1 Ịsamụwẹrị 17:12 - IWE ỌNỊNỊ

¹² Idevidi vị ọnya ịnị ezi ọnọrụ Ijeese ana vị Anehwurata ana ra Ịbẹtịrẹhẹmị ịnị ẹtẹ Ijuda. Ijeese ộ ma ezi ọnọrụ ịhịnta. Ijeese o si bo ẹtẹẹtẹrẹ ịnị ụmẹ ọnị Ịsọọrụ sị vị ohinọyị.

1 Ịsamụwẹrị 17:12 ပူးပေါင်းရင်းမြစ်များ

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.

2 Ịsamụwẹrị 23:1

Ịrẹyị ẹnẹnị Idevidi ka ọdịrẹma nị. Idevidi ozi Ijeese ọ kà ịrẹyị ẹnẹnị nị. Idevidi vị ọza ọnị Ohomorihi sị tụ́ ẹba. Ọnị ọ maanị kà ịrẹyị ọnọnị nị. Ohomorihi oni Ijekọvụ hẹkẹ ọ nyị Idevidi vị ohinọyị nị. Ọnị ọ vị ahẹ ohine ọnị Anisirẹrị nịnị jị nị.

Ahẹ Ụgama 132:6

I mè hi Ehwirati, yâ wụ́ ịrẹyị Apoti ịrẹyị oni Ohomorihi kà tịtẹ, di i ve ne tù apoti ọnọọ Ijaari nị.

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imatiwu 1:6

Ijeese ọ ma Idevidi ana vị ohinọyị nị. Dị Idevidi ohinọyị ma Isoromọnị ọnị ọnyị anị vịdị vị ose Uriya nị.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Imatiwu 2:6

Ẹwụ ẹkụra Ịbẹtịrẹhẹmị ana ya ịnị ẹtẹ Ijuda, ẹ yị vị ẹwụ o weyi hu keekere ini ohirẹsụ ẹkụra Ijuda nịnị, agụvị ka ịdị awụ óhinọyị ọnya vaa hụrẹẹ vẹ ana vaa sị oze zụ̀ aza amị ana vị Anisirẹrị nịnị nị.

Iruutu 1:2

Ịrẹha ọnọrụ ọnọọ ọ rị Ẹrịmẹrẹkị, dị ose anị ọnị rị Inawomi, dị ezi anị ẹnị rẹ rị Imahironi ọnịrị Ikiriyoni nị. Ẹnịnị vị Anehwurata. Ệ kụ̀rà na ra Imowabi ịnị ụmẹ ụngwẹ ọnọọ.

Iruutu 4:17

Dị Ẹnyẹnẹẹ anokokooro ọnọọ aa kà a zị ka a si ozi ọnọrụ ma yị Inawomi. Dị ẹ ka ịrẹha aanị ọ rị Ọbẹdị nị. Ọbẹdị ọnọnị ọ vị ada Ijeese, dị Ijeese ọnị vị ada Idevidi ana vị ohinọyị nị.

Iruutu 4:22

Ọbẹdị vị ada Ijeese, dị Ijeese ọnị vị ada Idevidi ana vị ohinọyị nị.

1 Ịsamụwẹrị 1:1

 nyị ụmẹ ọnya, dị a nyị ọnọrụ ọnya aanị ana aā hị́ Erikana ana ra Iraama. Iraama vị ọnyara ịnị ẹkụra ana yà ịrẹsụ ataba ịnị ẹtẹ Ehwireemi. Ada anị ọbanyị ịrẹmị-ịrẹma ọ rị Izuhwi nị. Ada Erikana ọ rị Ijerohami nị. Ijerohami vị ozi Erihu ana ada anị rị Itohu. Ada Itohu ọ rị Izuhwi nị. Ẹnịnị vị Anehwireemi.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 17:11

Ịsọọrụ ọnịrị avaba Anisirẹrị ana vọ mẹ maanị wụ́ ịrẹyị ọnị Anihwirisiti ọnọọ aa kà dị angwahi sị ngụ wa ẹngụ, dị ayị aa hụrẹ wa ịnẹ ẹtẹẹtẹrẹ nị.

1 Ịsamụwẹrị 17:58

Dị Ịsọọrụ ka, “Ozi ọnọnị, ẹnị ẹ ma wụụ?” Di Idevidi ka, “Taarụ, Ijeese ana vị Anịbẹtịrẹhẹmị ọ vị ada amị nị.”