1 Ịsamụwẹrị 16:7 - IWE ỌNỊNỊ

⁷ Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.

1 Ịsamụwẹrị 16:7 ပူးပေါင်းရင်းမြစ်များ

Oyinyima 4:5

Ama ebira Ikeeni ọnịrị ịsọvọ ọnị ọ mẹ e yi zee Ohomorihi eyi. Agụvị avọọ dị ayị Ikeeni aa dà ọ̀va, dị ọ sụ́ eyi anị nganganga nị.

2 Ịsamụwẹrị 14:25

Abịsarọmị ô zoza pooro ọza o yi re ẹngụ anị ịnị avaba Anisirẹrị. Avọọ aza màa kà a nị. Hụrẹ ịrẹsụ anị huu na ngụ ahẹtẹ anị, ẹ yị nyị ịsa ikonya ene e zụ si du ọ.

2 Ịsamụwẹrị 7:20

Sị mị vị ana zụ kà a wụ booro aanị? Ẹnẹyịmavara Ochẹtẹẹngụ, wâ yẹ ẹmị ozi ahụ awụ.

1 Ohinọyị 8:39

navọ kwogwo we batọ hụrẹ ẹbẹẹba ịzị ụ yà, dị wa vagu aza awụ. Navọ à nyị ịsị ụ mẹ. Ịsị waa yẹ ka ọzọza ô sì ịnị ayị anị, navọ dị wa mẹ̀ ẹ yọ anka oze ọzọza mẹ̀ yà. Ẹwụ nya kẹnẹ ọ yẹ ayị avaba aza nị.

1 Ịtọpa 17:18

Idevidi ka, sị ọnị kụkụ zụ kà da, ọ ka Ohomorihi ộ yẹ ẹngụ ọza ọnị ọnị vị, ama dị ọ maanị yị sị ụbanyị yị ọnị ozi ahụ anị nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

2 Ịtọpa 16:9

Ẹnẹyịmavara vị ana nyayịnẹ si eyi pe ẹhẹ agụvị dị ọ sị ụkata yị aza ana sị avaba ayị ẹnịnị yọ. Ama ẹwa sị ụra ọdẹngụ mẹ. Hụrẹ ụmẹ ọnọnị na, u vaa kụ́ ịrẹkụ pooro nị.

2 Ịtọpa 6:30

Navọ wa wụ́ aduwa ẹnịnị. Be wa atọ ịnị eehi awụ ẹbẹẹba, dị u wa vagu wa. Ẹwụ kẹnẹ ọ yẹ ịsị ẹ vị ariro ọzọza nị. Mẹ̀ ẹhụ ọpa ebira ọzọza hi wa,

Ijoovu 10:4

Ọnịrị ọza wéé vi ene kụkụ ee re ẹtẹ ọnyọọnya nị?

Ijoovu 35:5

Kana eyi ihinẹba di u we re. Re ịzị eguhi nịnị nẹba na za.

Ahẹ Ụgama 139:2

Wâ yẹ avaba ịsa ọnị maa mẹ̀. Ụ mẹ̀ yị yà ẹnẹẹnẹ, wâ yẹ ịsị mee ro.

Ahẹ Ụgama 7:9

Mâ yẹ ka ẹwụ vị Ohomorihi ana aā mẹ ịrẹyị ana vọrọ. Wâ yẹ ịsa oni yee ro ọnịrị ịsa oni yee sì ịnị ayị ayị. Navọ wa za aza edivi ụvọ chire enyi, dị asị ẹ rẹ kụkụ chamayị. Navọ dị wa sị ahụ aza ana aa mẹ ịzẹyịza jẹẹ.

Ụhịrẹyị 15:11

Ẹnẹyịmavara mẹ re avaba ịsa ana na ịda aneku, avọọ o me re ré ayị ọzọza nị.

Ụhịrẹyị 16:2

Avaba ịsa ọnị ọzaā mẹ vị ọnị o rò ka ọ̀ vọrọ, ama Ẹnẹyịmavara e re ayị ọza nị.

Ụhịrẹyị 24:12

Asị ụ kà a ka ẹ yị nyị awụ rị ịnị anị agụvị ka Ohomorihi ọ yẹ ayị́ ọzọza, di e re ọzọza nị. O vee sí ọzọza atọ ịsị ọnị ọ̀ mẹ̀.

Ụhịrẹyị 31:30

Uzoza ọ zụ vene ọza o, ọ vaa sa, ama ọnẹẹ ana nyị angwahi Ẹnẹyịmavara vị ana vọrọ ka àa ga.

Ijeremaya 11:20

Dị Ijeremaya ka, ẹwụ Ẹnẹyịmavara Ochẹtẹẹngụ, ẹwụ aa mẹ̀ ọkarẹyị ọ mẹ vọrọ nị. Ẹwụ zama ayị ọza ọnịrị ivehu ọzaa re nị. Ọ̀ na ọ̀ họ̀ oponu ịrẹyị anị ịrẹsụ aza ẹnẹnị dị ọnị ò ree, Ẹnẹyịmavara ọnị sị ịrẹyị anị chire ụvọ nị o.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ijeremaya 20:12

Ama Ẹnẹyịmavara Ochẹtẹẹngụ, ẹwụ aa sị ịzẹyịzaa zama azaa re nị. Waa yẹ ịsị ẹ yà ịnị ayị aza, ọ ka, Ẹnẹyịmavara ọ̀ navọ ọnị o re ịjị aa họ̀ oponu ịrẹsụ ọnịvị anị nịnị.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Ịjọọnụ 7:24

Asị ụ rẹ̀ mẹ̀ ọkarẹyị eyi-eyi nịnị, waa sị ịzẹyịzaa mẹ̀ ọkarẹyị nịnị.”

Ịjọọnụ 8:15

Ẹwụ nịnị vị ana aa mẹ̀ ọkarẹyị anka ọza kẹnẹ. Ama ẹmị ẹ yị mẹ̀ ọkarẹyị yị ọzọnyị-ọzọnyị.

Odeyi 1:24

Dị odeyi nịnị mẹ̀ aduwa dị ẹ ka, “Ananyị yị, wâ yẹ ayị avaba aza. Agụvị avọọ sị zụ̀ yị ọza ọnị ụ wàa nyị ịnị ẹnị ẹyịva ẹnẹnị

2 Anịkọrịntị 10:10

Aza ẹnyị aa kà a ka ịrẹyị ini iwe Ịpọọrụ ộ katẹngụ, o zụ henyi ọza. Ama ọnị ụvọta ọ̀ọ va sị ngụ ịdị ayị dị ọ sị vara ọza gụyẹ-gụyẹ, dị ẹ yị nyị ịsị ịrẹyị anị vị.

2 Anịkọrịntị 10:7

Wáá yẹ nịnị ka ịzẹyịza ọ yị kà a ka asị ọza kà ọnị? Àa nyị aza ana dọ ka hịịn Óohinọyị oni Ohomorihi nyị ka ọ̀ dọ yị há ẹnị vị nị, aza ẹnẹẹ ẹ̀ tamayị ka, ẹnị mẹ̀ vị Óohinọyị oni Ohomorihi nyị ka ọ̀ dọ yị há avọọ, avọọ ẹyị mẹ̀ rẹ vị aanị nị.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

1Ipita 2:4

Vẹ ịdị Ijeesu Ikirisiti ana vị Ịrẹta ana yára nịnị. Aza ê yi ọ tịtẹ, ama Ohomorihi ọ sị ọ nyị, ịsa obooro ọ vị̀ yị Ohomorihi nị.

1Ipita 3:4

Ama navọ ọvị awụ nịnị ọ̀ vị ọvị ịnị ayị, ẹhụụ ayọnẹtẹ ọnịrị ebira hẹẹ; ẹngụ ọvị ẹnẹẹ e mē du, ịsa obooro ẹ rẹ vị ini eyi Ohomorihi nị.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

1 Ịsamụwẹrị 2:3

Asị ụ rẹ maanị nyị irenu nịnị. Asị ụ re wo oto nịnị. Ẹnẹyịmavara ana vị Ohomorihi ộ yẹ avaba ịsa, ọnị ọọ̄ mẹ̀ ọkarẹyị avaba ịsa ọnị yaa mẹ̀ nị.

1 Ịsamụwẹrị 9:2

Ikisi ọnọọ ộ ma ozi ọnọrụ ọnya ana aā hị́ Ịsọọrụ. Ịsọọrụ ộ ta jẹẹ ịnị ọmụha nyị aza ana gọdọ tụ̀ ọ ịnị avaba Anisirẹrị. Ọnị ộ sị ẹhụụ ịza dà a vahịrẹ gọdọ huna avaba aza ana vọ.