1 Ịsamụwẹrị 17:11 - IWE ỌNỊNỊ

¹¹ Ịsọọrụ ọnịrị avaba Anisirẹrị ana vọ mẹ maanị wụ́ ịrẹyị ọnị Anihwirisiti ọnọọ aa kà dị angwahi sị ngụ wa ẹngụ, dị ayị aa hụrẹ wa ịnẹ ẹtẹẹtẹrẹ nị.

1 Ịsamụwẹrị 17:11 ပူးပေါင်းရင်းမြစ်များ

Ahẹ Ụgama 118:6

Ẹnẹyịmavara vị ana jẹẹ mị ịrẹma, agụvị avọọ me yi vee hí angwa. Mâ yẹ ka ẹ yị nyị ịsị ọza zụ sị mẹ mị.

Ahẹ Ụgama 27:1

Ẹnẹyịmavara aa sị ẹtohweyi zụ̀ mị nị. Ọnị aa dọ mịị ha nị agụvị avọọ ẹ yị nyị ọza ọnyọọnyị oni mee hí angwa anị. Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị agụvị avọọ m mè yị hí angwa ọza ọnyọọnyị nị.

Ụhịrẹyị 28:1

Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ayịsaya 57:11

Ẹnẹyịmavara kà, “Ẹnẹ vị ori ẹnẹnị enee chire wu angwa, ana mẹ ka wee cheechee yị mị, di u ree hi ayị amị saka-saka. Agụvị ka me yi tụ́ ohi hụrẹ ịhị ọnọọ, ọ́ọ́ mẹ ka à sị ụ sị ụbanyị yị mị nị?

Iwe Ọhụhị Imosiisi ana aa hị́ Ọyịvatụrọda 31:8

Asị e hí angwa ọnịvị ẹnịnị agụvị ka Ẹnẹyịmavara vaa dọ ọvịdị ẹnịnị na ngụ ịzọọ. Ọ vaa ya pe wa, ọ̀ yị vaa hụrẹ wa ụvọ.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

1 Ịsamụwẹrị 13:7

Anihiburu ẹnyị vị ana hyakụ zwe nọ akẹnẹ Okuha Ịjọdanị, dị ẹ na ngụ ịnị ẹtẹ Igadi ọnịrị ẹtẹ Anigiriyadi. Ịsọọrụ ọnị yị yà Igirigari Isoja ana yà pèe tụ́ ịzọọ vị ana angwa ee hi dị ẹngụ ẹnịnị aa banyị.

1 Ịsamụwẹrị 17:10

Dị Anihwirisiti ọnọọ rẹ ka, “Isoja Anisirẹrị m maa sịị mẹ ịyẹyẹ ịzẹnị ajịnị aanị nị. Mị ka wa tụ́ ọza ịnya vẹ nịnị dị ẹmịrị ọ ọ̀ gẹ ịrẹkụ.”

1 Ịsamụwẹrị 17:12

Idevidi vị ọnya ịnị ezi ọnọrụ Ijeese ana vị Anehwurata ana ra Ịbẹtịrẹhẹmị ịnị ẹtẹ Ijuda. Ijeese ộ ma ezi ọnọrụ ịhịnta. Ijeese o si bo ẹtẹẹtẹrẹ ịnị ụmẹ ọnị Ịsọọrụ sị vị ohinọyị.

1 Ịsamụwẹrị 21:13

Dị ọ kụkụ aa mẹ apẹ ka ọnụra ọnịvị éyi ẹnịnị nị. Ọ̀ọ sị vi eyi ẹnịnị dị aa mẹ anka ọnụra avọọ. Di aa chẹrẹ ịsaa hi ini ukere oze ana na ngụ ịnị ẹkụra, dị ọ raa và atẹẹ hi ịrẹwa nị.

1 Ịsamụwẹrị 7:7

Anihwirisiti nịnị ệ wụ́ ka Anisirẹrị ẹ sị kụ́ gụ tụ́ Imizipa. Dị ẹ na kụ́ ẹnya ịrẹkụ ẹnịnị, dị ẹ kụ̀ ịrẹkụ ne tù Anisirẹrị nị. Ịjị Anisirẹrị vavọọ wụ́ ka Anihwirisiti ệ kụ́ ịrẹkụ aa vẹ, dị angwa ee hi wa nị.