1 Ịsamụwẹrị 17:34 - IWE ỌNỊNỊ

³⁴ Di Idevidi tù ohi dị ọ ka ịsụpa ada anị ọnịị̄ sị eyii pe nị. Ọ kà â nyị ẹkụhị ọnya oni idu ọnịrị ọdụmị vẹ ka ẹnị ẹ̀ va za ẹvụ ọnya hụụnị ịsụpa anị.

1 Ịsamụwẹrị 17:34 ပူးပေါင်းရင်းမြစ်များ

Oyinyima 31:39

Ọ rẹ ka ọnị uye ịnị avị ọ̀ọ wụ̀, ọnị ẹ yị sị ọ ve tù ọ, ọnị ee si ụta anị nị. Ọ kà àa nyị oni oyi yi ụmẹ ọọdụ à vị ịrahụ, vị aa dọ ọnị ẹkẹhị anị nị.

2 Ịsamụwẹrị 17:8

Dị ọ rẹ ka Ẹwụ ụvọta ộ yẹ ada awụ ọnịrị aza ana yà pè e. Wâ yẹ ka isoja obooro ẹ vị nị. Ê divi anka ọdụmị ana a wụ̀ ezi. Wa rẹ yẹ ka o si kù ana ada awụ hụrẹ aa kụ̀ ịrẹkụ. Ọnịrị isoja anị ẹ yị vaa sụ aha ọnya ịrahụ.

2 Ịsamụwẹrị 23:20

 nyị ọnọrụ ọnya ana a rẹẹ̄ hị́ Ịbẹnaya ozi Ijehoyada. Anikabizeeri ọ vị nị, dị ahịka ọ̀kà ọ vị ịnị ịrẹkụ nị. Ộ mẹ̀ ịsa ẹbanyị-ẹbanyị. Ộ wụ ozi Ariyeri ẹẹva ana vị Animowabi; dị ọ hyahu rẹ wụ idu ini orozi ọnya aanị nị. Ụmẹ ọnọọ eguhi ene hunẹnẹ dọdọdọ aanị vị ene ee chire.

1 Ịtọpa 11:22

 nyị ọnọrụ ọnya ana aā hị́ Ịbẹnaya, ozi Ijehoyada; hụrị ẹtẹ Ikabizeeri. Isoja ene eyi yẹ ọ vị nị. Ịsa ọrụrụ ọ sị ayọvị mẹ nị. Ộ wụ̀ isoja Animowabi ẹẹva.  nyị ụmẹ ọnị ọ sị ngụ ụsị ụmẹ ẹtẹ ohunẹnẹ obobooro, dị ọ na wụ idu nị.

Ahẹ Ụgama 143:5

Mâ tamayị ịyẹẹyẹ, di mee ro ịrẹyị ịsa ẹbanyị-ẹbanyị ọnị ụụ̄ sị ụkata awụụ mẹ nị.

Ezikẹẹrị 34:12

Ọnị vaa tẹsị ẹnịnị anka oseratẹmẹ mẹẹ tẹsị atẹmẹ anị ana gara hi dị a varẹma kụ wa va gu avọọ. Ọ kà ọnị vaa kụ waa vaavẹ hụrị avaba aha ana á gara wa ne hi ịnị ụmẹ odivi ọnị ẹngụkata si tu wa.

Emọsị 3:12

Ẹnẹyịmavara kà anka oseratẹmẹ mẹẹ̄ sịị vụrị dọ ẹpẹẹpẹrẹ uye ahụ ọnịrị ụtọ atẹmẹ ana vọ hụụnị irenu idu avọọ, avọọ ọnị mẹ vaa dọ Anisirẹrị nịnị chee ene hi Ịsamarịya ha hụụnị ụvọ ọnịvị ẹnịnị nị. Dị a tụ̀ wa avosusu, dị ahịka ọkansẹsẹ ụvẹnẹ ẹnịnị ọnịrị operẹsụ ana ku hẹ̀ kẹnẹ ọ vọ tụ wa ụvọ nị.

Ịzakaraya 11:16

Ẹnẹyịmavara kà ọnị ộ sị oseratẹmẹ ka o sị eyi pe atẹmẹ anị, ama ẹ yị mẹ ọgụvọ yị ẹnị uye ee chire angwa, o yi si ene vu, ẹ yị mẹ ụnava ẹnị ana tọ ụna, a vị dị ọ hyakụ sị ịsa yị ẹnị ana nịya.

Ịzakaraya 9:7

Ẹnẹyịmavara kà ọnị vaa dọ wa uye anya-anya hụrẹ wa irenu agụvị ka ịsa enyisi ẹ yaa rị nị. Aza ana ha vaa vị ya ịnị aza anị anka ịrẹsụ ọnya ịnị Ijuda. Ekironi vaa sị mẹ anka Ijebu avọọ nị.

Iruuku 2:8

 nyị oseratẹmẹ ẹnyị aanị ịnị ẹkụra ọnọọ. Dị ẹnịnị hi ịnị avị ịrahụ, di eyee sere atẹmẹ ẹnịnị nị.

Ịjọọnụ 10:11

“Ẹmị ọnọnị ọ vị ọza anaā tẹsị atẹmẹ ẹtẹẹtẹrẹ nị. Ọza anaā tẹsị atẹmẹ anị ẹtẹẹtẹrẹ vị anaā sịị ụhwẹ anịị tịtẹẹ yị atẹmẹ anị.

Aniroomi 5:4

Yàa zụụ sị ẹngụụ dọ ịrẹyị, ọ vaa mẹ ka yaa vịra. Yàa sị vịra, dị yaa nyị ọyịtureyi.

Anihiburu 11:33

Ẹnịnị ệ sị ayị tụra Ohomorihi, dị ọ mẹ ka ẹ̀ zụ nyị ehuna ẹkụra irenyi-irenyi nị, ệ mẹ̀ ịsa ana vọrọ, ệ dọ ịsa oni Ohomorihi zẹẹ wa ịzẹzẹ anị. Aza ẹnyị ẹnịnị ệ mẹ ka idu nịnị è kú irenu ẹnịnị kú oku.

Ẹtore 13:2

Uye ịnị avị oni mi re aanị vị ana sị mẹẹ anka ẹzụ avọọ. Dị ọ nyị ụvọ vene ụvọ idu nị. Irenu anị vị ana rẹ sị mẹẹ irenu idu avọọ Di uye odivi ọnọọ sị avaba ụkata anịị yọ nị.

Ọdọvịdị 14:6

Dị Ẹnẹyịmavara sị ụkata yị Ịsamịsịnị dị ọ za idu ọnọọ dị ọ gara ha anka ọza o rere a wụ̀ ozi ẹvụ avọọ nị. Ẹ yị nyị ịsa ọ sị rị ụvọ dị ọ vavọọ mẹ, Ịsamịsịnị ẹ yị kà a yị ada anị ọnịrị ọnyị anị ọ mẹ vavọọ mẹ.

1 Ịsamụwẹrị 17:15

Idevidi ọ̀ọ hụụ ịda Ịsọọrụ di o ne hee atẹmẹ ada anị Ịbẹtịrẹhẹmị, dị ọ rẹ vavẹ.

1 Ịsamụwẹrị 17:33

Di Ịsọọrụ kà a yi Idevidi dị ọ ka o yi ve zụ nee pe Anihwirisiti ọnọọ kụ̀ ịrẹkụ agụvị ka ọ sị vị ozweyi. Dị ọ rẹ ka Anihwirisiti vị ana aa kụ̀ ịrẹkụ ọ́ mẹ̀ hụrẹ vị ozweyi.

1 Ịsamụwẹrị 17:35

Ọ kà dị ọnị jịnẹ tù idu ọnọọ dị ọnị va ịsa hị́ ọ ẹngụ, dị ọnị dọ ẹvụ ọnọọ hụrẹ ẹ irenu nị. Ọ kà ọ̀ mẹ̀ tụra ọnị aa vẹ, dị ọnị za a evere, dị ọnị và ịsa hị́ ọ ẹngụ, dị ọnị wụ ọ nị.