1 Ịsamụwẹrị 17:26 - IWE ỌNỊNỊ

²⁶ Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:26 ပူးပေါင်းရင်းမြစ်များ

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

2 Ịtọpa 32:17

Iwe ọnị Isenakeribi chẹrẹ vị ọnị ọ sị kụ Ẹnẹyịmavara Ohomorihi Anisirẹrị ụhụ. Ộ kà ori anẹkụra ana vọ ẹ yị zụ dọ wa ha hụụnị ụvọ anị, ori Ihezekaya ẹ yị vaa zụ dọ aza anị ha hụụnị ụvọ anị.

Inehemaya 5:9

Dị mị kà a yị wa ka; ịsị ẹyaa mẹ aanị e yi zoza o. Â vọrọ ka ẹnịnị è hí angwahi Ohomorihi ịnị ịsị ẹ̀ẹ yaa mẹ, agụvị enyinyi anẹkụra ana vọ ana vị ọnịvị ẹnịnị.

Ahẹ Ụgama 44:13

Anokokooro ayị vi ene kuku ee nyị yi unyi dị ẹyaa mẹ yị isiya.

Ahẹ Ụgama 74:18

Ẹnẹyịmavara, tamayị ẹhụ isiya ọnị ọnịvị awụ mẹ wụ, dị ọnụra nịnị na sị eyii wụ wụ.

Ahẹ Ụgama 79:12

Ẹnẹyịmavara, wê re anokokooro ayị màa sị wụụ mẹ ịyẹyẹ. Navọ wa vavọọ si wa atọ ịrẹyị ọnọọ oze ịhịmba.

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ijeremaya 9:25

Ẹnẹyịmavara kà, ụmẹ aa vẹ ọnị ọnị vaa sị ụyaa rị aza ana a jị ụvẹvẹnẹ ama dị ẹnịnị ẹ yị mẹ̀ ebira aza ana jị ụvẹvẹnẹ.

Ijeremaya 9:26

Anijipiti nịnị, Anijuda nịnị, Anedomi nịnị, Anaamọnị nịnị, Animowabi nịnị ẹnịrị avaba aza ana ra hi ịnị ụnọmị rọnyị-rọnyị. Ka avaba aza ẹnẹnị ẹ yị jị ụvẹvẹnẹ, dị avaba Anisirẹrị nịnị ẹnị ẹ̀ yị rẹ mẹ̀ ebira aza ana a jị ụvẹvẹnẹ nị.

Ezikẹẹrị 28:10

Anẹkụra ọsa ẹnẹ ẹ̀ yị yẹ Ohomorihi vị ana vaa wụ̀ wụ anka a mẹẹ wụ irezi avọọ. Ọnị Ẹnẹyịmavara Ochẹtẹẹngụ ọ kà avọọ nị.

Ịdanịyẹrị 5:23

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ịdanịyẹrị 6:27

Ọ kà, Ohomorihi ọnọọ ọọ̄ dọ ọzaa há hụụnị avaba ịrẹyị odivi nị. Ọnị ọọ̄ mẹ̀ ịvọpa ọnịrị ịtọmatapa ẹbẹẹba ọnịrị ịnị ẹhẹ nị. Ọnị ọnọọ ọ dọ Ịdanịyẹrị há ka asị idu nịnị zụ wụ ọ nị.

Ịdanịyẹrị 9:16

Ẹnẹyịmavara, anka ụ mẹ mẹ̀ ịzẹyịza hi yị ịyẹẹyẹ navọ a sị ụ kụkụ kụ ayị hi Ijerusarẹmị huni aanị. Ẹkụra awụ ọnị ụ yaā sị ẹngụ awụ zụ ọ vị nị. Ama agụvị ebira odivi ohiku ayị nịnị, Ijerusarẹmị ọnọọ ọnịrị aza awụ avaba anẹkụra ana kara a kụkụ a sị mẹ enyinyi aanị nị.

Ijowẹrị 2:19

Dị ọ tu wa ohi ka ọnị vaa mẹ ka ịsa ịnị aarẹ ẹnịnị o zoza, dị ẹ nyị akụ ọnịrị eche ọwọọwa ne beri angwẹ ana hụ́ wa, dị ọ vọ ẹtẹ hi ẹtẹ. Agụvị avọọ Anẹkụra ana vọ ẹ yị kụkụ vaa sị wa ẹtẹ.

Iwe Ọhụhị Imosiisi ana aa hị́ Ọyịvatụrọda 5:26

Ẹnẹ nyẹngụ wụ Ohomorihi ana yara ịrẹyị hụụnị ịra, dị ọ yara?

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

1 Ịsamụwẹrị 11:2

Di Inahasi Anamọrị ọnọọ tụ́ ohi dị ọ ka, “Ịsa ọnya kẹnẹ ụ zụ mẹ̀ nịnị dị asị mi pè wu nịnị kụ̀ ịrẹkụ nị. Jẹẹ ma tụ̀ eyi ụvọrị awụ nịnị, dị ma sị mẹ̀ ụhị nyị Anisirẹrị.”

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

1 Ịsamụwẹrị 17:10

Dị Anihwirisiti ọnọọ rẹ ka, “Isoja Anisirẹrị m maa sịị mẹ ịyẹyẹ ịzẹnị ajịnị aanị nị. Mị ka wa tụ́ ọza ịnya vẹ nịnị dị ẹmịrị ọ ọ̀ gẹ ịrẹkụ.”

1 Ịsamụwẹrị 17:30

Dị ọ hụụ ịda ọza ọnị ọnịrị vịdị aa kà ịrẹyị di o ne tù ọza ẹnẹsa dị ẹ rẹ yaa kà ịrẹyị ọnọọ ọnyọọnya nị. Dị ahịka ohi ọnyọọnya aza ẹnẹẹ ẹnị rẹ tụ́ ọ nị.

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.

1 Ịsamụwẹrị 31:4

Dị Ịsọọrụ hị́ ọza anaā za ẹnya ịrẹkụụ gụ ọ dị ọ ka ọ̀ tụ̀ ụhwọ anị dị ọ̀ sị wụ ọnị nị. Ịsọọrụ ka à yị vị avọọ ẹẹmẹ ẹnẹ ẹ̀ yị ma jị ụvẹvẹnẹ aanị va wụ ọnị, dị ẹ yaa sị ọnịị mẹ ịyẹyẹ. Ama angwa ee hi ọza ọnọọ anaā za ẹnya ịrẹkụụ gụ Ịsọọrụ, ọ yị nyayịnẹ mẹ ịsị Ịsọọrụ ka ọ̀ mẹ. Dị Ịsọọrụ ọnị ụvọta tụ̀ ụhwọ anị, dị ọ sị wụ ẹngụ anị nị.