẹyịmavara ve họ̀ use dị ọ̀ ka vị ịraga wáá rẹẹ kà a ka ọnị ọ nyị ụkata huna aza ana aa sị ọnịị dà ọchị nị? À vị ànyụ vaa kà a ka oni o kuku huna ọza ana aa sị ọnịị yẹrẹ ọchị nị? O re họ̀ use ka okutẹ óó chema ọza anị, ò vị ọza óó chema okutẹ nị?

Ayịsaya 36:15

Ọ kà Ihezekaya àa kà a wụ nịnị ka Ẹnẹyịmavara vaa dọ ẹkụra ọnọnịị tụ́ dị asị ịrẹkụ Anasiriya rị ọ, asị u tụ́ o ohi nịnị.

Ayịsaya 36:18

Ohinọyị Anasiriya ka Ihezekaya àa kà a ka Ẹnẹyịmavara vaa dọ wụ nịnịị tụ́, asị ẹwụ nịnị tụ́ o ohi oo! Ọ kà ẹwụ nịnị ọ́ọ́ wụ́ ọ da ka â nyị ori anẹkụra ọnyọọnyị ana zụ dọ aza anị hụrẹ ụvọ ohinọyị Anasiriya?

Ezikẹẹrị 28:10

Anẹkụra ọsa ẹnẹ ẹ̀ yị yẹ Ohomorihi vị ana vaa wụ̀ wụ anka a mẹẹ wụ irezi avọọ. Ọnị Ẹnẹyịmavara Ochẹtẹẹngụ ọ kà avọọ nị.

Ezikẹẹrị 32:19

Ọ kà ọnị ọ̀ kà a yị wa ka: Ví u wéé ro nịnị ka ẹwụ nịnị o zoza hu aza ana vọ nị? Ụ vaa nọ iro nịnị, dị ẹwụrị aza ẹnẹ ẹ̀ yị yẹ Ohomorihi, ẹ̀ na sụ̀tẹtẹ hi ịzọọ nịnị.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ịzakaraya 12:3

Ama yị ụmẹ ọnọọ o si tù, Ẹnẹyịmavara kà ọnị vaa mẹ Ijerusarẹmị ka ọ rata anka ịrẹta. Ọza ana a sị ọ vị ọnị ọ vaa tọ̀ ụnava. Avaba ẹkụra ene hi ịnị ẹhẹ vaa vabẹ gẹ ịrẹkụ tù ọ.

Ịzakaraya 2:8

Ịsị Ẹnẹyịmavara Ochẹtẹẹngụ ana nyị ụbanyị kà ya anẹkụra nịnị ana sị ụkata kụ́ ogu aza anị yị; Ọ kà ọza tụra ọza ana a kanyị wa, ọ raà jị ụvọ ngụ ọnị eyi.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

1 Ịsamụwẹrị 17:10

Dị Anihwirisiti ọnọọ rẹ ka, “Isoja Anisirẹrị m maa sịị mẹ ịyẹyẹ ịzẹnị ajịnị aanị nị. Mị ka wa tụ́ ọza ịnya vẹ nịnị dị ẹmịrị ọ ọ̀ gẹ ịrẹkụ.”

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:35

Ọ kà dị ọnị jịnẹ tù idu ọnọọ dị ọnị va ịsa hị́ ọ ẹngụ, dị ọnị dọ ẹvụ ọnọọ hụrẹ ẹ irenu nị. Ọ kà ọ̀ mẹ̀ tụra ọnị aa vẹ, dị ọnị za a evere, dị ọnị và ịsa hị́ ọ ẹngụ, dị ọnị wụ ọ nị.

1 Ịsamụwẹrị 17:37

Di Idevidi rẹ ka Ohomorihi ama dọ ọnị hụrẹ ụvọ idu ọnịrị ọdụmị rẹ vavọọ vaa dọ ọnị hụụnị ụvọ Anihwirisiti ọnọnị. Dị Ịsọọrụ ka Idevidi ọ̀ọ na, ka Ẹnẹyịmavara vaa yàa pe e.

1 Ịsamụwẹrị 18:17

Ẹkụhị ọnya dị Ịsọọrụ hị́ Idevidi dị ọ ka ọnị aa sị ozi ẹnẹẹ anị ana vị ọzọkụ ana aā hị́ Imeravu gà Idevidi nị. Ọ kà asị Idevidi hí angwa, ama òo pè ọnị mẹ̀ ụkọrọ dị ọ̀ọ kụ̀ ịrẹkụ yị Ẹnẹyịmavara. Ịsọọrụ ô ro o ka ẹ yị vị ọnị ọ vaa sị ụvọ anịị wụ Idevidi. Ọ kà Anihwirisiti nịnị ọ vaa wụ̀ ọ nị.

1 Ịsamụwẹrị 31:4

Dị Ịsọọrụ hị́ ọza anaā za ẹnya ịrẹkụụ gụ ọ dị ọ ka ọ̀ tụ̀ ụhwọ anị dị ọ̀ sị wụ ọnị nị. Ịsọọrụ ka à yị vị avọọ ẹẹmẹ ẹnẹ ẹ̀ yị ma jị ụvẹvẹnẹ aanị va wụ ọnị, dị ẹ yaa sị ọnịị mẹ ịyẹyẹ. Ama angwa ee hi ọza ọnọọ anaā za ẹnya ịrẹkụụ gụ Ịsọọrụ, ọ yị nyayịnẹ mẹ ịsị Ịsọọrụ ka ọ̀ mẹ. Dị Ịsọọrụ ọnị ụvọta tụ̀ ụhwọ anị, dị ọ sị wụ ẹngụ anị nị.