1 Ịsamụwẹrị 17:10 - IWE ỌNỊNỊ

¹⁰ Dị Anihwirisiti ọnọọ rẹ ka, “Isoja Anisirẹrị m maa sịị mẹ ịyẹyẹ ịzẹnị ajịnị aanị nị. Mị ka wa tụ́ ọza ịnya vẹ nịnị dị ẹmịrị ọ ọ̀ gẹ ịrẹkụ.”

1 Ịsamụwẹrị 17:10 ပူးပေါင်းရင်းမြစ်များ

2 Ịsamụwẹrị 21:21

Ẹkụhị ọnya dị ọmụha ọnọọ aa sị Anisirẹrị mẹ ịyẹyẹ nị. Di Ijonatani ozi Isimịya ọyịnyara Idevidi wụ ọ nị.

2 Ịsamụwẹrị 23:9

Eriyaza ozi Idodo ana vị Anahohi ọ vị ọgwọhụva ịnị ẹnị ọkụrẹkụ ẹẹta ẹnẹnị nị. Â nyị ụmẹ ọnya ana ahịka Eriyaza ọnịrị Idevidi kẹnẹ ẹ gẹ ịrẹkụ tu Anihwirisiti nịnị ana gụ eyi ịrẹkụ tu Anisirẹrị nịnị. Ụmẹ ọnọọ, Anisirẹrị nịnị ana vọ e si zwe varẹma.

2 Ohinọyị 19:4

Aanị ohinọyị Ásiriya mẹ̀ tụ ọdọvịdị anụkọrọ anị nịnị ka ẹ̀ va kụ́ Ohomorihi ana yara ụhụ nị. Ẹnẹyịmavara, Ohomorihi ọ̀ wụ ụhụ ẹnẹnị, dị ọ̀ sị ụya rị aza ana vavọọ kụ ọ ụhụ. Agụvị avọọ mẹ̀ aduwa hi Ohomorihi yị ẹnị chee ana vọ aanị.

Inehemaya 2:19

Ịjị Ịsanbaratị Anihoroni ọnịrị Itobaya Anamọnị neberi Ịgẹsẹmị Anarabi wụ́ ịrẹyị ọnọọ, dị ẹ ya sị Inehemaya nịnị mẹ enyinyi nị. Dị ẹ kà sị Aniju nịnị ro ka ẹnị aa mẹ kẹ? Ẹnịnị wáá mẹ akamawụ hị́ ohinọyị nị?

Ụhịrẹyị 16:18

Ụhị ọọ̄ nyị ọza anaā sịị ẹngụ tụ ẹba nị. Ịrẹsụ ọyị sị tụ́ ẹba vị anaā va ọza nẹtẹ.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ịdanịyẹrị 4:37

Dị ọnị kụkụ aa sị ụga ọnịrị ụbanyịị yị ohinọyị ana nyị ẹbẹẹba nị. Agụvị ka ịzẹyịza ọnịrị ịsa ana vọrọ ọọ̄ mẹ̀ nị. Ọza ẹ̀ yịị yaraa sị ẹngụ anịị tụ ẹba Ohomorihi ọ zụ và a nẹtẹ.

1 Ịsamụwẹrị 17:11

Ịsọọrụ ọnịrị avaba Anisirẹrị ana vọ mẹ maanị wụ́ ịrẹyị ọnị Anihwirisiti ọnọọ aa kà dị angwahi sị ngụ wa ẹngụ, dị ayị aa hụrẹ wa ịnẹ ẹtẹẹtẹrẹ nị.

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.

1 Ịsamụwẹrị 17:45

Di Idevidi tụ́ Anihwirisiti ọnọọ ohi dị ọ ka, “Wa sị ụhwọ ọnịrị ọha irenyi-irenyi aa tụra ka mị vẹ, ama ẹmị vị ana sị ayị tụra Ohomorihi Ochẹtẹẹngụ di mee vee tù wu. Ọnị ọ vị Ohomorihi isoja Anisirẹrị ọnị ụ maanị aa sịị mẹ ịyẹyẹ nị.