1 Ịsamụwẹrị 17:1 - IWE ỌNỊNỊ

¹ Ụmẹ ọnya yà ịzọọ dị Anihwirisiti nịnị kụ́ isoja ẹnịnị gụ ka ẹnị ẹ̀ na kụ̀ ịrẹkụ nị. Ẹnịnị vị ana kụ́ gụ ịzị aā hị́ Isukutu ịnị ẹtẹ Ijuda. Dị ahịka ịnị akakana Isukutu ọnịrị Azeeka ịnị ẹtẹ Apesidamimi ẹ́nịnị kụ́ udi tụ́ nị.

1 Ịsamụwẹrị 17:1 ပူးပေါင်းရင်းမြစ်များ

1 Ịtọpa 11:13

Ộ saasa Idevidi ne pe Anihwirisiti nịnị kụ̀ ịrẹkụ ịzị aā hị́ Ipasi-Idamimi. Ộ yà ịnị aarẹ ịzị a kụ́ ibaari hi dị Anisirẹrị nịnị ee zwè.

2 Ịtọpa 11:7

Ịbẹtịzuri, Isoko, Adurami,

2 Ịtọpa 28:18

Ịnị ụmẹ ọnọọ ọnyọọnya, Anihwirisiti nini sị ngụ tù ẹkụra ene hi iruvo ataba Ijuda ọnịrị ịnị Ịnẹgẹvị, eyi ụvẹtẹ Ijuda nị. Ẹnịnị ẹ raà rị Ịbẹtị-Isemesi, Ayijaroni, Igederoti, Isoko ọnịrị ẹkụra eweyi-eweyi anị, Itimina ọnịrị ẹkụra eweyi-eweyi anị ne beri Igimizo ọnịrị ẹkụra eweyi-eweyi anị. Ẹ mẹ sị wa rị, dị ẹ ra ẹkụra ẹnẹẹ nị.

Ijeremaya 34:7

Ụmẹ ọnọọ, isoja ohinọyị Ịbabịrọnị kụ ịrẹkụ ve tu Ijerusarẹmị ọnịrị ẹkụra ana vọ hi Ijuda nị. Ẹkụra ẹnẹẹ ẹ rị Irakisi ọnịrị Azẹka nị.

Ijosuwa 15:35

Ijarimuti, Adurami, Isoko, beri Azeka

Ọdọvịdị 3:3

Anẹkụra ọnị Ẹnẹyịmavara navọ ẹ vị: Anihwirisiti ana nyị ohinọyị ẹẹhị, avaba Anikenaani, Anịsayịdọnị, Ihivitiana ra ịrẹsụ ataba Ịrẹbanọnị hụrẹ ataba Ịbaarị Ihamọnị huu na ngụ oze Irebo-Ihamati.

1 Ịsamụwẹrị 13:5

Dị Anihwirisiti nịnị kụ́ ẹngụ gụ ka ẹnịrị Anisirẹrị ẹ va kụ̀ ịrẹkụ nị. Isoja Anihwirisiti ana nyị ịkẹkẹ ịrẹkụ oni umaataā tura vị ẹnị akawụ rị akahị. Dị ẹnị anaā sịị ịkẹkẹ ịrẹkụ oni umaataā tura kụ̀ ịrẹkụ ẹnị vị ẹnị akawụ-akawụ oze ẹẹta nị. Isoja ana vọ ẹnị vị otomiroku, ẹ rụrụ anka ààrẹ ụtọ ókū avọọ nị. Dị ẹnịnị hịrẹ nọ Imikimasi di e ne gù ịrẹkụ ẹnịnị tụ́ eyi ọnị ọyịị̄ zịị vẹ ẹkụra Ịbẹtị-Aveni.

1 Ịsamụwẹrị 14:46

Dị Ịsọọrụ ọ̀ yị kụkụ dụ Anihwirisiti nịnị, dị ẹ varẹma aa nọ ịda ẹnịnị nị.

1 Ịsamụwẹrị 14:52

Ịsọọrụ mẹ̀ yà ẹhẹ, ọnịrị Anihwirisiti vị ana aa kụ́ ịrẹkụ pooro kẹnẹ. Ọza tụra ọza ọnị Ịsọọrụ òo re ka ayị anị ộ vị, dị ọ zụ kụ̀ ịrẹkụ nị, dị ọ za a tụ́ ini isoja anị.

1 Ịsamụwẹrị 7:7

Anihwirisiti nịnị ệ wụ́ ka Anisirẹrị ẹ sị kụ́ gụ tụ́ Imizipa. Dị ẹ na kụ́ ẹnya ịrẹkụ ẹnịnị, dị ẹ kụ̀ ịrẹkụ ne tù Anisirẹrị nị. Ịjị Anisirẹrị vavọọ wụ́ ka Anihwirisiti ệ kụ́ ịrẹkụ aa vẹ, dị angwa ee hi wa nị.